Edwɛkpa ne kɛmɔ Maake hɛlɛle la 6:34 - BAEBOLO ANZƐƐ BULUKU NWUANZANWUANZA

³⁴ Gyisɛse vi ɛlɛne ne anu dwule aze la, ɔnwunle menli dɔɔnwo ne na ɔ kunlu yelɛyelale ye kpole, ɔluakɛ bɛle kɛ mboane mɔɔ ɛnlɛ neavolɛ la. Zɔhane ati ɔbɔle ɔ bo ɔhilehilele bɛ ninyɛne dɔɔnwo.

Edwɛkpa ne kɛmɔ Maake hɛlɛle la 6:34 ပူးပေါင်းရင်းမြစ်များ

1 Arl 22:17

Maekaya buale kɛ, “Menwu Yizilayɛma amuala kɛ mboane mɔɔ ɛzande awoka zo na bɛnlɛ bɛ menle la, na Ɛdɛnkɛma ɛlɛka kɛ, ‘Mboane ɛhye mɔ ɛnlɛ bɛ menle, yemɔti biala ɛzia ɛhɔ ye sua nu anzonudwolɛ nu.’ ”

2 Edk 18:16

Na Maekaya hanle kɛ, “Menwunle kɛ Yizilayɛma amuala ɛbɔ asande wɔ awoka ne mɔ azo lɔ kɛ mboane mɔɔ ɛnlɛ neavolɛ la, na Ɛdɛnkɛma zele kɛ, ‘Ɛhye mɔ ɛnlɛ bɛ menle; yemɔti bɛmaa bɛhɔ sua nu anzonudwolɛ nu.’ ”

Ayezaya Buluku ne 13:14

“Menli kɔsɔɔti bayɛ kɛ ahɛtɛboɛ mɔɔ bɛdoa bɛ bɛlɛkye bɛ, anzɛɛ mboane mɔɔ ɛbɔ asande na awie ɛnle ɛkɛ mɔɔ boɔboa bɛ nloa la. Awie biala banriandi ahɔ ye menli avinli wɔ ɔdaye ye maanle nu.

Gyɛlɛmaya Buluku ne 50:6

“Me menli ne ɛyɛ kɛ mboane mɔɔ ɛminli la, bɛ neavolɛma a ɛminli bɛ a. Bɛtulu bɛ bɛmaa bɛluolua awoka ne mɔ azo. Bɛkpɔsa awoka mgbole nee ngyikyi zo, bɛnnwu bɛ tunli ne adenle.

Yizikeɛle Buluku ne 34:5

Yemɔti bɛbɔle asande, ɔboalekɛ ɛnee bɛnlɛ mɔɔ nea bɛ a; na bɛyɛle aleɛ bɛmanle ɛbɔ nu nanemgbole.

Zɛkalaya Buluku ne 10:2

Mmonle ananze ne mɔ ka ngoaseasɛm, ngonyiama bɔ adalɛ, yɛɛ menli mɔɔ ka ɛlalɛ la nwu adalɛ yekile, bɛfa bɛbɛlɛbɛla awie mɔ kɛ bɛfa bɛakyekye bɛ rɛle. Zɔhane ati menli ne duolua nuhua kɛ mboane; bɛnwu amaneɛ, ɔboalekɛ bɛnlɛ neavolɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 27:17

mɔɔ kɛli bɛ nyunlu ɔ nee bɛ kɛhɔ, ɔ nee bɛ kɛra la, amaa menli ne anyɛ kɛ mboane mɔɔ ɛnlɛ neavolɛ la.”

Edwɛkpa ne kɛmɔ Mateyu hɛlɛle la 14:14

Gyisɛse tolole rale azule ne anloa na ɔnwunle menli dɔɔnwo ne la, ɔlile bɛ nwo nyane na ɔyɛle wuleravolɛma mɔɔ wɔ nu la ayile ɔmanle bɛdele kpɔkɛ.

Edwɛkpa ne kɛmɔ Mateyu hɛlɛle la 15:32

Gyisɛse vɛlɛle ye ɛdoavolɛma ne na ɔzele bɛ kɛ, “Menli ye anwo yɛ me alɔbɔlɛ, ɔluakɛ bɛ nee me ɛradɛnla ɛke kenle nsa, yɛɛ bɛtɛdile debie. Mengulo kɛ bɛfa bɛ ko mgbane bɛsia bɛkɔ, anrɛɛ bɛ nye zo kɛbulu bɛ wɔ adenle nu.”

Edwɛkpa ne kɛmɔ Mateyu hɛlɛle la 9:36

Ɔnwunle menli somaa ne la, alɔbɔlɛ hunle ye, ɔluakɛ bɛbɔ asande na bɛluolua nu mgbane mgbane kɛ mboane mɔɔ ɛnlɛ neavolɛ la.

Edwɛkpa ne kɛmɔ Maake hɛlɛle la 6:33

Noko menli dɔɔnwo ze bɛ, yemɔti mɔɔ bɛnwunle kɛ bɛlɛkɔ la bɛvale ɛnriandilɛ bɛvi azua ne mɔ azo bɛbule bɛ nyunlu.

Edwɛkpa ne kɛmɔ Maake hɛlɛle la 6:35

Mɔɔ aleɛ ne hɔle bie la, ye ɛdoavolɛma ne mɔ razele ye kɛ, “Aleɛ ne anloa ɛbɔ aze, yɛɛ ɛke noko ɛmbikye sua zo.

Edwɛkpa ne kɛmɔ Maake hɛlɛle la 8:1

Yeangyɛ biala yɛɛ menli dɔɔnwo bieko rayiale ɔ nwo ɛkɛ a. Bɛ aleɛ mɔɔ bɛdi la wiele la, Gyisɛse vɛlɛle ye ɛdoavolɛma ne mɔ na ɔzele bɛ kɛ,

Edwɛkpa ne kɛmɔ Maake hɛlɛle la 8:2

“Me kunlu yelɛyela me wɔ menli ɛhye mɔ anwo, ɔluakɛ bɛ nee me ɛradɛnla kenle nsa, yɛɛ bɛnlɛ debie biala mɔɔ bɛdi ye kɛkala a.

Edwɛkpa ne kɛmɔ Luku hɛlɛle la 9:11

Mɔɔ menli ne mɔ dele la, bɛdoale ye wɔ lɔ. Na ɔliele bɛ, ɔhanle Nyamenle Belemgbunlililɛ ne anwo edwɛkɛ ɔhilele bɛ, na ɔyɛle bɛdabɛ mɔɔ bɛnde kpɔkɛ la ayile.

Kɛlata mɔɔ bɛhɛlɛle bɛhɔmanle Hibuluma la 2:17

Ɛhye kile kɛ ɔwɔ kɛ ɔyɛ kɛ ɔ mediema ne mɔ la wɔ adenle biala anu, amaa yeayɛ bɛ Sɛlɛvolɛ Kpanyinli mɔɔ di nɔhalɛ na ɔse anwunvɔne wɔ ye Nyamenle gyimayɛlɛ nu, na yeali bɛ ti mgbɔdalɛ, amaa bɛava menli ɛtane bɛahyɛ bɛ.

Kɛlata mɔɔ bɛhɛlɛle bɛhɔmanle Hibuluma la 4:15

Yɛ Sɛlɛvolɛ Kpanyinli ɛhye le sonla mɔɔ se yɛ anwunvɔne wɔ yɛ sinlidɔlɛ nwo a. Yɛlɛ Sɛlɛvolɛ Kpanyinli mɔɔ bɛzɔle ye bɛnleanle kɛ yɛdayɛ la, noko yeanyɛ ɛtane biala.