Edwɛkpa ne kɛmɔ Maake hɛlɛle la 6:20 - BAEBOLO ANZƐƐ BULUKU NWUANZANWUANZA

²⁰ Hɛlɔdo zulole, ɔboalekɛ Dwɔn le sonla mɔɔ ye ɛbɛla tenrɛ na ɔ nwo te a, yemɔti ɔvale ye ɔziele kpalɛ. Ɔhulole kɛ ɔkɛdie Dwɔn anloa edwɛkɛ, noko kenle mɔɔ ɔkɛdie ye la ɛnee ɔ ti akunlu ɛzɛkye bɔkɔɔ.

Edwɛkpa ne kɛmɔ Maake hɛlɛle la 6:20 ပူးပေါင်းရင်းမြစ်များ

1 Arl 21:20

Ehabe nwunle Yilaegya ala la ɔhanle kɛ, “Hue e! Me kpɔvolɛ ɛvinde me.” Yilaegya buale ye kɛ, “Ɛhɛe, mevinde wɔ! Ɔboalekɛ wɔbɔ kpɔkɛ kɛ wɔmɔ, amumuyɛ ala a ɛyɛ wɔatia Ɛdɛnkɛma a.

2 Arl 13:14

Anwonyane mɔɔ rale Nyamenle kpɔmanvolɛ Yilaehya ɛhunlɛ la bɔle ye. Na mɔɔ ɔla anwonyane ne anu la, Yizilayɛ Belemgbunli Gyɛhowahye rakpɔlale ye. Ɔnwunle Yilaehya la ɔzunle na ɔzele kɛ, “O egya, egya! Yizilayɛ konle ehwili ne nee menli mɔɔ ka mgbɔnwɔ ne mɔ la, bɛmɛ ɛhye o!”

2 Arl 6:21

Mɔɔ Yizilayɛ belemgbunli ne nwunle Selea ɛlɔnema ne la, ɔbizale Yilaehya kɛ, “Egya, mengu bɛ ɔ? Mengu bɛ ɔ?”

2 Edk 24:2

Dwowahye yɛle mɔɔ sɔ Ɛdɛnkɛma anye la wɔ mekɛ mɔɔ sɛlɛvolɛ Gyɛhɔyada de aze la.

2 Edk 26:5

Mekɛ mɔɔ Zɛkalaya, mɔɔ yemɔ a ɛnee kilehile ye Nyamenle ɛzonlenlɛ la de ngoane nu la, Belemgbunli Ɛzaya vale ziele ɔ nyunlu ɔzonlenle Ɛdɛnkɛma, na Nyamenle manle ɔkpazile.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 11:3

Ɛdɛnkɛma manle Yigyibitima lile Yizilayɛma ne eni. Ɛnee Mosisi mumua ne ɛyɛ sonlakpole wɔ Yigyibiti maanle ne anu, wɔ belemgbunli mgbanyima ne nee menli ne mɔ anye zo.

Yizikeɛle Buluku ne 33:32

Na nea, ɛle bɛ nye zo kɛ sonla bie mɔɔ fa ɛnelɛ fɛlɛko to ɛhulolɛ edwɛne na ɔbɔ agole la, ɔluakɛ bɛte mɔɔ ɛka la, noko bɛnrɛyɛ ye ɛlɛ.

Daneɛle Buluku ne 4:18

“Bɛletihyazaa, ɛlalɛ ɛhye a medame Belemgbunli Nɛbukadenɛza menganle a, kile me ɔ bo, ɔboalekɛ Anwuma Nyamenle ne Sunsum wɔ wɔ nu. Nrɛlɛbɛvolɛma mɔɔ wɔ me maanle ye anu la amuala ɛyɛ biala na bɛangola bɛangile ɔ bo.”

Daneɛle Buluku ne 4:27

Zɔhane ati, Nana, die me folɛ mɔɔ melɛtu wɔ la to nu. Gyakyi ɛtanelilɛ nee ninyɛndane ɛyɛlɛ, na bɔ ɛbɛla tenlene, nwu bɛdabɛ mɔɔ bɛlɛsisi bɛ la anwunvɔne, amaa wɔahɔ zolɛ wɔakpazi.”

Daneɛle Buluku ne 5:17

Daneɛle buale belemgbunli ne kɛ, “Nana, maa wɔ ahyɛlɛdeɛ ne ɛwoa ɛkɛ; saa ɛkulo noko a fa kyɛ awie na mame, mekenga ngɛlɛlera ne meahile ɔ bo meahile wɔ.

Edwɛkpa ne kɛmɔ Mateyu hɛlɛle la 14:5

Yemɔti Hɛlɔdo dwenlenle nwo kɛ ɔku Dwɔn, noko ɛnee ɔsulo Dwuuma ne, ɔluakɛ ɛnee bɛva Dwɔn kɛ ɔle Nyamenle kpɔmanvolɛ.

Edwɛkpa ne kɛmɔ Mateyu hɛlɛle la 21:26

Saa yɛka noko kɛ, ‘Ɔvi sonla’ a, yɛsulo menli ye, ɔboalekɛ bɛ muala bɛdie bɛto nu kɛ Dwɔn le Nyamenle kpɔmanvolɛ.”

Edwɛkpa ne kɛmɔ Maake hɛlɛle la 11:18

Sɛlɛvolɛ mgbanyinli nee mɛla kilehilevolɛma ne mɔ dele ɛhye la, bɛbɔle ɔ bo kɛ bɛkpondɛ adenle bɛalua zolɛ bɛahu Gyisɛse. Noko bɛzulole, ɔluakɛ ye ngilehilelɛ ne zinle menli dɔɔnwo ne amuala anwo.

Edwɛkpa ne kɛmɔ Maake hɛlɛle la 4:16

Zɔhane ala yɛɛ menli ne bie mɔ le kɛ ma ne mɔɔ gua awolɛ nu la a. Menli ɛhye mɔ te edwɛkɛ ne a, ndɛndɛ ne ala bɛfa fɛlɛko bɛdie bɛto nu.

Dw 5:35

Dwɔn le kɛ kɛnlaneɛ la, ɔzɔle na ɔdale, noko bɛ nye liele ye wienyi ne anu mekɛ ekyi bie ala.

Ɛzoanvolɛma Gyima ne 2:12

Na azibɛnwo nu ala, bɛbizale kɛ, “Ɛnee ɛhye abo a le duzu?”

Ɛzoanvolɛma Gyima ne 5:24

Ɛhye yɛle kpanyinli ne mɔɔ nea Ɛzonlenlɛ Sua ne sinzavolɛma ne anwo zo, nee sɛlɛvolɛ mgbanyinli ne mɔ naa ekyii, na bɛdwenlenle nwo kɛ kabezɛ edwɛkɛ bie ɛzi ɛzoanvolɛma ne anwo zo.