Edwɛkpa ne kɛmɔ Maake hɛlɛle la 6:2 - BAEBOLO ANZƐƐ BULUKU NWUANZANWUANZA

² Ɛnwomenlelielɛ Kenle ne dwule la, ɔbɔle ɔ bo kɛ ɔyɛ ngilehilelɛ wɔ nyianu sua ne anu. Ɛnee menli dɔɔnwo kpalɛ wɔ ɛkɛ; bɛdiele ye bɛwiele la, ɔzinle bɛ nwo na bɛbizale kɛ, “Nienwu a nrenya ye nee ɛhye vi a? Ɔzukoale ye nrɛlɛbɛ ɛhye wɔ nienwu? Adenle boni anu a ɔfa ɔyɛ ye nwanwane ninyɛne ɛhye mɔ a?

Edwɛkpa ne kɛmɔ Maake hɛlɛle la 6:2 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 4:23

Gyisɛse hɔkpɔsale Galeli maanzinli ne anu amuala na ɔhilehilele wɔ bɛ nyianu azua ne mɔ anu, ɔhanle Anwuma Belemgbunlililɛ ne anwo Edwɛkpa ne, na ɔmanle menli mɔɔ ewule nee anwondolɛ ngakyile ɛha bɛ la anwo zale.

Edwɛkpa ne kɛmɔ Mateyu hɛlɛle la 7:28

Mɔɔ Gyisɛse wiele ɛhye mɔ ka la, ye ngilehilelɛ ne zinle menli dɔɔnwo ne anwo,

Edwɛkpa ne kɛmɔ Maake hɛlɛle la 1:39

Zɔhane ati ɔhɔkpɔsale Galeli maanzinli ne anu amuala ɔbɔle Edwɛkpa ne nolo wɔ nyianu azua ne mɔ anu na ɔdudule mbɔnsam.

Edwɛkpa ne kɛmɔ Maake hɛlɛle la 10:1

Gyisɛse vile ɛkɛ ne rale Dwudiya maanzinli nu na ɔpɛle ɔdɔle Azule Dwɔdan ne anzi. Menli dɔɔnwo rayiale ye bieko, na kɛmɔ ɔta ɔyɛ la, ɔhilehilele bɛ.

Edwɛkpa ne kɛmɔ Luku hɛlɛle la 2:47

Nrɛlɛbɛ mɔɔ wɔ ye nyelebɛnloa nee ye ndelebɛbo nu la zinle bɛdabɛ mɔɔ ɛnee bɛlɛtie ye la anwo.

Edwɛkpa ne kɛmɔ Luku hɛlɛle la 4:15

Ɔhilehilele wɔ bɛ nyianu azua ne mɔ anu na awie biala yele ye ayɛlɛ.

Dw 6:42

Na bɛhanle kɛ, “Tɛ Dwosefi ara Gyisɛse ɛhye ɔ? Yɛze ɔ ze nee ɔ nli. Adenle boni azo a ɔlua mɔɔ ɔka kɛ ɔvi anwuma a yera a?”

Dw 7:15

Ye ngilehilelɛ ne zinle Dwuu mgbanyima ne mɔ anwo kpole manle bɛhanle kɛ, “Na kenlenzu a sonla ɛhye zukoale ye nwoma ye, mɔɔ ɔtɛkɔle sukulu ɛlɛ, noko ɔze debie kpole zɛhae a?”