Edwɛkpa ne kɛmɔ Maake hɛlɛle la 6:11 - BAEBOLO ANZƐƐ BULUKU NWUANZANWUANZA

¹¹ Saa bɛkɔ sua bie azo noko na menli ne anlie bɛ anzɛɛ ɛnrɛdie bɛ a, bɛvi ɛkɛ ne bɛhɔ na bɛkpɔlɔkpɔla bɛ gyakɛ anwo munlutu bɛgua, bɛva bɛhile kɛ menli ne di ɛzonle.”

Edwɛkpa ne kɛmɔ Maake hɛlɛle la 6:11 ပူးပေါင်းရင်းမြစ်များ

Nihɛmaya Buluku ne 5:13

Akee menyele ɛdanlɛ kodoku ne mɔɔ hye me nze zo la na memkpokpole nuhua na menzele kɛ, “Awie biala mɔɔ yeanli ye ɛwɔkɛ mɔɔ yebɔ la azo la, Nyamenle badu ye avi ye sua nu, alie ye debie biala ɔ sa nu yeamaa yeaha ye kpoholokpo ne ala.” Awie biala mɔɔ wɔ ɛkɛ ne la liele zolɛ, “Amen”, na bɛyele Ɛdɛnkɛma ayɛlɛ. Na mgbanyima ne mɔ noko lile bɛ ɛwɔkɛ ne azo.

Edwɛkpa ne kɛmɔ Mateyu hɛlɛle la 12:36

“Meka meahile bɛ: Edwɛkɛ mgbane mgbane biala mɔɔ awie biala kɛha la ɔbabu nwolɛ mgbonda wɔ Ndɛnebualɛ Kenle ne.

Edwɛkpa ne kɛmɔ Maake hɛlɛle la 6:10

Eza ɔzele bɛ kɛ, “Awuke biala mɔɔ bɛkɛlie bɛ nu la, bɛdɛnla ɛkɛ ne ala bɛmaa ɔhɔkpula kenle mɔɔ bɛkɛvi sua ne azo la.

Edwɛkpa ne kɛmɔ Luku hɛlɛle la 9:5

na ɛleka biala mɔɔ menli ne anlie bɛ la, bɛvi sua ne azo bɛhɔ na bɛkpokpo bɛ gyakɛ abo anwea ne bɛgua zolɛ bɛmaa ɔyɛ daselɛ ɔtia bɛ.”

Ɛzoanvolɛma Gyima ne 18:6

Nzinlii mɔɔ bɛtiale mɔɔ ɔlɛka la, bɛhehanle ɛtane dɔɔnwo bɛhilele ye. Ɛhye ati Pɔɔlo kpokpole ye tɛladeɛ ne anu munlutu guale na ɔzele bɛ kɛ, “Saa bɛminli a, nwolɛ ɛzonle ɛnzo me. Bɛdabɛ bɛ ɛminlinlɛ nwo ɛzonle zo bɛ! Ɔvi ɛnɛ mɔɔ kɔ la mebahɔ bɛdabɛ mɔɔ bɛnle Dwuuma la anu meahɔha Edwɛkpa ne.”

Wulo 2:16

kɛmɔ Edwɛkpa ne mɔɔ mebɔ ye nolo la kile la. Na yemɔ a le kɛ, Nyamenle dua Gyisɛse Kelaese anwo zo bua menli kɔsɔɔti ndɛne wɔ adwenle biala mɔɔ bɛfa ye fealera nu la anwo.

Wulo 2:5

Noko bɛmɛ bɛ nzo yɛ se kpalɛ, yɛɛ bɛsolo. Zɔhane ati bɛlɛmaa bɛ ndeanlɛ ayɛ kpole wɔ Kenle ne mɔɔ Nyamenle ɛya ne nee ye ndɛnebualɛ fɔɔnwo ne kɛdwu la.

2 Pit 2:6

saa Nyamenle anvavi na ɔdeanle azuamgbole Sodɔm nee Gomɔla, ɔvale senle ɔzɛkyele bɛ, ɔhilele kɛ kenle bie bɛdabɛ mɔɔ bɛngulo Nyamenle la kɛzi kɛwie ye la,

2 Pit 2:9

ɛnee Awulae ze kɛ ɔsi ɔdie menli kpalɛ ɔfi bɛ sɔnea nu na ɔsie amumuyɛma wɔ ndeanlɛ bo kɔkpula Ndɛnebualɛ Kenle ne a.

2 Pit 3:7

Nyamenle anloa edwɛkɛ ko ye ala azo a bɛlua bɛhua anwuma nee aze mɔɔ kɛkala wɔ ɛkɛ ne la anwo senle bɛzie ɛkɛ bɛlɛfa bɛahendɛ ndɛnebualɛ kenle ne nee menli mɔɔ ɛnze Nyamenle la ɛzɛkyelɛ a.

1 Dw 4:17

Nyamenle maa ɛhulolɛ di munli wɔ yɛ nu, amaa yɛahola gyinla wɔ Ndɛnebualɛ Kenle ne, ɔboalekɛ kɛ Kelaese si de la, zɔhane ala yɛɛ yɛdayɛ noko yɛle wɔ ewiade ye anu a.

Dwuudu Kɛlata ne 1:7

Bɛhakye Sodɔm nee Gomɔla, nee azua mɔɔ zuozua bɛ la, menli mɔɔ wɔ azua ɛhye mɔ azo la bɔle adwɔmane nee munzule ɛbɛla, na ɔlua zolɛ kɛkala bɛdea bɛ wɔ senle ne mɔɔ ɛnnu ɛlɛ la anu, amaa yeayɛ kɔkɔbɔlɛ yeamaa menli kɔsɔɔti.