Edwɛkpa ne kɛmɔ Maake hɛlɛle la 5:7 - BAEBOLO ANZƐƐ BULUKU NWUANZANWUANZA

⁷ na ɔhanle ye kpole kɛ, “Anwuma Anwuma Nyamenle Ara Gyisɛse, ɛ nee me lɛ bie ɔ? Mefa Nyamenle mekpa wɔ kyɛlɛ, mmatea me!”

Edwɛkpa ne kɛmɔ Maake hɛlɛle la 5:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:15

Mebava ɛkpɔlɛ meado wɔ nee raalɛ ne, nee ɛ ra nee raalɛ ne ara avinli. Raalɛ ne ara bagelegele ɛ ti na ɛdawɔ wɔaha ɔ gyakɛ anzi.”

1 Arl 22:16

Belemgbunli ne bizale ye kɛ, “Se dahuu mese wɔ kɛ anrɛɛ ɛha nyamenlezo nɔhalɛ ne ɛhile me? Fane nyɛ yɛɛ ɛkpondɛ kɛ meka ye a?”

Hozia Buluku ne 14:8

O Yifelaem, duzu a me nee mmonle lɛ yɛ a? Medame a mebua bɛ nzɛlɛlɛ nwo, menea bɛ nwo zo a. Mele kɛ sepelɛse baka dokodoko, medame a memaa bɛso ma a.”

Edwɛkpa ne kɛmɔ Mateyu hɛlɛle la 16:16

Saemɔn Pita buale kɛ, “Wɔmɔ a ɛle Kelaese ne, mɔɔ le tease Nyamenle ne Ara ne.”

Edwɛkpa ne kɛmɔ Mateyu hɛlɛle la 26:63

Na Gyisɛse andɛ ɔ nloa anu. Sɛlɛvolɛ Kpanyinli ne akee zele Gyisɛse kɛ, “Nea tease Nyamenle ne anyunlu na ka kile yɛ saa wɔmɔ a ɛle Mɛzaya ne, mɔɔ le Nyamenle Ara ne a.”

Edwɛkpa ne kɛmɔ Mateyu hɛlɛle la 4:3

Abɔnsam bikyele ye na ɔzele ye kɛ, “Saa wɔmɔ a ɛle Nyamenle Ara ne a, ɛnee maa awolɛ ɛhye mɔ ɛhakyi kpanwo.”

Edwɛkpa ne kɛmɔ Mateyu hɛlɛle la 8:29

Na bɛdeanle nu kɛ, “Wɔmɔ Nyamenle Ara, duzu yɛɛ ɛkpondɛ wɔ yɛ ɛkɛ ne a? Wɔra kɛ ɛbadea yɛ kolaa na kenle ne adwu ɔ?”

Edwɛkpa ne kɛmɔ Maake hɛlɛle la 1:24

“Gyisɛse mɔɔ vi Nazalɛte, kɛ yɛze wɔ ɛ? Wɔra kɛ ɛbazɛkye yɛ ɔ? Meze wɔ sonlazule: Wɔmɔ a ɛle Nyamenle Sonla ne mɔɔ anwo te la!”

Edwɛkpa ne kɛmɔ Maake hɛlɛle la 14:61

Na Gyisɛse andɛ ɔ nloa anu. Eza Sɛlɛvolɛ Kpanyinli ne bizale ye kɛ, “Wɔmɔ a ɛle Saleɛnli Nyamenle Ara Mɛzaya ne la ɔ?”

Edwɛkpa ne kɛmɔ Maake hɛlɛle la 3:11

Sunsum ɛtane ne mɔ nwu Gyisɛse a, bɛtu bɛgua ɔ nyunlu na bɛtea nu kɛ, “Wɔmɔ a ɛle Nyamenle Ara ne a!”

Edwɛkpa ne kɛmɔ Maake hɛlɛle la 5:6

Ɔnwunle Gyisɛse kɛ ɔlua moa moa lɔ ɔlɛba la, ɔnriandile ɔrahotole ɔ nyunlu ɛkɛ ne

Edwɛkpa ne kɛmɔ Maake hɛlɛle la 5:8

(Ɔhanle ɛhye, ɔluakɛ ɛnee Gyisɛse ɛlɛka kɛ, “Sunsum ɛtane, ɛvi nrenya ye anwo tu!”)

Edwɛkpa ne kɛmɔ Luku hɛlɛle la 1:32

Ɔbayɛ kpole na bɛavɛlɛ ye Anwuma Anwuma Nyamenle ne Ara. Awulae Nyamenle bayɛ ye belemgbunli kɛ ɔ nlenya Devidi la,

Edwɛkpa ne kɛmɔ Luku hɛlɛle la 4:34

“Aa! Wɔmɔ Gyisɛse mɔɔ ɛvi Nazalɛte, kɛ yɛze wɔ ɛ? Wɔra kɛ ɛbazɛkye yɛ ɔ? Meze wɔ sonlazule. Wɔmɔ a ɛle Nyamenle Sonla ne mɔɔ anwo te la!”

Edwɛkpa ne kɛmɔ Luku hɛlɛle la 6:35

Kyɛkyɛ! Bɛhulo menli mɔɔ kpɔ bɛ la na bɛyɛ kpalɛ bɛmaa bɛ, bɛbɔ bɛ bosea, noko bɛmmamaa bɛ nye da kɛ bɛ sa kɛha ye, na Anwuma Anwuma Nyamenle ne bamaa bɛ nwolɛ ahatualɛ kpole, na yeavɛlɛ bɛ ɔ mra, ɔluakɛ ɔyɛ nyele ɔmaa anzeayɛlɛma nee angomedima amuala.

Edwɛkpa ne kɛmɔ Luku hɛlɛle la 8:28

Mɔɔ ɔnwunle Gyisɛse la, ɔdeanle nu kpole bie, ɔradule ɔdɔle ɔ nyunlu na ɔhanle ye kpole kpalɛ kɛ, “Anwuma Anwuma Nyamenle Ara Gyisɛse, ɛ nee me lɛ bie ɔ? Mekpa wɔ kyɛlɛ, mmatea me!”

Dw 20:31

Mɔɔ bɛhɛlɛ ye wɔ ɛke la, bɛhɛlɛ amaa bɛalie bɛali kɛ Gyisɛse a le Mɛzaya ne mɔɔ le Nyamenle Ara ne la, na ɔlua bɛ diedi mɔɔ bɛlɛ ye wɔ ye nu la azo bɛanyia ngoane.

Ɛzoanvolɛma Gyima ne 16:17

Ɔdoale yɛ nee Pɔɔlo na ɔlile yɛ nzi ɔdeɛdeanle nu kɛ, “Anwuma Anwuma Nyamenle ne sonvolɛma, mɔɔ bɔ ngoanelielɛ adenle ne anwo nolo la ɛne!”

Ɛzoanvolɛma Gyima ne 19:13

Dwuuma bie mɔ noko mɔɔ bɛdabɛ bɛluolua nu bɛtu sunsum ɛtane la yɛle kɛ bɛfa Awulae Gyisɛse duma bɛayɛ bie. Bɛzele sunsum ɛtane ko kɛ, “Melua Gyisɛse ne mɔɔ Pɔɔlo bɔ ɔ nwo nolo la duma nu mese wɔ kɛ ɛvi ɔ nwo tu.”

Ɛzoanvolɛma Gyima ne 8:36

Mɔɔ bɛlua adenle zo bɛlɛkɔ la, bɛrale azule bie anloa, na nrenya ne zele Felepe kɛ, “Nea, nzule ɛ! Duzu a si wɔ adenle mɔɔ ɔmaa ɛsɔne me a ɔnyɛ boɛ a?” [

Wulo 16:20

Na Nyamenle, anzonudwolɛ maavolɛ ne, ɛnrɛhyɛ biala na yeabɛtɛ Seetan wɔ bɛdabɛ bɛ gyakɛ abo. [Yɛ Awulae ɛlolɛ ne nee bɛ ɛdɛnla.]

Kɛlata mɔɔ bɛhɛlɛle bɛhɔmanle Hibuluma la 2:14

Zɔhane ati kɛmɔ ngakula ne mɔ le nwonane nee mogya la, Gyisɛse ɔdaye ɔyɛle ɔ nwo kɛ bɛdabɛ la na ɔnyianle bɛ nwonane ne bie, amaa yealua ye ewule zo yeazɛkye Abɔnsam, mɔɔ ɛnee lɛ tumi wɔ ewule nwo zo la,

Kɛlata mɔɔ bɛhɛlɛle bɛhɔmanle Hibuluma la 7:1

Mɛlekezidɛke ɛhye, anrɛɛ ɔle belemgbunli wɔ Salɛm, eza ɔle Anwuma Anwuma Nyamenle ne Sɛlɛvolɛ. Mɔɔ Ebileham vi konle ne mɔɔ ɔlile arelemgbunli nna bie anwo zo konim la anloa ɛlɛba la, Mɛlekezidɛke yiale ye na ɔyilale ye,

Gyemise Kɛlata ne 2:19

Bɛdie bɛdi kɛ Nyamenle kokye a wɔ ɛkɛ a. Ɔdaye ne ala ɛne! Mbɔnsam noko die di, na ɛzulolɛ maa bɛ nwo wozo bɛ.

2 Pit 2:4

Saa Nyamenle anvavi ye soanvolɛma ne mɔɔ vonle ye, na ɔvuandinle bɛ ɔguale hɛɛle, yemaa bɛgua bɛ nwɔnzɔnwɔnzɔ wɔ awozinli kabii ne anu, kɛ bɛhendɛ Ndɛnebualɛ Kenle ne;

1 Dw 3:8

Na awie biala mɔɔ yɛ ɛtane la le Abɔnsam ɛdeɛ, ɔluakɛ mɔlebɛbo ne Abɔnsam a lumuale yɛle ɛtane a. Deɛ mɔɔ yemɔti Nyamenle Ara ne rale la a le kɛ ɔbazɛkye Abɔnsam gyima biala mɔɔ yeli la.

Dwuudu Kɛlata ne 1:6

Bɛhakye kɛ Nyamenle soanvolɛma ne mɔ mɔɔ bɛangola bɛanzie bɛ ti ɛleka ko, na bɛkpole bɛ gyinlabelɛ kpalɛ ne la, Nyamenle ɛgua bɛ nwɔnzɔnwɔnzɔ mɔɔ bɛnzianyi bɛ ɛlɛ la wɔ awozinli kabikabi ne anu lɔ kɛ bɛhendɛ Ndɛnebualɛ Kenle kpole ne.

Yekile 12:12

Zɔhane ati bɛmɛ anwumaneamra, nee bɛdabɛ mɔɔ bɛwɔ zolɛ la amuala, bɛli fɛlɛko! Na bɛmɛ azɛlɛ nee nyevile, bɛ gyakɔ! Ɔluakɛ Abɔnsam ɛdwu ɛra bɛ nwo lɔ, na ɛya kpole wɔ ye nuhua, ɔboalekɛ ɔze kɛ ye mekɛ ɛha ekyi bie ala.”