Edwɛkpa ne kɛmɔ Maake hɛlɛle la 5:36 - BAEBOLO ANZƐƐ BULUKU NWUANZANWUANZA

³⁶ Gyisɛse dele mɔɔ bɛhanle la, noko ɔzile nyianu sua ne kpanyinli ne ahonle na ɔzele ye kɛ, “Mmasulo, wɔmɔ die di ala.”

Edwɛkpa ne kɛmɔ Maake hɛlɛle la 5:36 ပူးပေါင်းရင်းမြစ်များ

2 Edk 20:20

Bɛdwazole ndɛndɛ wɔ aleɛbahye ne ala na bɛhɔle Tɛkowa fienemgbole ne anu. Mɔɔ bɛkɔ la, Belemgbunli Gyɛhɔhyafate ragyinlanle adenle ne anloa na ɔzele bɛ kɛ, “Dwudama nee Gyɛlusalɛmma, bɛdie me! Bɛlie Ɛdɛnkɛma bɛ Nyamenle ne bɛli, na bɛbali konim. Bɛlie Nyamenle kpɔmanvolɛma ne bɛli, na bɛbaho bɛadɔ zolɛ.”

Edwɛkpa ne kɛmɔ Mateyu hɛlɛle la 17:20

Gyisɛse buale bɛ kɛ, “Ɔluakɛ bɛ diedi le ekyi la ati ɔ. Nɔhalɛ, meka meahile bɛ kɛ, saa bɛ diedi ne kpole le kɛ ‘mɛsetade’ ma kunlu ma ekyi bie bɔbɔ a, anrɛɛ bɛbahola bɛaze boka ɛhye kɛ, ‘Tudu kɔ nehane!’ na ɔkɛhɔ; eza debie biala ɛyɛlɛ ɛnrɛyɛ se ɛnrɛmaa bɛ. [

Edwɛkpa ne kɛmɔ Mateyu hɛlɛle la 9:18

Mɔɔ Gyisɛse anloa wɔ zo ɔlɛtendɛ yeahile bɛ la, nyianu sua ne neavolɛ kpanyinli ne rale na ɔrahotole Gyisɛse anyunlu ɛkɛ na ɔzɛlɛle ye kɛ, “Me ra raalɛ ɛwu kɛkala; noko bɛla bava ɛ sa to ɔ nwo zo maa ɔnyia ngoane.”

Edwɛkpa ne kɛmɔ Maake hɛlɛle la 5:22

Gyeeyaelɛse mɔɔ le sua ne azo nyianu sua ne mgbanyima ne mɔ ko la radule dɔle ɔ gyakɛ anu

Edwɛkpa ne kɛmɔ Maake hɛlɛle la 5:34

Gyisɛse zele ye kɛ, “Me ra raalɛ, wɔ diedi ɛlie wɔ ngoane. Fa anzonudwolɛ kɔ na wɔ ewule ne ɛhɔ bɔkɔɔ.”

Edwɛkpa ne kɛmɔ Maake hɛlɛle la 9:23

Gyisɛse zele ye kɛ, “Saa ɛkola a? Sonla mɔɔ lɛ diedi la kola yɛ debie biala.”

Edwɛkpa ne kɛmɔ Luku hɛlɛle la 8:50

Gyisɛse dele edwɛkɛ ne na ɔzele Gyeeyaelɛse kɛ, “Mmasulo, wɔmɔ die di ala na ɔbade kpɔkɛ.”

Dw 11:40

Gyisɛse zele ye kɛ, “Metɛkanle metɛkilele wɔ kɛ saa ɛdie ɛdi a ɛkɛnwu kɛ Nyamenle anyunlunyia ne si de la ɔ?”