Edwɛkpa ne kɛmɔ Maake hɛlɛle la 5:23 - BAEBOLO ANZƐƐ BULUKU NWUANZANWUANZA

²³ na ɔbodole ye kɛ, “Me ra raalɛ ekyi ne ɛlɛdie ewule awu. Mebodo wɔ, bɛla bava ɛ sa to ɔ nwo zo maa ɔde kpɔkɛ na ɔnyia ngoane.”

Edwɛkpa ne kɛmɔ Maake hɛlɛle la 5:23 ပူးပေါင်းရင်းမြစ်များ

2 Arl 5:11

Neeman vale ɛya na ɔzele kɛ, “Medwenle kɛ ɔfinde yeara, yearagyinla yeavɛlɛ Ɛdɛnkɛma ye Nyamenle ne, na yeava ɔ sa yeawɔza me ewule ne azo yeayɛ me kokobɛ ne ayile.

Edwɛndolɛ Buluku ne 107:19

Bɛzunle bɛvɛlɛle Ɛdɛnkɛma wɔ bɛ amaneɛnwunlɛ nu, na ɔliele bɛ ɔvile bɛ nyanenwunlɛ nu.

Edwɛndolɛ Buluku ne 50:15

Bɛzu bɛvɛlɛ me kenle biala mɔɔ ngyegyelɛ kɛdo bɛ la, na mebalie bɛ, na bɛaye me ayɛlɛ.”

Edwɛkpa ne kɛmɔ Mateyu hɛlɛle la 8:3

Gyisɛse denrɛle ɔ sa zɔle ye na ɔbuale ye kɛ, “Mekulo! Ɛ nwo ɛza!” Na ɛkɛ ne ala ye kokobɛ ne hɔle bɔkɔɔ.

Edwɛkpa ne kɛmɔ Maake hɛlɛle la 16:18

saa bɛsɔ nwɔlɛ nu anzɛɛ bɛno pɔezen a, debie biala ɛnrɛyɛ bɛ. Bɛbava bɛ sa bɛagua wuleravolɛma anwo zo, na bɛ nwo baza.”

Edwɛkpa ne kɛmɔ Maake hɛlɛle la 5:24

Na Gyisɛse nee ye hɔle. Menli dɔɔnwo kpalɛ doale ye na bɛhyelele ɔ nwo zo.

Edwɛkpa ne kɛmɔ Maake hɛlɛle la 6:13

Bɛdule mbɔnsam dɔɔnwo, na bɛvale nwole bɛkpokpale wuleravolɛma dɔɔnwo bɛyɛle bɛ ayile.

Edwɛkpa ne kɛmɔ Maake hɛlɛle la 7:32

Menli bie vale nrenya bie mɔɔ anzo ɛdi na ɔle mumule la rɛlɛle ye na bɛbodole ye kɛ ɔva ɔ sa ɔdo ɔ nwo zo.

Edwɛkpa ne kɛmɔ Maake hɛlɛle la 8:23

Gyisɛse zɔle nrenya ne asa na ɔvale ye ɔhɔle namule ne kandiba. Ɔseanle nyɛlɛ ɔguale ɔ sa nu na ɔvale ɔhanle nrenya ne anye, ɔvale ɔ sa ɔguale ɔ nwo zo na akee ɔbizale ye kɛ, “Ɛnwu debie ɔ?”

Edwɛkpa ne kɛmɔ Luku hɛlɛle la 13:13

Akee ɔvale ɔ sa ɔguale raalɛ ne anwo zo, na ɛkɛ ne ala ɔdenrɛle ɔ nwo fɔɔnwo na ɔyele Nyamenle ayɛlɛ.

Edwɛkpa ne kɛmɔ Luku hɛlɛle la 4:38

Gyisɛse vile nyianu sua ne anu na ɔhɔle Saemɔn sua nu la, ɛnee ɛyɛlɛyɛlɛ gyi Saemɔn aye ɔ nli ne anwo, na bɛhanle bɛhilele Gyisɛse.

Edwɛkpa ne kɛmɔ Luku hɛlɛle la 4:40

Mɔɔ sɛnzɛne ne ɛlɛkɔ ahɔdɔ la, bɛdabɛ mɔɔ bɛlɛ agɔnwolɛma mɔɔ ewule ngakyile ɛha bɛ la vale bɛ rɛlɛle Gyisɛse, na ɔvale ɔ sa ɔguguale bɛ nwo zo ngoko ngoko, ɔyɛle bɛ muala ayile ɔmanle bɛ nwo zale.

Edwɛkpa ne kɛmɔ Luku hɛlɛle la 7:12

Ɔhɔdwule sua ne kandiba la ɛnee bɛdo ɛlɔnwɔne na bɛ nee funli vi sua ne azo anuhɔlɛ kpole ne anu ɛlɛfinde. Ahenle mɔɔ ɛwu la le raalɛ kunlanvolɛ bie ara nrenya kokye, ɛhye ati ɛnee sua ne azo amra dɔɔnwo doa raalɛ ne.

Dw 11:3

Mediema mraalɛ ne mɔ zoanle manle bɛhɔzele Gyisɛse kɛ, “Awulae, ɛ gɔnwo kpalɛ ne ɛnde kpɔkɛ.”

Ɛzoanvolɛma Gyima ne 28:8

Mekɛ ne anu ɛnee ebunlu ɛhye Pɛbeleɛse ɔ ze na eza ɔkɔ baka zo, yemɔti ɔla sua nu. Pɔɔlo hɔle ɔ nwo ɛkɛ, ɔzɛlɛle ɔmanle ye na ɔvale ɔ sa ɔguale ɔ nwo zo ɔmanle ɔdele kpɔkɛ.

Ɛzoanvolɛma Gyima ne 6:6

Bɛvale bɛ bɛmanle ɛzoanvolɛma ne, ɛzoanvolɛma ne vale bɛ sa guale bɛ ti zo na bɛyɛle nzɛlɛlɛ bɛmanle bɛ.

Ɛzoanvolɛma Gyima ne 8:17

Pita nee Dwɔn vale bɛ sa guale menli ne mɔ ati zo zɛlɛle, na bɛnyianle Sunsum Nwuanzanwuanza ne.

Ɛzoanvolɛma Gyima ne 9:12

na wɔ ɛnyelɛzodeɛnwunlɛ nu yenwu nrenya bie mɔɔ bɛfɛlɛ ye Ananayase la kɛ yera ɔ nwo ɛkɛ yerava ɔ sa yegua ɔ ti zo yemaa yenwu debie bieko.”

Ɛzoanvolɛma Gyima ne 9:17

Yemɔti Ananayase hɔle sua nu ɛkɛ, ɔvale ɔ sa ɔguale Sɔɔlo ati zo na ɔzele ye kɛ, “Adiema Sɔɔlo, Awulae Gyisɛse, mɔɔ ɛlua adenle zo ɛlɛba ɛke mɔɔ ɔyele ɔ nwo ɔhilele wɔ la ɛzoa me ɛ nwo ɛke, amaa wɔanwu debie bieko na Sunsum Nwuanzanwuanza ne ara ɛ nwo zo.”