Edwɛkpa ne kɛmɔ Maake hɛlɛle la 5:14 - BAEBOLO ANZƐƐ BULUKU NWUANZANWUANZA

¹⁴ Menli mɔɔ ɛlɛnea agbolike ne mɔ la nriandile hɔbɔle suakpole ne nee namunamu ne mɔ azo amra amaneɛ. Menli rale kɛ bɛbanlea mɔɔ ɛzi la.

Edwɛkpa ne kɛmɔ Maake hɛlɛle la 5:14 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 7:6

“Bɛmmafa debie mɔɔ anwo te la bɛmaa ahwea, na bɛkɛpɛ bɛ nwo bɛkɛkeka bɛ; bɛmmafa bɛ anwoneɛ bɛgua agbolike nyunlu, na bɛkɛtietia zolɛ bɛkɛzɛkye bɛ mgbane.

Edwɛkpa ne kɛmɔ Mateyu hɛlɛle la 8:33

Menli mɔɔ ɛlɛnea agbolike ne mɔ la nriandile hɔle suakpole ne azo hɔhanle mɔɔ ɛzi la amuala, nee mɔɔ ɛzi menli ne mɔɔ sunsum ɛtane ne mɔ vale bɛ la anwo zo la noko.

Edwɛkpa ne kɛmɔ Maake hɛlɛle la 5:13

Gyisɛse manle bɛ adenle. Sunsum ɛtane ne mɔ vile nrenya ne anwo, na bɛhɔwolole agbolike ne mɔ. Agbolike ne mɔ mɔɔ bo apenle nwiɔ la dule twi pianle bɛ nwo wɔ boka ne anye anwo na bɛhɔguale tandane ne anu bɛwule.

Edwɛkpa ne kɛmɔ Maake hɛlɛle la 5:15

Bɛradwule la, ɛnee nrenya bɔnavolɛ ne mɔɔ anrɛɛ mbɔnsam dɔɔnwo wɔ ɔ nwo la anye zo ɛtete ye, na ɔheda ɛdanlɛ ɔde Gyisɛse anwo ɛkɛ. Ɛhye yɛle bɛ ɛzulolɛ kpole.

Edwɛkpa ne kɛmɔ Luku hɛlɛle la 8:34

Menli mɔɔ ka agbolike ne mɔ la nwunle mɔɔ zile la, bɛnriandile bɛhɔhanle ye wɔ sua ne azo bɛmanle ɔdwule menli mɔɔ wɔ namunamu ne mɔ mɔɔ zuozua ɛkɛ ne la amuala anzo nu.