Edwɛkpa ne kɛmɔ Maake hɛlɛle la 4:8 - BAEBOLO ANZƐƐ BULUKU NWUANZANWUANZA

⁸ Akee ma ne bie noko guale azɛlɛ kpalɛ zo, na bɛfifile, bɛnyinle, na bɛzole ma: bie mɔnwo abulasa, bie mɔnwo abulasia, yɛɛ bie mɔnwo ɛya.”

Edwɛkpa ne kɛmɔ Maake hɛlɛle la 4:8 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:12

Ɛvolɛ zɔhane Ayezeke yɛle egyinli wɔ ɛkɛ ne azɛlɛ ne azo, na ɛbuhenle ne dwule la ye bɛyɔba ne bɔle nwolɛ ɛya. Ɛdɛnkɛma yilale ye, na ɔnyianle ɔ nwo.

Ayezaya Buluku ne 58:1

Ɛdɛnkɛma zele me kɛ, “Tea nu, tea nu kpalɛ, maa ɛ ne ɛlielie kɛ aweɛne tendenle ne; ka me menli ne, Gyekɔbo abo zo amra ne mɛladonlɛ nee bɛ ɛtane ne mɔ kile bɛ.

Gyɛlɛmaya Buluku ne 23:29

Ɛdɛnkɛma se, “Me edwɛkɛ ne le senle, ɔle kɛ hamenle mɔɔ bɛfa bɛkpukekpuke bodane la.

Edwɛkpa ne kɛmɔ Mateyu hɛlɛle la 13:23

Na ma ne mɔɔ guale azɛlɛ kpalɛ zo la a le bɛdabɛ mɔɔ bɛtie edwɛkɛ ne na bɛte ɔ bo la. Nɔhalɛ, ɛhye mɔ so ma: bie mɔnwo ɛya, bie mɔnwo abulasia yɛɛ bie mɔnwo abulasa.”

Edwɛkpa ne kɛmɔ Mateyu hɛlɛle la 13:8

yɛɛ ma ne bie guale azɛlɛ kpalɛ zo, na bɛfifile bɛzole ma, bie mɔnwo ɛya, bie mɔnwo abulasia, yɛɛ bie mɔnwo abulasa.”

Edwɛkpa ne kɛmɔ Maake hɛlɛle la 4:20

Akee menli ne bie mɔ noko le kɛ ma ne mɔɔ gua azɛlɛ kpalɛ zo la. Menli ɛhye mɔ te edwɛkɛ ne, bɛdie bɛto nu, na bɛso ma: bie mɔnwo abulasa, bie mɔnwo abulasia, yɛɛ bie mɔnwo ɛya.”

Edwɛkpa ne kɛmɔ Maake hɛlɛle la 4:7

Bie mɔ guale mbowule nu, na mbowule ne nyinle hedale bɛ nwo zo, yemɔti bɛanzo ma.

Edwɛkpa ne kɛmɔ Maake hɛlɛle la 4:9

Gyisɛse hanle zɔle zolɛ kɛ, “Bɛdabɛ mɔɔ bɛlɛ ɛnzonlɛ la, bɛdie!”

Edwɛkpa ne kɛmɔ Luku hɛlɛle la 8:15

Ma ne mɔɔ guale azɛlɛ kpalɛ zo la a le bɛdabɛ mɔɔ saa bɛtie edwɛkɛ ne a bɛsɔ nu kpundii wɔ ahonle kpalɛ nu, na bɛfa abotane bɛyɛ tieyɛ bɛgyinla kpundii kɔkpula kɛ bɛkɛzo ma la.

Edwɛkpa ne kɛmɔ Luku hɛlɛle la 8:8

yɛɛ bie noko guale azɛlɛ kpalɛ zo, na bɛfifile bɛzole ma mɔnwo ɛya.” Gyisɛse dwulale ye edwɛkɛ ne kɛ, “Bɛdie, mɔɔ lɛ ɛnzonlɛ la ɛdie!”

Dw 15:5

“Mame a mele vanye baka ne a, yɛɛ bɛmɛ a bɛle ye ngane ne mɔ a. Mɔɔ kɛdɛnla me nu na menwɔdɛnla ye nu la bazo ma dɔɔnwo; ɔluakɛ saa menle nu a bɛ ngome bɛnrɛhola ɛhwee yɛ.

Dw 7:17

Mɔɔ kɛboɔboa ɔ nwo kɛ ɔyɛ mɔɔ Nyamenle kpondɛ la banwu kɛ mɔɔ melɛkilehile la vi Nyamenle ɛkɛ anzɛɛ medame me ti anwo ngilehilelɛ ɔ.

Ɛzoanvolɛma Gyima ne 17:11

Dwuuma mɔɔ wɔ ɛkɛ ne la adwenle nu ɛbuke ɛdɛla bɛdabɛ mɔɔ bɛwɔ Tɛsalonaeka la. Zɔhane ati bɛliele Edwɛkpa ne na dahuu bɛnleɛnleanle Nyamenle Edwɛkɛ ne anu kpalɛ kɛ saa mɔɔ Pɔɔlo ɛlɛka la le nɔhalɛ a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:21

Kelaese a sɔ sua mumua ne maa ɔgyinla ɔyɛ ɛzonlenlɛ sua nwuanzanwuanza ɔmaa Awulae a.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:11

Bɛzo nɔhalɛ ma kpalɛ ne mɔɔ Gyisɛse Kelaese ala a fa maa la na bɛmaa anyunlunyia nee ayɛlɛyelɛ ɛha Nyamenle.

Kɔlɔ 1:6

Edwɛkpa ne ɛlɛso ma yɛɛ ɔlɛnyi wɔ ewiade ɛleka kɔsɔɔti, kɛmɔ ɔzile la pɛpɛ wɔ bɛ nuhua wɔ mekɛ mɔɔ bɛlumuale bɛdele Nyamenle ɛlolɛ ɛhye anwo edwɛkɛ ne na bɛdele ɔ bo bɛnwunle ye deɛ holɛ la.