Edwɛkpa ne kɛmɔ Maake hɛlɛle la 4:6 - BAEBOLO ANZƐƐ BULUKU NWUANZANWUANZA

⁶ na mɔɔ ewia ne vile hanle bɛ la, bɛyelale, ɔluakɛ bɛ ndinli ne andwu azɛlɛ bo.

Edwɛkpa ne kɛmɔ Maake hɛlɛle la 4:6 ပူးပေါင်းရင်းမြစ်များ

Sɔlɔmɔn Edwɛne 1:6

Mmafa ɛ nye foa ko ɛnea me kɛ medu a, ɔboalekɛ sɛnzɛne ne a ɛmaa melu a. Me mediema mrenya ne mɔ vale me nwo ɛya, bɛmanle menyɛle gyima wɔ bɛ vanye egyinli ne mɔ anu; mengyakyile medame me vanye egyinli ɛdeɛ ne.

Ayezaya Buluku ne 25:4

Ɔluakɛ wɔyɛ ɛvealeka kpundii wɔmaa ehyianvolɛma, ɛvealeka kpundii wɔmaa bɛdabɛ mɔɔ bɛhyia la wɔ bɛ amaneɛnwunlɛ mekɛ nu; wɔyɛ enyinlike wɔwowa bɛ wɔ ahumu nee ewia samɛnlankɛ nu; ɔluakɛ atisesebɛma ɛtetalɛ ne le kɛ ahumu mɔɔ ɛlɛtia bane la;

Dwona Buluku ne 4:8

Sɛnzɛne ne kpogyale ɔ nwo zo la, Nyamenle manle aduduleɛ anwoma wuluwulu bie bɔle. Na ewia katekate bie vile bɔle Dwona ati mgbandanlama ne azo manle ɔ nwo yɛle ye bɛtɛɛ. Ɛnee akee Dwona akunlu a anrɛɛ yewu. Na ɔhanle kɛ, “Saa menwule bɔbɔ a anrɛɛ ɔle kpalɛ.”

Edwɛkpa ne kɛmɔ Mateyu hɛlɛle la 13:6

Na mɔɔ ewia bɔle la, bɛyelale, ɔluakɛ bɛ ndinli ne mɔ andwu azɛlɛ bo kpalɛ.

Edwɛkpa ne kɛmɔ Maake hɛlɛle la 4:5

Bie guale awolɛ nu, ɛleka mɔɔ anwea anzo la, na ndɛndɛ ne ala bɛfifile, ɔluakɛ azɛlɛ ne ɛmpi;

Edwɛkpa ne kɛmɔ Maake hɛlɛle la 4:7

Bie mɔ guale mbowule nu, na mbowule ne nyinle hedale bɛ nwo zo, yemɔti bɛanzo ma.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:17

na ɔlua bɛ diedi zo ɔmaa Kelaese ɛdɛnla bɛ ahonle nu. Mesɛlɛ kɛ bɛkɛgyinla kpundii wɔ ɛhulolɛ nu,

Kɔlɔ 2:7

Bɛyɛ kɛ menli mɔɔ ɛsosɔ ndinli kpalɛ wɔ Kelaese anu la, bɛlua ɔ nwo zo bɛbɔ bɛ ɛbɛla, bɛmaa bɛ diedi ɛgyinla kpundii, kɛmɔ bɛhilehilele bɛ la, na bɛyɛ ye mo dahuu.

2 Tɛs 2:10

na yeava adalɛ nee amumuyɛ adenle zo yeahwe bɛdabɛ mɔɔ ɔwɔ kɛ bɛminli la. Menli ɛhye mɔ baminli, ɔluakɛ bɛangulo nɔhalɛ ne mɔɔ kɛlie bɛ ngoane la.

Gyemise Kɛlata ne 1:11

Sɛnzɛne ne tudu a ɔfi ye ewia wuluwulu ne ɔbɔ ndile ɔmaa ɔkyengye, ye ndotolo ne kpolo gua, na ɔminle ye kɛnlɛma ne. Zɔhane ala yɛɛ sukoavolɛ mɔɔ anye wɔ ye gyima nwo ala la baminli a.

Dwuudu Kɛlata ne 1:12

Bɛle kɛ andɔma anzɛɛ atasonlɛ wɔ mediema ɛhulolɛ ɛkponledolɛ bo; bɛno nza bɛbo, bɛbɔ bɛ nwo anyiemgba. Bɛdwenle bɛ ngome bɛ nwo ala. Bɛle kɛ amungu mɔɔ nzule ɛnle nu la ati, anwoma maa ɔdi akɔneaba. Bɛle kɛ bokile mgbenleɛ mbaka mɔɔ anzo ma la. Bɛtudu bɛ bɛ bo nee bɛ ndinli ne mɔ amuala na bɛwu bɔkɔɔ.

Yekile 7:16

Ɛhɔne nee nzuhɔne ɛnrɛhu bɛ bieko, ewia ɛnrɛbɔ bɛ, anzɛɛ wuluwulu kpole biala ɛnrɛhu bɛ bieko.