Edwɛkpa ne kɛmɔ Maake hɛlɛle la 4:5 - BAEBOLO ANZƐƐ BULUKU NWUANZANWUANZA

⁵ Bie guale awolɛ nu, ɛleka mɔɔ anwea anzo la, na ndɛndɛ ne ala bɛfifile, ɔluakɛ azɛlɛ ne ɛmpi;

Edwɛkpa ne kɛmɔ Maake hɛlɛle la 4:5 ပူးပေါင်းရင်းမြစ်များ

Yizikeɛle Buluku ne 11:19

“ ‘Mebamaa bɛanyia ahonle fofolɛ na meamaa bɛ sunsum fofolɛ. Mebaye bolɛ ahonle ne wɔ bɛ nuhua na meamaa bɛ tieyɛ ahonle.

Yizikeɛle Buluku ne 36:26

Mebamaa bɛ ahonle fofolɛ, meava sunsum fofolɛ meawula bɛ nuhua, na meaye bolɛ ahonle ne mɔɔ wɔ bɛ nu la na meamaa bɛ ahonle bɛlɛvolɛ.

Hozia Buluku ne 10:12

Menganle kɛ, ‘Bɛlua tenleneyɛlɛ ma na bɛabu ɛhulolɛ kpundii. Bɛzo azɛlɛ ne mɔɔ la mgbane la, ɔluakɛ mekɛ ɛdwu mɔɔ ɔwɔ kɛ bɛkpondɛ medame, Ɛdɛnkɛma me bo zo a, amaa meara na mearawola ngoanelielɛ meagua bɛ nwo zo.’

Emɔzo Buluku ne 6:12

Asoo mgbɔnwɔ kola wuluwulu bodane zo? Asoo menli kola fa nlankɛ nyinli so ɛya wɔ nyevile nye? Noko bɛmɛ, bɛmaa pɛlepɛlelilɛ ɛhakyi pɔezen, yɛɛ bɛmaa tenleneyɛlɛ ɛyɛ ɛnwonle.

Edwɛkpa ne kɛmɔ Mateyu hɛlɛle la 13:20

Ma ne mɔɔ guale azɛlɛ ne mɔɔ awolɛ wɔ nu la azo la gyi ɛkɛ maa bɛdabɛ mɔɔ bɛte edwɛkɛ ne a ɛkɛ ne ala bɛfa fɛlɛkolilɛ bɛdie la.

Edwɛkpa ne kɛmɔ Maake hɛlɛle la 4:4

Ɔgua la, ma ne bie guale adenle nu, na nloma rasusole.

Edwɛkpa ne kɛmɔ Maake hɛlɛle la 4:6

na mɔɔ ewia ne vile hanle bɛ la, bɛyelale, ɔluakɛ bɛ ndinli ne andwu azɛlɛ bo.

Edwɛkpa ne kɛmɔ Luku hɛlɛle la 8:13

Ma ne mɔɔ guale awolɛ nu la a le bɛdabɛ mɔɔ bɛte edwɛkɛ ne a bɛfa fɛlɛko bɛdie noko ɔnwolowolo bɛ kpalɛ la. Bɛdie bɛdi wɔ mekɛ ekyi bie ala na kɛ sɔnea ba la ɛnee bɛkpo aze.

Edwɛkpa ne kɛmɔ Luku hɛlɛle la 8:6

Bie guale awolɛ nu, na bɛfifile la, bɛnwosonle, ɔluakɛ azɛlɛ ne abo ɛnlɛ nzule.