Edwɛkpa ne kɛmɔ Maake hɛlɛle la 4:41 - BAEBOLO ANZƐƐ BULUKU NWUANZANWUANZA

⁴¹ Na ɛzulolɛ kpole hanle bɛ manle bɛbizale bɛ nwo ngoko kɛ, “Duzu sonla bɔbɔ a le ɛhye, mɔɔ anwoma nee nyevile tie ye a?”

Edwɛkpa ne kɛmɔ Maake hɛlɛle la 4:41 ပူးပေါင်းရင်းမြစ်များ

Dwobu Buluku ne 38:11

na menzele kɛ, ‘Ɛke ala a ɔwɔ kɛ ɛba ɛbadwu a, ɛngɔ ɛ nyunlu ko, na ɛke yɛɛ wɔ azɛlɛkye mgbole babu adwu’ la, ɛnee ɛwɔ nienwu?

Edwɛndolɛ Buluku ne 89:7

Ɔle Nyamenle mɔɔ nwuanzanwuanzama ayia ne sulo ye a; ɔle kpole, ɔ nwo yɛ ɛzulolɛ tɛla bɛdabɛ mɔɔ bɛbɔ bɛyia ye la.

Malakae Buluku ne 2:5

“Ngyekyeleɛ ne mɔɔ me nee ye yɛle la le ngoane nee anzonudwolɛ ngyekyeleɛ, yɛɛ menvale memanle ye amaa yeazulo, yɛɛ ɔzulole me noko. Ɔte me duma a, ɔ nwo wozo ye.

Edwɛkpa ne kɛmɔ Mateyu hɛlɛle la 14:32

Bɛ mu nwiɔ bɛvole ɛlɛne ne anu, na anwoma ne gyinlanle.

Edwɛkpa ne kɛmɔ Mateyu hɛlɛle la 8:27

Ɛhye zinle menli ne mɔ anwo na bɛzele kɛ, “Duzu sonla a le ɛhye, mɔɔ anwoma nee nyevile bɔbɔ tie ye a?”

Edwɛkpa ne kɛmɔ Maake hɛlɛle la 4:40

Na Gyisɛse bizale ye ɛdoavolɛma ne mɔ kɛ, “Duzu ati a bɛ ahonle ɛdu zɛhae ɛ? Ɛnɛ nee ɛnɛ ala bɛnlɛ diedi ɔ?”

Edwɛkpa ne kɛmɔ Maake hɛlɛle la 5:1

Gyisɛse nee ye ɛdoavolɛma ne dwule aze wɔ Galeli Tandane ne anzi wɔ Gɛlasa maanle nu.

Edwɛkpa ne kɛmɔ Maake hɛlɛle la 5:33

Raalɛ ne nwunle mɔɔ ɛzi ye nu la, ɔvale ɛzulolɛ nee anwowozolɛ ɔrahotole Gyisɛse agyakɛ anu, na ɔhanle ye edwɛkɛ nɔhalɛ nu ɔhilele ye.

Edwɛkpa ne kɛmɔ Maake hɛlɛle la 7:37

Ɔyɛle bɛdabɛ mɔɔ bɛdele la amuala azibɛnwo kpole na bɛbɔle nu bɛhanle kɛ, “Ɔyɛ debie biala boɛ! Ɔmaa anzondilira te edwɛkɛ na mumule tendɛ.”

Edwɛkpa ne kɛmɔ Luku hɛlɛle la 4:36

Ɔyɛle bɛ muala azibɛnwo na bɛhanle bɛhilele bɛ nwo ngoko kɛ, “Duzu edwɛkɛ a le ɛhye? Nrenya ɛhye lɛ tumi ɔfa ɔtea sunsum ɛtane ne mɔ nu ɔmaa bɛfi menli nwo bɛtu.”

Edwɛkpa ne kɛmɔ Luku hɛlɛle la 8:25

Akee ɔzele ye ɛdoavolɛma ne kɛ, “Bɛ diedi ne wɔ nienwu?” Na ɔyɛle bɛ azibɛnwo na bɛzulole, na bɛhanle bɛhilele bɛ nwo ngoko kɛ, “Duzu sonla a le ɛhye? Ɔtendɛ a anwoma nee azule bɔbɔ tie ye!”

Kɛlata mɔɔ bɛhɛlɛle bɛhɔmanle Hibuluma la 12:28

Zɔhane ati, bɛmaa yɛyɛ Nyamenle mo kɛ yemaa yɛ belemgbunlililɛ kpalɛ mɔɔ abo ɛmkpusu ɛlɛ, na yɛva ɛzulolɛ, enililɛ yɛɛ moyɛlɛ yɛzonle ye yɛmaa ɔzɔ ɔ nye,

Yekile 15:4

Awulae, nwane a ɛnrɛzulo wɔ a, nwane a kɛzu kpolera kɛ ɛnle kpole a? Ɛ ngomekye a ɛle nwuanzanwuanza a. Maanle maanle kɔsɔɔti badu agua ɛ nyunlu azonle wɔ, ɔboalekɛ awie biala ɛnwu kɛ ɛdi pɛlepɛle.”

1 Sam 12:24

Bɛyɛ tieyɛ bɛmaa Ɛdɛnkɛma na bɛva bɛ ahonle muala bɛzonle ye nɔhalɛ nu. Bɛhakye ninyɛne mgbole mɔɔ yeyɛ yemaa bɛ la.