Edwɛkpa ne kɛmɔ Maake hɛlɛle la 4:39 - BAEBOLO ANZƐƐ BULUKU NWUANZANWUANZA

³⁹ Gyisɛse dwazole na ɔdeanle ahumu ne nu na ɔzele azɛlɛkye ne mɔ kɛ, “Bɛgua diinyi!” Ɛkɛ ne ala ahumu ne gyakyile ɛdulɛ na maanle nu gyinlanle diinyi.

Edwɛkpa ne kɛmɔ Maake hɛlɛle la 4:39 ပူးပေါင်းရင်းမြစ်များ

Dwobu Buluku ne 38:11

na menzele kɛ, ‘Ɛke ala a ɔwɔ kɛ ɛba ɛbadwu a, ɛngɔ ɛ nyunlu ko, na ɛke yɛɛ wɔ azɛlɛkye mgbole babu adwu’ la, ɛnee ɛwɔ nienwu?

Edwɛndolɛ Buluku ne 107:29

ɔmanle ahumu ne guale, na azɛlɛkye ne mɔ guale diinyi.

Edwɛndolɛ Buluku ne 148:8

senle nee ezuawolɛ, ezukɔtweaba nee ɛbɔndwoba, ahumu mɔɔ tie ɔ ne,

Edwɛndolɛ Buluku ne 29:10

Ɛdɛnkɛma de ye belemgbunli ebia nu wɔ azuyilɛ nye; Ɛdɛnkɛma di belemgbunli dahuu.

Edwɛndolɛ Buluku ne 65:7

Wɔmɔ mɔɔ ɛmaa nyevile gua diinyi, azɛlɛkye gyakyi ɛbulɛ, na menli adwenle begyebegyeyɛlɛ gyakyi;

Edwɛndolɛ Buluku ne 89:9

Ɛlɛ tumi wɔ nyevile nwo zo; saa ye azɛlɛkye yɛ begyebegye a ɛmaa bɛgua.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:16

Maa wɔ kpɔma ne zo; tende ɛ sa nyevile ne anu maa nuhua ɛhyɛ nwiɔ ɛmaa Yizilayɛma ɛlua azɛlɛ resee zo ɛpɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:22

Yizilayɛma luale nyevile ne anu azɛlɛ resee ne azo; nyevile ne dwazole bolonwonwo wɔ foa ko nee foa ko yɛle kɛ bane wɔ bɛ fema zo nee bɛ bɛne zo.

Mrɛlɛbulɛ Buluku ne 8:29

mekɛ mɔɔ ɔgya nyevile ne ɛweɛne, amaa nuhua nzule ambulu ye mɛla zo, mekɛ mɔɔ ɔwula azɛlɛ ye adiabo aze la,

Gyɛlɛmaya Buluku ne 5:22

Duzu ati a bɛnzulo me ɛ? Duzu ati a bɛgyi me nyunlu a bɛ nwo ɛnwozo bɛ a? Menvale ɛnwea mengyale nyevile ɛweɛne mɔɔ ɔngola ye bɔ tɛla ɛlɛ la. Azɛlɛkye ne mɔ bu na bɛngola bɛndɛla ɛweɛne ne, bɛkulu mgbole na bɛngola bɛnli ɛweɛne ne bɔtɛla.

Gyɛlɛmaya Awolɛyelɛ 3:31

Awulae ɛnrɛkpo sonla bɔkɔɔ,

Nahum Buluku ne 1:4

Ɔtea nyevile ɔmaa ɔsesa, ɔmaa azule muala sesa; Beehyan nee Kamɛle azɛlɛ ne mɔ yɛ resee, na Lɛbanɔn ndotolo kpolo gua.

Edwɛkpa ne kɛmɔ Mateyu hɛlɛle la 8:26

Gyisɛse zele bɛ kɛ, “Duzu ati a bɛle avoanvoanle zɛhae ɛ? Bɛ diedi le ekyi somaa!” Akee ɔdwazole na ɔdeanle anwoma ne nee azɛlɛkye ne mɔ nu na bɛguale diinyi.

Edwɛkpa ne kɛmɔ Maake hɛlɛle la 4:38

Mekɛ ne anu ɛnee Gyisɛse la ɛlɛne ne abo lɔ, ɔ ti zɔ esumi na yelafe. Ye ɛdoavolɛma ne hɔdunwuele ye zele kɛ, “Kilehilevolɛ, ɔnvane ɛ nwo kɛ yɛwie wu ɔ?”

Edwɛkpa ne kɛmɔ Maake hɛlɛle la 9:25

Gyisɛse nwunle kɛ menli dɔɔnwo ɛlɛba arahyele bɛ nwo zo la, ɔdeanle sunsum ɛtane ne nu na ɔzele ye kɛ, “Sunsum mumule, ɛvi kakula nrenya ye anwo tu, mmabawolo ye bieko!”

Edwɛkpa ne kɛmɔ Luku hɛlɛle la 4:35

Gyisɛse deanle sunsum ɛtane ne nu zele kɛ, “Yɛ koonwu na ɛvi ɔ nwo tu!” Sunsum ɛtane ne manle nrenya ne pɛle finle menli ne anyunlu ɛkɛ na ɔvile ɔ nwo ɔdule, noko nrenya ne anwo ambu ɛbonle.

Edwɛkpa ne kɛmɔ Luku hɛlɛle la 4:39

Ɔhɔle ɔhɔgyinlanle ye ɛkpa ne anwo na ɔzele kɛ ɛyɛlɛyɛlɛ ne vi ɔ nwo ɛdu. Ɔ nwo zale ɛkɛ ne ala, na ɔdwazole ɔkpondɛle debie ɔmanle bɛ.

Edwɛkpa ne kɛmɔ Luku hɛlɛle la 8:24

Ɛdoavolɛma ne hɔdunwuele Gyisɛse na bɛzele kɛ, “Yɛmenle, Yɛmenle, yɛwie wu!” Gyisɛse dwazole na ɔdeanle ahumu ne nee azule ne mɔɔ ɛyɛ begyebegye la nu, na bɛguale diinyi, na maanle nu gyinlanle.