Edwɛkpa ne kɛmɔ Maake hɛlɛle la 4:36 - BAEBOLO ANZƐƐ BULUKU NWUANZANWUANZA

³⁶ Yemɔti bɛgyakyile menli dɔɔnwo ne ɛkɛ ne na bɛvole ɛlɛne ne mɔɔ Gyisɛse dɛnlanle nu la anu kɛ bɛkɔ. Nlɛne gyɛne noko bokale bɛ nwo.

Edwɛkpa ne kɛmɔ Maake hɛlɛle la 4:36 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 8:23

Gyisɛse vole ɛlɛne nu, na ye ɛdoavolɛma ne mɔ vole bie na bɛzile nu kɛ bɛkɔ.

Edwɛkpa ne kɛmɔ Maake hɛlɛle la 3:9

Menli mɔɔ hɔle la zonle bo zo; yemɔti Gyisɛse zele ye ɛdoavolɛma ne mɔ kɛ bɛkpondɛ ɛlɛne bɛmaa ye, amaa menli ne anfofo ɔ nwo zo.

Edwɛkpa ne kɛmɔ Maake hɛlɛle la 4:1

Gyisɛse eza bɔle ɔ bo bieko hilehilele wɔ Galeli Tandane ne anloa. Menli dɔɔnwo rayiale ɔ nwo ɛkɛ. Bɛzonle somaa la ati ɔhɔdɛnlanle ɛlɛne nu wɔ azule ne anye, yɛɛ menli ne noko dede azule ne anloa.

Edwɛkpa ne kɛmɔ Maake hɛlɛle la 4:37

Yeangyɛ biala yɛɛ ahumu kpole bie dwazole a, azɛlɛkye bule guale ɛlɛne ne anu, mɔɔ ɛnee ɔkpondɛ yeazia a.

Edwɛkpa ne kɛmɔ Maake hɛlɛle la 5:2

Gyisɛse vi ɛlɛne ne anu dwule la, nrenya bie mɔɔ sunsum ɛtane wɔ ɔ nwo la vi azie ne azo rayiale ye.

Edwɛkpa ne kɛmɔ Maake hɛlɛle la 5:21

Gyisɛse ziale pɛle rale azule nzi nehae bieko, na menli dɔɔnwo rayiale ye wɔ ɛnwea ne anloa.

Edwɛkpa ne kɛmɔ Maake hɛlɛle la 6:32

Na bɛdabɛ bɛ ngome bɛvale ɛlɛne bɛzile nu kɛ bɛkɔ bɛahɔvea ɛleka bie koonwu.

Edwɛkpa ne kɛmɔ Luku hɛlɛle la 8:22

Kenle ko Gyisɛse nee ye ɛdoavolɛma ne hɔvole ɛlɛne nu na ɔzele bɛ kɛ, “Bɛmaa yɛpɛ yɛhɔ tandane ne anzi lɔ.” Yemɔti bɛdule.