Edwɛkpa ne kɛmɔ Maake hɛlɛle la 4:34 - BAEBOLO ANZƐƐ BULUKU NWUANZANWUANZA

³⁴ Mrɛlɛ nu ngome a ɔdendɛle ɔhilele bɛ a, na saa ɔka ɔdaye nee ye ɛdoavolɛma ne mɔ angome a akee yeahilehile bɛ mrɛlɛ ne mɔ abo.

Edwɛkpa ne kɛmɔ Maake hɛlɛle la 4:34 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 13:34

Gyisɛse hanle ɛhye mɔ amuala wɔ mrɛlɛ nu a hilele menli ne a. Na yeangoati mrɛlɛ nwo yeandendɛ yeangile bɛ ɛlɛ.

Edwɛkpa ne kɛmɔ Maake hɛlɛle la 4:10

Akee mɔɔ ɔhale Gyisɛse angome la, menli mɔɔ li ɔ nzi la bie mɔ mɔɔ dele ye edwɛkɛ ne la nee ye ɛdoavolɛma bulu nee nwiɔ ne rabizale ye ɛrɛlɛ ne abo.

Edwɛkpa ne kɛmɔ Maake hɛlɛle la 4:33

Gyisɛse vale mrɛlɛ mɔɔ le kɛ ɛhye mɔ la dɔɔnwo mɔɔ menli ne adwenle so nu la bɔle edwɛkɛ ne nolo hilele bɛ.

Edwɛkpa ne kɛmɔ Luku hɛlɛle la 24:27

Akee Gyisɛse bɔle ɔ bo vile Mosisi mbuluku ne mɔ nee mɔɔ Nyamenle kpɔmanvolɛma ɛha na bɛhɛlɛ wɔ Nyamenle Edwɛkɛ ne anu wɔ ɔ nwo la azo na ɔhilehilele nu ɔhilele bɛ.

Dw 10:6

Gyisɛse bule ɛrɛlɛ ɛhye, na bɛande mɔɔ ɔlɛka yeahile bɛ la abo.

Dw 16:25

“Mebubu ɛhye mɔ mrɛlɛ nu mehile bɛ. Na mekɛ bara mɔɔ menrɛbu bɛ mrɛlɛ nu bieko a, mebaha Selɛ ne anwo edwɛkɛ wienyi meahile bɛ.

Ɛzoanvolɛma Gyima ne 28:23

Na bɛ nee Pɔɔlo hilele kenle. Kenle ne dwule la, menli dɔɔnwo rayiale ɛleka mɔɔ Pɔɔlo de la. Na ɔhanle Nyamenle Belemgbunlililɛ ne anwo edwɛkɛ ɔhilehilele nu ɔhilele bɛ, na ɔbɔle mɔdenle kɛ ɔmaa bɛalie Gyisɛse anwo edwɛkɛ ne mɔɔ Nyamenle kpɔmanvolɛma nee Mosisi mɛla ne ka la bɛali. Ɔdendɛle ɛhye anwo ɔvi nwonlomɔ mangyee ne toonwo aledwolɛ.