Edwɛkpa ne kɛmɔ Maake hɛlɛle la 4:31 - BAEBOLO ANZƐƐ BULUKU NWUANZANWUANZA

³¹ Ɔle kɛ baka ma nretee bie. Mekɛ mɔɔ bɛdua la ɛnee ɔle ma muala anu nretee kpalɛ kpalɛ,

Edwɛkpa ne kɛmɔ Maake hɛlɛle la 4:31 ပူးပေါင်းရင်းမြစ်များ

Ayezaya Buluku ne 53:12

Yemɔti mebamaa ye ɛleka wɔ mgbolema avinli, na ɔ nee anwosesebɛma ahyɛ ninyɛne mɔɔ bɛnyianle bɛ wɔ konle nu la, ɔboalekɛ ɔvale ɔ nwo ɔmanle kɛ bɛhu ye, na bɛdianle ye bɛbokale mɛladonlɛma anwo. Ɔvale menli dɔɔnwo ɛtane ɔdole ɔ nwo zo, na ɔkpale mɛladonlɛma ati kyɛlɛ.”

Ayezaya Buluku ne 53:2

Ɔluakɛ ɔfifile kɛ baka ekyi bie mɔɔ zɔle ndinli wɔ azɛlɛ resee zo; ɔnle kɛnlɛma anzɛɛ ɔnzɔho debie na yɛanlea, yɛɛ ɔnzɔ ɛnyelɛ na yɛ nye abolo ye.

Ayezaya Buluku ne 60:22

Bɛ nuhua ekyi biala bayɛ abusua ekpulike, Na abusua ekyi biala bayɛ maanle mumua. Medame a mele Ɛdɛnkɛma a; Ye mekɛ dwu a mebamaa yeayɛ zɔ ndɛndɛ.”

Ayezaya Buluku ne 9:7

Ye maanlebulɛ ne bahɔ zo melɛ mɔɔ ɛnlɛ awieleɛ; ye maanlema anzo nu badwo bɛ dahuu. Ɔbali ye ebia ne kɛ yeli Belemgbunli Devidi agya, yeava nɔhalɛlilɛ nee pɛlepɛlelilɛ yeabu ye maanle ne, ɔvi ɛnɛ mɔɔ kɔ nee mekɛ mɔɔ ɛnlɛ awieleɛ. Tumivolɛ Ɛdɛnkɛma ɛbɔ kpɔkɛ kɛ ɔbayɛ ɛhye.

Zɛkalaya Buluku ne 12:8

Mekɛ ne anu mebawowa Gyɛlusalɛmma, amaa mɔɔ anwo ɛngyinla ye fee bɔbɔ wɔ bɛ avinli la anwo ayɛ se kɛ Devidi. Devidi abo zo amra bayɛ kɛ Nyamenle; bɛbayɛ kɛ Ɛdɛnkɛma soanvolɛ bɛali menli ne ati.

Zɛkalaya Buluku ne 2:11

Mekɛ ne anu maanle maanle dɔɔnwo bava bɛ nwo amaa Ɛdɛnkɛma, na bɛayɛ ye menli. Ɛdɛnkɛma badɛnla bɛ avinli na bɛanwu kɛ Tumivolɛ Ɛdɛnkɛma a ɛzoa me a.

Malakae Buluku ne 1:11

Me duma le kpole wɔ maanle maanle avinli ɔvi sɛnzɛne aduduleɛ kɔdwu adɔleɛ. Ɛleka biala bɛkpu ɛyɛlɛ evuanlɛ na bɛfa azubɔdeɛ mɔɔ anwo te la bɛmaa me, ɔluakɛ me duma ne le kpole wɔ maanle maanle avinli.

Edwɛkpa ne kɛmɔ Maake hɛlɛle la 4:30

Akee Gyisɛse bizale bɛ kɛ, “Duzu a yɛva yɛdo Nyamenle Belemgbunlililɛ ne anwo a? Duzu ɛrɛlɛ a yɛva yɛhile nu a?

Edwɛkpa ne kɛmɔ Maake hɛlɛle la 4:32

noko nzinlii ɔfifi, ɔnyi, na ɔyɛ baka kpole ɔtɛla mbaka muala, ɔkpakye ngane mgbole na nloma bayɛ bɛ sane wɔ zolɛ.”

Edwɛkpa ne kɛmɔ Luku hɛlɛle la 17:6

Awulae buale bɛ kɛ, “Saa bɛlɛ diedi mɔɔ ye kpole le kɛ ‘mɛsetade’ baka ma ekyi bie bɔbɔ la a, anrɛɛ bɛkɛhola bɛkɛha bɛkɛhile baka kpole ɛhye mɔɔ bɛfɛlɛ ye ‘sekamɔ’ la kɛ, ‘Tu kɔgyinla nyevile nu lɔ’ a, ɔkɛyɛ zɔhane.”

Ɛzoanvolɛma Gyima ne 19:20

Na ɔlua zɛhae adenle zo Awulae edwɛkɛ ne dɛlɛle na ɔlile konim dɔɔnwo.

Ɛzoanvolɛma Gyima ne 2:41

Bie mɔ dɔɔnwo liele lile na bɛmanle bɛzɔnenle bɛ. Na kenle ko ne menli kɛyɛ apenle nsa rabokale ekpunli ne anwo.

Ɛzoanvolɛma Gyima ne 21:20

Mɔɔ bɛdiele ye bɛwiele la, bɛyɛle Nyamenle mo na bɛzele Pɔɔlo kɛ, “Adiema Pɔɔlo, tie yɛ ɛ! Yɛlɛ Dwuuma apenle apenle mɔɔ ɛlie Edwɛkpa ne ɛli, noko bɛli Mosisi mɛla ne anzi kpalɛ kpalɛ a.

Ɛzoanvolɛma Gyima ne 4:4

Na bɛdabɛ mɔɔ bɛdele edwɛkɛ ne la anu dɔɔnwo liele lile na bɛkɛyɛ mrenya apenle nnu.

Ɛzoanvolɛma Gyima ne 5:14

Menli dɔɔnwo kpalɛ, mraalɛ nee mrenya mɔɔ liele Awulae lile la rabokale bɛ nwo.

Yekile 11:15

Akee Nyamenle soanvolɛ ne mɔɔ tɔ zolɛ nsuu la bɔle ye aweɛne tendenle ne anu. Na ɛnelɛ mgbole dɔɔnwo bie vi anwuma hanle kɛ, “Azɛlɛ ye azo tumi muala ɛyɛ Awulae nee yɛ Mɛzaya ne ɛdeɛ; ɔbali belemgbunli ɛvolɛ mɔɔ ɛnlɛ awieleɛ!”