Edwɛkpa ne kɛmɔ Maake hɛlɛle la 4:26 - BAEBOLO ANZƐƐ BULUKU NWUANZANWUANZA

²⁶ Gyisɛse hɔle zolɛ zele bɛ kɛ, “Nyamenle belemgbunlililɛ ne le kɛ nrenya bie mɔɔ gua ma wɔ ye ɛya nu la.

Edwɛkpa ne kɛmɔ Maake hɛlɛle la 4:26 ပူးပေါင်းရင်းမြစ်များ

Mrɛlɛbulɛ Buluku ne 11:18

Amumuyɛnli ahatualɛ ɛngyinla, na sonla mɔɔ dua tenleneyɛlɛ ma la nyia ahatualɛ kpalɛ.

Nolo 11:4

Sonla mɔɔ dahuu nea anwoma ne la ɛnrɛlua debie biala, yɛɛ mɔɔ nea kɛ anwomanyunlu si de la, ɛnrɛbu ye bɛyɔba.

Nolo 11:6

Dua wɔ ma ne nwonlomɔ, na eza dua bie nɔsolɛ nu. Ɔluakɛ ɛnze mɔɔ kɛyɛ kpalɛ a, saa bɛ mu nwiɔ bɛkɛyɛ kpalɛ anzɛɛ ko kɛyɛ kpalɛ kɛdɛla ko a, ɛnze.

Ayezaya Buluku ne 32:20

Nyilalɛ ɛha bɛdabɛ mɔɔ bɛdua bɛ ma wɔ azule nloa na bɛmaa bɛ nlankɛ nee bɛ asoaso didi ɛkɛ ne la.

Edwɛkpa ne kɛmɔ Mateyu hɛlɛle la 13:11

Gyisɛse buale kɛ, “Anwuma Belemgbunlililɛ ne anwo edwɛkɛ ne mɔɔ vea la, bɛmɛ yɛɛ bɛmaa bɛ nwolɛ adenle kɛ bɛde ɔ bo a, na ɔnle zɔhane ɔmmaa menli mɔɔ ɛha la.

Edwɛkpa ne kɛmɔ Mateyu hɛlɛle la 13:24

Gyisɛse eza bule bɛ ɛrɛlɛ bieko kɛ, “Anwuma Belemgbunlililɛ ne le kɛ nrenya bie mɔɔ luale ma kpalɛ wɔ ye ɛya nu la.

Edwɛkpa ne kɛmɔ Mateyu hɛlɛle la 13:3

Ɔvale mrɛlɛbulɛ ɔhanle edwɛkɛ dɔɔnwo ɔhilele bɛ. Ɔse, “Ɛyazonlɛnli bie hɔle kɛ ɔkagua ma.

Edwɛkpa ne kɛmɔ Mateyu hɛlɛle la 13:31

Gyisɛse bule bɛ ɛrɛlɛ bieko kɛ, “Anwuma Belemgbunlililɛ ne le kɛ ma ekyi bie mɔɔ nrenya bie luale wɔ ye ɛya nu la.

Edwɛkpa ne kɛmɔ Mateyu hɛlɛle la 13:33

Gyisɛse bule ɛrɛlɛ bieko kɛ, “Anwuma Belemgbunlililɛ ne le kɛ mgbɔvonle mɔɔ raalɛ fa wula ɛdɔkɛ nu fɔtɔ la. Ɔmaa ɛdɔkɛ ne amuala tu.”

Edwɛkpa ne kɛmɔ Mateyu hɛlɛle la 3:2

“Bɛnlu bɛ nwo na Anwuma Belemgbunlililɛ ne ɛbikye!”

Edwɛkpa ne kɛmɔ Mateyu hɛlɛle la 4:17

Ɔvi mekɛ zɔhane Gyisɛse bɔle ɔ bo kɛ ɔbɔ nolo kɛ, “Bɛnlu bɛ nwo na Anwuma Belemgbunlililɛ ne ɛbikye!”

Edwɛkpa ne kɛmɔ Maake hɛlɛle la 4:25

Ɔluakɛ mɔɔ lɛ bie la bɛbamaa ye bie yeaboka nwo, yɛɛ mɔɔ ɛnlɛ bie la, ekyi ne bɔbɔ mɔɔ ɔlɛ la, bɛbalie bɛavi ɔ sa nu.”

Edwɛkpa ne kɛmɔ Maake hɛlɛle la 4:27

Aledwolɛ nu ɛnee yela. Aleɛ kye noko a ɔdwazo ɔduolua, na ɛnee ye ma ne mɔ mɔɔ yegua la ɛlɛfifi na bɛlɛnyi, noko ɔnze kɛ bɛyɛ bɛnyi a.

Edwɛkpa ne kɛmɔ Luku hɛlɛle la 13:18

Gyisɛse bizale kɛ, “Kɛ Nyamenle Belemgbunlililɛ ne si de ɛ? Duzu a menva mendo nwolɛ a?

Edwɛkpa ne kɛmɔ Luku hɛlɛle la 8:11

“Akee ɛrɛlɛ ne abo ɛne: Ma ne a le Nyamenle edwɛkɛ ne.

Edwɛkpa ne kɛmɔ Luku hɛlɛle la 8:5

“Nrenya bie hɔle kɛ ɔkagua ye ma. Mɔɔ ɔgua ma ne la, bie guale adenle nu, menli tietiale zolɛ, na nloma rasusole.

Dw 12:24

Meka nɔhalɛ ne meahile bɛ: Abɛlɛ ma ko anwo ɛnrɛzo dɔɔnwo kyesɛ bɛdua na ɔkpɔlɔ. Saa ɔkpɔlɔ a, ɔfifi na ɔso ma dɔɔnwo.

Gyemise Kɛlata ne 3:18

Menli mɔɔ kpondɛ anzonudwolɛ na bɛdua anzonudwolɛ nu la bu tenleneyɛlɛ bɛyɔba.