Edwɛkpa ne kɛmɔ Maake hɛlɛle la 4:24 - BAEBOLO ANZƐƐ BULUKU NWUANZANWUANZA

²⁴ Eza ɔzele bɛ kɛ. “Bɛdie ye boɛ! Mɔɔ ɛsuzu ɛmaa awie mɔ la yɛɛ Nyamenle banlea zolɛ azuzu amaa wɔ a, na wɔmɔ bɔbɔ ɛbanyia ye molozo.

Edwɛkpa ne kɛmɔ Maake hɛlɛle la 4:24 ပူးပေါင်းရင်းမြစ်များ

Mrɛlɛbulɛ Buluku ne 19:27

Me ra nrenya, ɛkulo a gyakyi ngilehilelɛ ɛdielɛ na ɛbanwu kɛ wɔminli wɔvi ɛdendɛlɛ mɔɔ maa adwenle la anwo.

Ayezaya Buluku ne 55:3

“Bɛrɛla, bɛyɛ ɛnzonlɛ bɛdie me; bɛdie, amaa bɛanyia ngoane, na me nee bɛ bakyekye ngyekyeleɛ mɔɔ ɛntulu ɛlɛ, na bɛanyia me ɛhulolɛ kpundii ne mɔɔ menvale mengulole Belemgbunli Devidi la.

Gyɛlɛmaya Buluku ne 17:21

Ɔse: Saa bɛkpondɛ bɛ ngoane a ɛnee bɛmmafa bɔlɛ bɛsie bɛ ti zo wɔ Ɛnwomenlelielɛ Kenle ne. Bɛmmasoa debie biala bɛba Gyɛlusalɛm.

Edwɛkpa ne kɛmɔ Mateyu hɛlɛle la 7:2

ɔboalekɛ ndɛne mɔɔ bɛkɛva bɛkɛbua awie mɔ la yɛɛ Nyamenle bava abua bɛdabɛ noko a, yɛɛ mɔɔ bɛkɛzuzu bɛkɛmaa awie la yɛɛ bɛbanyia ye a.

Edwɛkpa ne kɛmɔ Maake hɛlɛle la 9:7

Amungu rahedale bɛ nwo zo, na ɛnelɛ bie dendɛle amungu ne anu zele kɛ, “Me ra mɔɔ mekulo ye la ɛne, bɛdie ye!”

Edwɛkpa ne kɛmɔ Luku hɛlɛle la 8:18

“Zɔhane ati bɛdie ye boɛ, ɔboalekɛ mɔɔ lɛ bie la, ɔbanyia bie dɔɔnwo yeaboka nwolɛ, na mɔɔ ɛnlɛ bie la, ekyi ne bɔbɔ mɔɔ ɔdwenle kɛ ɔlɛ la, bɛbalie bɛavi ɔ sa nu.”

Dw 10:16

Me mboane ne mɔ bie ɛnle mboane tunli ye anu. Ɔwɔ kɛ mekpondɛ bɛ bo zo; bɛbade me ne, na bɛ muala bɛbayɛ mboane ekpunli ko mɔɔ bɛ neavolɛ ko a.

Dw 10:27

Me mboane ne tie me ne; meze bɛ, yɛɛ bɛtoa me bo zo.

Dw 5:25

Meka nɔhalɛ ne meahile bɛ: mekɛ ɛlɛba, yɛɛ yera bɔbɔ, mɔɔ mɔwuamra bade Nyamenle Ara ne ane, na bɛdabɛ mɔɔ bɛkɛde la bɛbadwazo bɛ bɛara ngoane nu.

Ɛzoanvolɛma Gyima ne 17:11

Dwuuma mɔɔ wɔ ɛkɛ ne la adwenle nu ɛbuke ɛdɛla bɛdabɛ mɔɔ bɛwɔ Tɛsalonaeka la. Zɔhane ati bɛliele Edwɛkpa ne na dahuu bɛnleɛnleanle Nyamenle Edwɛkɛ ne anu kpalɛ kɛ saa mɔɔ Pɔɔlo ɛlɛka la le nɔhalɛ a.

2 Kɔl 9:6

Bɛhakye ɛhye: sonla mɔɔ dua ma ekyi la bu ekyi, yɛɛ mɔɔ dua dɔɔnwo la bu dɔɔnwo.

Kɛlata mɔɔ bɛhɛlɛle bɛhɔmanle Hibuluma la 2:1

Zɔhane ati ɔwɔ kɛ yɛsɔ nɔhalɛ edwɛkɛ ne mɔɔ yɛde la anu ɛsesebɛ, amaa yɛamminli.

1 Pit 2:2

Bɛyɛ bɛ nwo kɛ nlɔma mɔɔ sunsum nu nyɛfonzule ɛhɔne ɛlɛku bɛ la, amaa saa bɛnyia ye bɛno a bɛanyi na bɛanyia ngoane.

1 Dw 4:1

Ayi mɔ, bɛmmadie sunsum ne mɔ amuala bɛdi, bɛzɔ bɛ bɛnlea na bɛnwu sunsum ne mɔɔ vi Nyamenle ɛkɛ ne la. Ɔluakɛ Nyamenle kpɔmanvolɛma adalɛ dɔɔnwo ɛdwazo ewiade ye anu.