Edwɛkpa ne kɛmɔ Maake hɛlɛle la 4:12 - BAEBOLO ANZƐƐ BULUKU NWUANZANWUANZA

¹² amaa ‘Bɛnea, bɛnea a, bɛannwu ye, bɛtie, bɛtie a, bɛande ɔ bo. Anrɛɛ bɛkɛzia bɛkɛra Nyamenle ɛkɛ, na ɔkɛva bɛ ɛtane ne mɔ ɔkɛhyɛ bɛ.’ ”

Edwɛkpa ne kɛmɔ Maake hɛlɛle la 4:12 ပူးပေါင်းရင်းမြစ်များ

Ayezaya Buluku ne 43:8

Nyamenle se, “Bɛva menli ne mɔɔ lɛ ɛnyelɛ, noko bɛ nye ɛzi, bɛlɛ ɛnzonlɛ, noko bɛ nzo ɛdi la bɛrɛla.

Ayezaya Buluku ne 44:18

Menli zɛhae mɔ ɛnnwu mɔɔ bɛyɛ la, yɛɛ bɛnde ɔ bo, ɔluakɛ bɛ nye ɛzi, yemɔti bɛnnwu ɛhwee, yɛɛ bɛdo bɛ adwenle nu, yemɔti bɛnde debie biala abo.

Gyɛlɛmaya Buluku ne 36:3

Ɔkɛyɛ kɛ saa Dwudama te kɛ mebazi meazɛkye bɛ la a, bɛ nuhua ko biala bagyakyi ɛtaneyɛlɛ, na meava bɛ amumuyɛ nee bɛ ɛtane ne mɔ meahyɛ bɛ.”

Gyɛlɛmaya Buluku ne 5:21

Bɛdie ɛhye, ahɔnwɔne mɔɔ ɛnze nrɛlɛbɛ a, mɔɔ lɛ ɛnyelɛ na bɛnnwu debie a, mɔɔ lɛ ɛnzonlɛ na bɛnde edwɛkɛ a.

Yizikeɛle Buluku ne 12:2

Ɔse, “Sonla ra, ɛde menli anzosesebɛma mɔɔ ɛngyɛ na ade atua la avinli. Bɛlɛ ɛnyelɛ, noko bɛnnwu debie; bɛlɛ ɛnzonlɛ, noko bɛnde edwɛkɛ, ɔluakɛ bɛle atuadelɛma.

Edwɛkpa ne kɛmɔ Maake hɛlɛle la 8:18

Bɛlɛ ɛnyelɛ, na bɛnnwu debie ɔ? Anzɛɛ bɛlɛ ɛnzonlɛ na bɛnde edwɛkɛ ɔ? Yemɔti bɛngakye?

Edwɛkpa ne kɛmɔ Luku hɛlɛle la 8:10

na ɔbuale bɛ kɛ, “Bɛmɛ, Nyamenle ɛla ye belemgbunlililɛ ne anwo edwɛkɛ mɔɔ vea la ali wienyi ɛhile bɛ, na menli mɔɔ ɛha la bɛte ye wɔ mrɛlɛ nu, amaa bɛnea a bɛannwu ye, yɛɛ bɛtie a bɛande ɔ bo.

Ɛzoanvolɛma Gyima ne 3:19

Zɔhane ati bɛnlu bɛ nwo na bɛzia bɛrɛla Nyamenle ɛkɛ, amaa yeava bɛ ɛtane ne mɔ amuala yeahyɛ bɛ,

Mɛla 29:4

Noko toonwo mɔɔ yeradwu ɛnɛ la, Ɛdɛnkɛma ɛtɛmanle bɛ adwenle ɛtɛmanle bɛtɛtele ɔ bo, na bɛanyia ɛnyelɛ bɛanwu ye, anzɛɛ bɛanyia ɛnzonlɛ bɛadie.

2 Tem 2:25

Ɔwɔ kɛ ɔto ɔ rɛle azule nu ɔkilehile bɛdabɛ mɔɔ bɛ nee ye ɛnga la, ɔluakɛ saa ɔyɛ Nyamenle ɛhulolɛ a ɔbamaa bɛ mekɛ kpalɛ yeamaa bɛanlu bɛ nwo na bɛaranwu nɔhalɛ ne.

Kɛlata mɔɔ bɛhɛlɛle bɛhɔmanle Hibuluma la 6:6

Ɔyɛ se kɛ awie kɛhola kɛmaa bɛkɛnlu bɛ nwo bieko a, ɔboalekɛ bɛbɔ Nyamenle Ara ne meanubaka nu dahuu na bɛgua ɔ nyunlu aze wɔ menli nu.