Edwɛkpa ne kɛmɔ Maake hɛlɛle la 3:9 - BAEBOLO ANZƐƐ BULUKU NWUANZANWUANZA

⁹ Menli mɔɔ hɔle la zonle bo zo; yemɔti Gyisɛse zele ye ɛdoavolɛma ne mɔ kɛ bɛkpondɛ ɛlɛne bɛmaa ye, amaa menli ne anfofo ɔ nwo zo.

Edwɛkpa ne kɛmɔ Maake hɛlɛle la 3:9 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 15:39

Akee Gyisɛse gyakyile bɛ adenle na ɔvole ɛlɛne nu ɔhɔle Magadan maanzinli nu.

Edwɛkpa ne kɛmɔ Maake hɛlɛle la 4:1

Gyisɛse eza bɔle ɔ bo bieko hilehilele wɔ Galeli Tandane ne anloa. Menli dɔɔnwo rayiale ɔ nwo ɛkɛ. Bɛzonle somaa la ati ɔhɔdɛnlanle ɛlɛne nu wɔ azule ne anye, yɛɛ menli ne noko dede azule ne anloa.

Edwɛkpa ne kɛmɔ Maake hɛlɛle la 4:36

Yemɔti bɛgyakyile menli dɔɔnwo ne ɛkɛ ne na bɛvole ɛlɛne ne mɔɔ Gyisɛse dɛnlanle nu la anu kɛ bɛkɔ. Nlɛne gyɛne noko bokale bɛ nwo.

Edwɛkpa ne kɛmɔ Maake hɛlɛle la 5:2

Gyisɛse vi ɛlɛne ne anu dwule la, nrenya bie mɔɔ sunsum ɛtane wɔ ɔ nwo la vi azie ne azo rayiale ye.

Edwɛkpa ne kɛmɔ Maake hɛlɛle la 5:30

Ɛkɛ ne ala Gyisɛse dele ye wɔ ye nu kɛ tumi vi ye nuhua ɛhɔ. Ɔhakyile ɔ nwo na ɔbizale kɛ, “Nwane a vale ɔ sa hanle me tɛladeɛ ne a?”

Edwɛkpa ne kɛmɔ Maake hɛlɛle la 6:32

Na bɛdabɛ bɛ ngome bɛvale ɛlɛne bɛzile nu kɛ bɛkɔ bɛahɔvea ɛleka bie koonwu.

Edwɛkpa ne kɛmɔ Luku hɛlɛle la 5:1

Kenle ko bie mɔɔ Gyisɛse gyi Ginazalɛte Tandane ne anloa la, menli dɔɔnwo rale ɔ nwo ɛkɛ ne kɛ bɛbadie Nyamenle edwɛkɛ ne; na bɛhyelele ɔ nwo zo kpalɛ.

Edwɛkpa ne kɛmɔ Luku hɛlɛle la 5:3

Gyisɛse vole nlɛne ne mɔ ko, mɔɔ le Saemɔn ɛdeɛ la anu, na ɔzele Saemɔn kɛ ɔzuhu ye ɔhɔ azukunlu ekyii. Gyisɛse akee dɛnlanle aze wɔ ɛlɛne ne anu na ɔhilehilele menli ne.

Dw 6:15

Gyisɛse nwunle kɛ bɛkpondɛ bɛahye ye ɛkɛ ne ala bɛazie belemgbunli la ati, ɔhwenle ɔ nwo na ɔdaye ɔ ngome ɔhɔle awoka ne mɔ azo lɔ bieko.