Edwɛkpa ne kɛmɔ Maake hɛlɛle la 3:8 - BAEBOLO ANZƐƐ BULUKU NWUANZANWUANZA

⁸ Gyɛlusalɛm nee azua mɔɔ wɔ Ayedumia maanzinli nu nee Dwɔdan sunvoa mɔɔ di kɔ aduduleɛ la, nee ɛleka ɛleka mɔɔ bikye azuamgbole Taya nee Saedɛn la. Menli dɔɔnwo ɛhye rale Gyisɛse ɛkɛ, ɔluakɛ bɛde ninyɛne mɔɔ ɔlɛyɛ la nganeɛ.

Edwɛkpa ne kɛmɔ Maake hɛlɛle la 3:8 ပူးပေါင်းရင်းမြစ်များ

Edwɛndolɛ Buluku ne 45:12

Tayama barahyɛ wɔ ninyɛne, sukoavolɛma barahyɛ wɔ ninyɛne ngakyile.

Edwɛndolɛ Buluku ne 87:4

Saa meka maanle maanle mɔɔ ze me la a, meye Yigyibiti nee Babelonia; nea, Filisitia, Taya, yɛɛ Sudan boka nwo; bɛse, “Ko ɛhye, bɛwole ye ɛkɛ.”

Ayezaya Buluku ne 34:5

Ɛdɛnkɛma se ye dadeɛ ne ɛwie da wɔ anwumaneamra avinli, na nea, akee ɔlɛdwu yearadea Yidɔmma mɔɔ yeye bɛ yemaa kɛ bɛzɛkye bɛ la. Oba 1-14; Mal 1.2-5

Yizikeɛle Buluku ne 35:15

Kɛ bɛzile bɛ nye liele Yizilayɛma azedɔlɛ nee bɛ mgbane mɔɔ bɛyɛle la anwo la, zɔhane ala yɛɛ mebayɛ bɛdabɛ noko a. Siyɛ awoka ne mɔ azo, Yidɔm maanle ne amuala badɔ mgbane. Na akee bɛanwu kɛ medame a mele Ɛdɛnkɛma a.”

Yizikeɛle Buluku ne 36:5

‘Medame Awulae Nyamenle, mese: Melɛ ɛya kpole nee anyebolo melɛtendɛ meatia maanle maanle mɔɔ ɛha la, nee Yidɔmma kɔsɔɔti mɔɔ hyɛle me azɛlɛ ne manle bɛ nwo anyelielɛ nu, adubɛnwo nu kɛ bɛfa na bɛave zolɛ ninyɛne bɛali la.’

Edwɛkpa ne kɛmɔ Mateyu hɛlɛle la 11:21

“Munzule ɛha bɛdabɛ mɔɔ bɛwɔ Koleezen la! Munzule ɛha bɛdabɛ mɔɔ bɛwɔ Bɛteseeyeda la! Nwanwane gyima mgbole mɔɔ bɛyɛle wɔ bɛ azua ne mɔ azo la, saa bɛyɛle bie wɔ Taya nee Saedɛn a, anrɛɛ menli mɔɔ wɔ zo la hedale ɛrele, bɔle nzonle, bɛvale bɛhilele kɛ bɛnlu bɛ nwo wɔ bɛ ɛtane ne mɔ anwo.

Edwɛkpa ne kɛmɔ Mateyu hɛlɛle la 4:25

Akee menli dɔɔnwo ne ala mɔɔ vi Galeli nee Azuamgbole Bulu ne azo, Gyɛlusalɛm nee Dwudiya maanzinli nu nee Azule Dwɔdan ne anzi lɔ la amuala doale ye.

Edwɛkpa ne kɛmɔ Maake hɛlɛle la 7:24

Gyisɛse vile ɛkɛ ne na ɔhɔle maanzinli ne mɔɔ bikye suakpole ne mɔɔ bɛfɛlɛ ye Taya la azo. Ɔhɔwolole awuke bie anu, na ɔyɛle kɛ ɔnrɛmaa awie ɛnrɛnwu kɛ ɔwɔ ɛkɛ ne, noko akee yeangola fea kyɛ.

Edwɛkpa ne kɛmɔ Maake hɛlɛle la 7:31

Akee Gyisɛse vile Taya afoa nu na ɔluale Saedɛn sua zo nee Azuamgbole Bulu ne mɔ maanzinli ne anu ɔrale Galeli Tandane ne anloa.

Edwɛkpa ne kɛmɔ Luku hɛlɛle la 6:17

Gyisɛse nee ye ɛzoanvolɛma ne vi boka ne azo tolole, ɔ nee ye ɛdoavolɛma dɔɔnwo hɔgyinlanle ɛleka bie mɔɔ la aze fɛɛnye la. Menli dɔɔnwo kpalɛ noko mɔɔ bie mɔ vi Dwudiya maanzinli ne kodoka biala anu, nee bie mɔ mɔɔ vi Gyɛlusalɛm nee ɛnweanloa azua mɔɔ le Taya nee Saedɛn la azo rayiale ye wɔ ɛkɛ ne;

Dwɔhyua Buluku ne 15:1

Dwuda abusua ekpunli ne nyianle azɛlɛ ɛhye: ɔwɔ mɔɔ kɔne nyevile nu la na ɔdwu Zen ɛsɛlɛ ne anloa wɔ ye nyiakɛ kpalɛ ɔkɔkpula Yidɔm ɛweɛne zo.

Dwɔhyua Buluku ne 15:21

Azuamgbole mɔɔ wɔ azɛlɛ ne nyiakɛ kpalɛ mɔɔ le bɛ ɛdeɛ la a le azuamgbole ne mɔ mɔɔ bikye Yidɔm ɛweɛne ne azo la. Bɛmɛ a le Kabezii, Yidɛ, Gyega,