Edwɛkpa ne kɛmɔ Maake hɛlɛle la 3:5 - BAEBOLO ANZƐƐ BULUKU NWUANZANWUANZA

⁵ Gyisɛse vale ɛya na ɔnleanle bɛ nyunlu ɔyiale, noko eza ɔlile bɛ nwo nyane, ɔluakɛ bɛle menli mɔɔ ɛzua anyetele na bɛ ti yɛ se a. Yemɔti ɔzele nrenya ne kɛ, “Tenrɛ ɛ sa ne anu.” Nrenya ne denrɛle ɔ sa ne mɔɔ ɛdwe la anu, na ɔyɛle kpalɛ bieko.

Edwɛkpa ne kɛmɔ Maake hɛlɛle la 3:5 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:6

Na ɔyɛle Ɛdɛnkɛma nyane kɛ yebɔ sonla yedo azɛlɛ ye azo a. Ɔyɛle ye nyane somaa,

1 Arl 13:6

Akee Belemgbunli Gyɛlɔbowam hanle hilele Nyamenle kpɔmanvolɛ ne kɛ, “Mebodo wɔ, sɛlɛ Ɛdɛnkɛma wɔ Nyamenle ne maa ɔmaa me sa ye ɛzia ɛyɛ kɛ ye dɛba ne ala la.” Nyamenle kpɔmanvolɛ ne zɛlɛle, na Ɛdɛnkɛma manle belemgbunli ne asa ne ziale yɛle kpalɛ kɛ ye dɛba ne la.

Nihɛmaya Buluku ne 13:8

Me ahonle futule kpole na menvuandinle Tobaya ninyɛne ne mɔ kɔsɔɔti menguale.

Edwɛndolɛ Buluku ne 95:10

Mengyile awolɛndoazo zɔhane ɛvolɛ abulanla, na menganle kɛ, “Bɛle menli mɔɔ ɛsolo, na bɛmbu me ndenle ne mɔ bie a.”

Edwɛkpa ne kɛmɔ Mateyu hɛlɛle la 12:13

Akee ɔzele nrenya ne kɛ, “Tenrɛ ɛ sa nu.” Nrenya ne denrɛle ɔ sa ne anu, na ɔyɛle kpalɛ kɛ ɔ sa ɛhendeɛ ne ala la.

Edwɛkpa ne kɛmɔ Maake hɛlɛle la 3:4

Akee ɔbizale menli ne kɛ, “Duzu yɛɛ yɛ mɛla ne maa nwolɛ adenle kɛ yɛyɛ wɔ Ɛnwomenlelielɛ Kenle ne a? Ɔmaa adenle kɛ yɛyɛ nyele anzɛɛ yɛli ɛtane? Yɛlie sonla ngoane anzɛɛ yɛzɛkye ye?” Na bɛambuke bɛ nloa.

Edwɛkpa ne kɛmɔ Luku hɛlɛle la 13:15

Awulae buale ye kɛ, “Bɛmɛ nabalabama! Saa ɔdwu Ɛnwomenlelielɛ Kenle a bɛ biala sianyi ye ɛnlankɛ anzɛɛ asoaso ɔfa ye ɔkɔmaa ye nzule.

Edwɛkpa ne kɛmɔ Luku hɛlɛle la 17:14

Gyisɛse nwunle bɛ la ɔzele bɛ kɛ, “Bɛhɔ na bɛva bɛ nwo bɛhɔhile sɛlɛvolɛma ne mɔ.” Mɔɔ bɛlua adenle zo bɛlɛkɔ la, bɛ nwo zale.

Edwɛkpa ne kɛmɔ Luku hɛlɛle la 6:10

Akee ɔnleanle bɛ nyunlu ɔyiale na ɔzele nrenya ne kɛ, “Tenrɛ ɛ sa ne anu!” Nrenya ne denrɛle ɔ sa ne anu na ɔ sa ne yɛle kpalɛ bieko.

Dw 9:7

na ɔzele ye kɛ, “Kɔ kɔnrinzi ɛ nyunlu wɔ nzubula ne mɔɔ bɛfɛlɛ ye Saelowam la anu.” (Saelowam abo a le “Ɛzoanlɛ”.) Nrenya ne hɔle hɔnrinzinle ɔ nyunlu wɔ nzubula ne anu, na ɔkara la ɛnee ɔnwu debie.

Wulo 11:25

Me mediema, nɔhalɛ bie vea ɛkɛ mɔɔ mekulo kɛ bɛnwu ye a, amaa bɛagyakyi kɛ bɛkɛdwenle kɛ asɛɛ bɛze nrɛlɛbɛ somaa. Yemɔ a le kɛ Yizilayɛma anzosesebɛ ne ɛnrɛhɔ zolɛ dahuu; saa bɛdabɛ mɔɔ bɛnle Dwuuma la dodo mɔɔ ba Nyamenle ɛkɛ ne la nyia ba a, anzosesebɛ ne babɔ aze.

2 Kɔl 3:14

Bɛhedale bɛ adwenle zo amgba; ɔluakɛ ɛnɛ nee ɛnɛ ala, saa bɛlɛkenga Ngyekyeleɛ Dɛba ne a, ɔle kɛ asɛɛ ɛdanlɛ ko ne ala tɛkeda zolɛ, ɔboalekɛ ɔlua Kelaese angome anwo zo ala yɛɛ bɛkola bɛye ɛdanlɛ ne a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:18

Menli zɔhane mɔ adwenle nu le awozinli, bɛnlɛ ndelebɛbo yɛɛ bɛmboka ngoane ne mɔɔ Nyamenle fa maa la anwo, ɔluakɛ bɛnze ɛhwee yɛɛ eza bɛ nzo yɛ se.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:26

Saa ɛfa ɛya a, mmamaa ɔfa wɔ ɔkɔ ɛtane nu; eza mmamaa sɛnzɛne ne tɔ wɔ ɛya zo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:30

Bɛmmabɔ Nyamenle Sunsum Nwuanzanwuanza ne arɛle, ɔluakɛ Sunsum ne a le Nyamenle nzonlɛ mɔɔ yeyɛ ye bɛ nwo mɔɔ kile kɛ bɛle ye ɛdeɛ a; sɛkɛlɛneɛ ɛhye kile kɛ Kenle ne dwu a Nyamenle bakpɔne bɛ.

Kɛlata mɔɔ bɛhɛlɛle bɛhɔmanle Hibuluma la 3:10

Ɛhye ati menvale menli zɔhane mɔ anwo ɛya na menganle kɛ, ‘Bɛle menli mɔɔ bɛsolo na bɛkpo kɛ bɛnrɛli me mɛla zo a.’

Kɛlata mɔɔ bɛhɛlɛle bɛhɔmanle Hibuluma la 3:17

Nwane mɔ a Nyamenle vale bɛ nwo ɛya ɛvolɛ abulanla la? Bɛdabɛ mɔɔ bɛyɛle ɛtane na bɛdɔle amolɛ nu wɔ ɛsɛlɛ ne azo la ɔ.

Kɛlata mɔɔ bɛhɛlɛle bɛhɔmanle Hibuluma la 5:9

Mɔɔ bɛmanle ɔlile munli la, akee ɔrayɛle ngoanelielɛ mɔɔ ɛnlɛ awieleɛ la ɔmanle bɛdabɛ mɔɔ bɛtie ye la,

Yekile 6:16

Na bɛdeanle bɛvɛlɛle awoka nee awolɛ ne mɔ kɛ, “Bɛragua yɛ nwo zo na bɛva yɛ bɛvea bɛmaa yɛvi mɔɔ de belemgbunli ebia kpole ne azo la anye zo, na bɛye yɛ bɛvi Boaneralɛ ne ɛya ne anu!

Maanlebuvolɛma Buluku ne 10:16

Akee bɛkpole bɛ nyamenle ne mɔ na bɛzonlenle Ɛdɛnkɛma. Na Yizilayɛma anwubɛnyunlu ne yɛle Ɛdɛnkɛma nyane nee ɛya.

1 Sam 20:34

Ɛya hunle Dwɔnatan kpole manle ɔvile ɛkponledolɛ ne abo ɔdwazole. Yeanli Siane Fofolɛ Ɛvoyia ne kenle mɔɔ tɔ zolɛ nwiɔ la aleɛ ne, ɔluakɛ ɛnee ɔlɛdi Devidi anwo nyane kɛ ɔlua ɔ ti ɔ ze ɛbɔ ye aholoba ɛgua ɔ nyunlu aze a.