Edwɛkpa ne kɛmɔ Maake hɛlɛle la 3:23 - BAEBOLO ANZƐƐ BULUKU NWUANZANWUANZA

²³ Ɛhye ati Gyisɛse vɛlɛle menli ne mɔ, na ɔbule bɛ mrɛlɛ ɛhye mɔ kɛ, “Asoo Seetan kola tu Seetan?

Edwɛkpa ne kɛmɔ Maake hɛlɛle la 3:23 ပူးပေါင်းရင်းမြစ်များ

Edwɛndolɛ Buluku ne 49:4

Mebagyele me nzo meadie ɛrɛlɛ, mebabɔ getaa kpole meaye me agyebɛ nloa.

Edwɛkpa ne kɛmɔ Mateyu hɛlɛle la 13:3

Ɔvale mrɛlɛbulɛ ɔhanle edwɛkɛ dɔɔnwo ɔhilele bɛ. Ɔse, “Ɛyazonlɛnli bie hɔle kɛ ɔkagua ma.

Edwɛkpa ne kɛmɔ Mateyu hɛlɛle la 13:34

Gyisɛse hanle ɛhye mɔ amuala wɔ mrɛlɛ nu a hilele menli ne a. Na yeangoati mrɛlɛ nwo yeandendɛ yeangile bɛ ɛlɛ.

Edwɛkpa ne kɛmɔ Mateyu hɛlɛle la 4:10

Gyisɛse buale kɛ, “Seetan, dwazo ɛkɛ ne kɔ! Ɔluakɛ bɛhɛlɛ kɛ, ‘Yeyɛ Awulae wɔ Nyamenle ne na sonle ɔdaye ɔ ngome ala!’ ”

Edwɛkpa ne kɛmɔ Maake hɛlɛle la 12:1

Gyisɛse akee dendɛle hilele bɛ wɔ mrɛlɛ nu zele kɛ, “Nrenya bie zonle ye ɛya, ɔluale vanye ma wɔ nu na ɔhyele nwolɛ, ɔdule kuma mɔɔ bɛbahwihwi vanye ma ne anu nzule bɛagua nu la, na ɔzile tawa mɔɔ bɛfo zo bɛsinza egyinli ne la wɔ nu. Akee ɔvale egyinli ne ɔwulale abunsama asa anu na ɔdule ye adenle.

Edwɛkpa ne kɛmɔ Maake hɛlɛle la 3:24

Saa maanle ko anu amra kyɛ bɛ nwo nu na bɛko bɛtia bɛ nwo a, maanle ne ɛngyinla,

Edwɛkpa ne kɛmɔ Maake hɛlɛle la 4:11

Ɔbuale bɛ kɛ, “Bɛmɛ, Nyamenle ɛla ye belemgbunlililɛ ne anwo edwɛkɛ ne mɔɔ vea la ali wienyi ɛhile bɛ, na bɛdabɛ mɔɔ bɛmbikye me la, bɛte ye wɔ mrɛlɛ nu,

Edwɛkpa ne kɛmɔ Maake hɛlɛle la 4:2

Ɔvale mrɛlɛbulɛ ɔhilehilele bɛ ninyɛne dɔɔnwo, na ye ngilehilelɛ ne anu ɔzele bɛ kɛ: