Edwɛkpa ne kɛmɔ Maake hɛlɛle la 3:2 - BAEBOLO ANZƐƐ BULUKU NWUANZANWUANZA

² Menli bie dɛle Gyisɛse nleanle saa ɔkɛyɛ nrenya ne ayile wɔ Ɛnwomenlelielɛ Kenle ne a ɛnee bɛahɔdoa ye.

Edwɛkpa ne kɛmɔ Maake hɛlɛle la 3:2 ပူးပေါင်းရင်းမြစ်များ

Edwɛndolɛ Buluku ne 37:32

Amumuyɛnli bu tenlenenli anyehoanlɛ, na ɔbɔ mɔdenle kɛ ɔku ye.

Gyɛlɛmaya Buluku ne 20:10

Ɔluakɛ mete menli azukuedulɛ ne; ɛzulolɛ ɛva ɛleka kɔsɔɔti. Agɔnwolɛma kpalɛ kpondɛ me azedɔlɛ, bɛse, “Tendɛ tia ye! Bɛmaa yɛdendɛ yɛtia ye! Wɔannea a ɔ nye zo bada ye, ɛnee yɛ sa ɛha ye na yɛali ye nzenralɛ.”

Daneɛle Buluku ne 6:4

Mgbanyima ne nee amɛnladoma ne mɔ bɔle kpɔkɛ kɛ bɛnea Daneɛle maamulɛ ne anu boɛ bɛakpondɛ nvonleɛ bie bɛatia ye, na bɛannyia ɛzonle biala bɛando Daneɛle anwo zo, ɔboalekɛ ɔdi nɔhalɛ; bɛannwu ɛtane anzɛɛ nvonleɛ wɔ ye maamulɛ nu.

Edwɛkpa ne kɛmɔ Mateyu hɛlɛle la 12:10

Nrenya bie wɔ ɛkɛ ne mɔɔ ɔ sa ko ɛdwe a. Menli bie noko bɛdabɛ bɛra ɛkɛ ne kɛ bɛtɛ Gyisɛse na bɛahɔdoa ye. Yemɔti bɛbizale ye kɛ, “Asoo ɔtia yɛ mɛla ne kɛ bɛkɛyɛ ayile wɔ Ɛnwomenlelielɛ Kenle?”

Edwɛkpa ne kɛmɔ Maake hɛlɛle la 3:3

Gyisɛse zele nrenya ne mɔɔ asa ko ɛdwe la kɛ, “Dwazo bagyinla yɛ nyunlu ɛke.”

Edwɛkpa ne kɛmɔ Luku hɛlɛle la 14:1

Ɛnwomenlelielɛ Kenle ko Gyisɛse hɔle kɛ ɔkakpula ɔ sa wɔ Falasii mgbanyima ne mɔ ko sua nu. Mekɛ ne anu ɛnee menli ɛlɛtɛ ye kpalɛ.

Edwɛkpa ne kɛmɔ Luku hɛlɛle la 20:20

Yemɔti bɛtetɛle ye. Bɛmanle menli bie ndoloboa bɛmanle bɛyɛle bɛ nwo kɛ asɛɛ bɛdi nɔhalɛ, na bɛzoanle bɛ kɛ bɛhɔdo Gyisɛse abɛla bɛbizebiza ye edwɛkɛ, amaa saa ɔ nloa fo a bɛahye ye na bɛava ye bɛahɔmaa Wulomu Amɛnlado ne ali ye edwɛkɛ.

Edwɛkpa ne kɛmɔ Luku hɛlɛle la 6:7

Mɛla kilehilevolɛma nee Falasiima bie mɔ ɛnee kpondɛ adenle alua zo adoa Gyisɛse la ati, bɛnleanle saa ɔkɛyɛ nrenya ne ayile wɔ Ɛnwomenlelielɛ Kenle ne a.

Dw 8:6

Bɛhanle ɛhye bɛdole ye abɛla, amaa bɛanyia bie bɛagyinla zolɛ bɛahɔdoa ye. Na Gyisɛse hanle ɔ nwo aze na ɔvale ɔ sa ɔhɛlɛhɛlɛle azɛlɛ ne anwo.

Dw 9:16

Falasiima ne bie mɔ hanle kɛ, “Sonla mɔɔ yɛle ɛhye la ɛnvi Nyamenle ɛkɛ, ɔboalekɛ ɔnli Ɛnwomenlelielɛ Kenle mɛla ne azo.” Bie mɔ noko hanle kɛ, “Na kɛ ɔkɛyɛ na sonla mɔɔ le ɛtanenli la ayɛ nwanwane gyima mɔɔ le zɛhae ɛ?” Na menli ne lile abunwiɔ.