Edwɛkpa ne kɛmɔ Maake hɛlɛle la 2:5 - BAEBOLO ANZƐƐ BULUKU NWUANZANWUANZA

⁵ Gyisɛse nwunle menli ne mɔ diedi la, ɔzele nrenya ne mɔɔ ɛdwidwe la kɛ, “Me ra, bɛva wɔ ɛtane ne mɔ bɛhyɛ wɔ.”

Edwɛkpa ne kɛmɔ Maake hɛlɛle la 2:5 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:12

Ɛdɛnkɛma soanvolɛ ne zele ye kɛ, “Mmafa ɛ sa ɛka kakula ne anzɛɛ mmayɛ ye debie. Ɔluakɛ kɛkala, menwu kɛ ɛsulo Nyamenle, ɔboalekɛ wɔanva ɛ ra kokye ne wɔanyɛ me abokɛ.”

Edwɛndolɛ Buluku ne 103:3

Ɔfa wɔ ɛtane ne mɔ amuala ɔkyɛ wɔ, ɔyɛ wɔ ewule kɔsɔɔti ayile.

Ayezaya Buluku ne 38:17

Nea, me kpalɛyɛlɛ ti Yɛɛ menwu amaneɛ kpole zɛhae a. Noko wɔye me wɔvi ewule nu, Ɔluakɛ wɔva me ɛtane kɔsɔɔti wɔhyɛ me.

Ayezaya Buluku ne 53:11

Ɔbanwu ye amaneɛnwunlɛ ne abo aleɛ na ɔ nye alie, na ɔlua me sonvolɛ tenlene ko ne anwo zo, bɛbava menli dɔɔnwo kɛ bɛle tenlenema; na ɔbazoa bɛ ɛtane ne mɔ anwo ndeanlɛ.

Edwɛkpa ne kɛmɔ Mateyu hɛlɛle la 9:2

Menli bie vale awie mɔɔ ɛdwidwe na ɔla ɛkpa zo la rɛlɛle ye kɛ ɔyɛ ye ayile. Mɔɔ Gyisɛse nwunle bɛ diedi ne la, ɔzele nrenya ne kɛ, “Me ra nrenya, to ɛ rɛle azule nu! Bɛva wɔ ɛtane ne mɔ bɛhyɛ wɔ.”

Edwɛkpa ne kɛmɔ Mateyu hɛlɛle la 9:22

Gyisɛse hakyile ɔ nye na ɔnwunle ye la, ɔzele raalɛ ne kɛ, “Ralɛ raalɛ, maa ɛ rɛle ɛdɔ wɔ azule nu. Wɔ diedi ɛmaa ɛ nwo ɛza.” Na ɛkɛ ne ala raalɛ ne anwo zale.

Edwɛkpa ne kɛmɔ Mateyu hɛlɛle la 9:5

Boni a ye ɛhanlɛ ɛnyɛ se a, kɛ ɛse awie kɛ, ‘Bɛva wɔ ɛtane ne mɔ bɛhyɛ wɔ’, anzɛɛ ‘Dwazo na tia?’

Edwɛkpa ne kɛmɔ Maake hɛlɛle la 2:6

Mɛla kilehilevolɛma ne bie mɔ mɔɔ dede ɛkɛ ne la dwenlenle ye bɛ ti anu kɛ,

Edwɛkpa ne kɛmɔ Maake hɛlɛle la 5:34

Gyisɛse zele ye kɛ, “Me ra raalɛ, wɔ diedi ɛlie wɔ ngoane. Fa anzonudwolɛ kɔ na wɔ ewule ne ɛhɔ bɔkɔɔ.”

Edwɛkpa ne kɛmɔ Luku hɛlɛle la 5:20

Gyisɛse nwunle menli ne mɔ diedi la, ɔzele nrenya ne mɔɔ ɛdwidwe la kɛ, “Me gɔnwo, bɛva wɔ ɛtane ne mɔ bɛhyɛ wɔ.”

Edwɛkpa ne kɛmɔ Luku hɛlɛle la 8:48

Gyisɛse zele ye kɛ, “Me ra raalɛ, wɔ diedi ɛlie wɔ ngoane; kɔ anzonudwolɛ nu.”

Dw 2:25

Yeangyia kɛ awie kɛha sonla nwo edwɛkɛ kɛhile ye, ɔboalekɛ ɔdaye mumua ne ɔze mɔɔ wɔ sonla biala ahonle nu la.

Dw 5:14

Nzinlii, Gyisɛse nwunle nrenya ne wɔ Ɛzonlenlɛ Sua ne anu na ɔzele ye kɛ, “Nea o, kɛkala wɔde kpɔkɛ. Gyakyi wɔ ɛtane ne mɔ anzi ɛlilɛ, anrɛɛ mɔɔ kɛzi ɛ nwo zo la kɛbo zolɛ.”

Ɛzoanvolɛma Gyima ne 11:23

Mɔɔ ɔhɔdwule na ɔnwunle kɛ Nyamenle ɛzi ɛlo menli ne la, ɔlile fɛlɛko na ɔzile bɛ kɛnra kɛ bɛva bɛ ahonle muala bɛzɔ diedi ne anu kpalɛ na bɛli nɔhalɛ bɛmaa Awulae.

Ɛzoanvolɛma Gyima ne 14:9

Ɛnee nrenya ɛhye ɛlɛtie Pɔɔlo kpalɛ. Na Pɔɔlo nwunle kɛ nrenya ne ɛnyia diedi mɔɔ kola yɛ ye ayile la, ɔnleanle ye koonwu

Ɛzoanvolɛma Gyima ne 5:31

Na yemɔ yɛɛ Nyamenle ɛmaa ye zo ɛzie ye ye fema zo ɛyɛ ye Adenlekilevolɛ nee Dievolɛ kɛ ɔhile Yizilayɛma adenle ɔmaa bɛnlu bɛ nwo na bɛanyia ɛtanefakyɛ a.

1 Kɔl 11:30

Ɛhye ati yɛɛ bɛ nuhua dɔɔnwo anwo ɛyɛ bɛ bɛtɛɛ, bɛ nwo ɛtoto bɛ, na bie mɔ ɛwu la.

2 Kɔl 2:10

Saa bɛfa awie anwo edwɛkɛ bɛkyɛ ye a, ɛnee medame noko meva mehyɛ ye. Saa ɔhyia kɛ mefa awie anwo edwɛkɛ mekyɛ ye a, meyɛ ye zɔhane wɔ bɛ ti wɔ Kelaese anyunlu,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:8

Ɔluakɛ Nyamenle ɛlolɛ zo yɛɛ bɛ diedi ti yelie bɛ ngoane a.

Kɔlɔ 3:13

Bɛsosɔ bɛ nwo ngoko ngoko, na saa bie lɛ ɔ gɔnwo anwo ɛya a ɔva ɔhyɛ ye. Bɛva ɛtane bɛhyɛ, kɛmɔ Awulae ɛva bɛ nwo edwɛkɛ ɛhyɛ bɛ la.

Gyemise Kɛlata ne 5:15

Saa bɛfa diedi bɛyɛ nzɛlɛlɛ ɛhye a, wuleravolɛ ne anwo baza; Awulae badwazo ye, na saa yeyɛ ɛtane a yeava ye ɛtane yeahyɛ ye.