Edwɛkpa ne kɛmɔ Maake hɛlɛle la 2:27 - BAEBOLO ANZƐƐ BULUKU NWUANZANWUANZA

²⁷ Gyisɛse hanle zɔle zolɛ kɛ, “Nyamenle hyehyɛle Ɛnwomenlelielɛ Kenle ne dole ɛkɛ manle sonla ye ɛkpazilɛ; na tɛ Ɛnwomenlelielɛ Kenle ne ati a bɛbɔle sonla a.

Edwɛkpa ne kɛmɔ Maake hɛlɛle la 2:27 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:12

“Bɛva kenle nsia bɛyɛ gyima, na kenle nsuu ne azo, bɛlie bɛ ɛnwomenle, amaa bɛ nlankɛ nyinli nee bɛ asoaso ne mɔ alie bɛ ɛnwomenle na bɛ ahanra nee nyɛvolɛ mɔɔ yɛ gyima maa bɛ la alie bɛ ɛnwomenle.

Ayezaya Buluku ne 58:13

Ɛdɛnkɛma se, “Saa bɛsia bɛ nzi bɛsie Ɛnwomenlelielɛ Kenle ne, bɛgyakyi bɛdabɛ bɛ ngome bɛ kpalɛyɛlɛ nwo gyimayɛlɛ wɔ me kenle nwuanzanwuanza ne, bɛmaa bɛ nye die Ɛnwomenlelielɛ Kenle ne ɛzielɛ nwo, na bɛbu medame Ɛdɛnkɛma me kenle nwuanzanwuanza ne bie, saa bɛdi kenle ne eni na bɛanyɛ mɔɔ bɛdabɛ bɛkulo la, anzɛɛ bɛamkpondɛ bɛ ngome bɛ anyelielɛ, bɛandendɛ ɛdendɛlɛ mgbane mgbane a,

Yizikeɛle Buluku ne 20:12

Eza menvale me Ɛnwomenlelielɛ Kenle ne mɔ memanle bɛ, kɛ ɔle sɛkɛlɛneɛ mɔɔ la me nee bɛ avinli a, amaa bɛanwu kɛ medame Ɛdɛnkɛma a mete bɛ nwo a.

Yizikeɛle Buluku ne 20:20

bɛde me Ɛnwomenlelielɛ Kenle ne mɔ anwo, amaa yeayɛ sɛkɛlɛneɛ yeala me nee bɛ avinli, na bɛanwu kɛ medame Ɛdɛnkɛma a mele bɛ Nyamenle a.’

Edwɛkpa ne kɛmɔ Maake hɛlɛle la 2:28

Zɔhane ati medame Sonla Ra, melɛ tumi wɔ Ɛnwomenlelielɛ Kenle ne azo noko.”

Edwɛkpa ne kɛmɔ Luku hɛlɛle la 6:9

Gyisɛse zele bɛ kɛ, “Mebiza bɛ, duzu a yɛ mɛla ne maa nwolɛ adenle kɛ yɛyɛ wɔ Ɛnwomenlelielɛ Kenle ne a? Yɛyɛ ahunlunyele anzɛɛ yɛli ɛtane? Yɛlie sonla ngoane anzɛɛ yɛzɛkye ye?”

Dw 7:23

Na saa bɛyɛ kakula nrenya mrenyanu nzonlɛ wɔ Ɛnwomenlelielɛ Kenle na bɛndo Mosisi mɛla ne a, ɛnee duzu ati yɛɛ bɛva me nwo ɛya kɛ meyɛ sonla ayile memaa ɔ nwo ɛza wɔ Ɛnwomenlelielɛ Kenle ɛ?

2 Kɔl 4:15

Ɛhye mɔ amuala lua bɛmɛ bɛ ti, amaa mɔɔ Nyamenle ɛlolɛ ne ɛlɛtɛlɛ ahɔ menli dɔɔnwo anwo zo la, bɛava moyɛlɛ bɛawula Nyamenle anyunlunyia.

Mɛla 5:12

“ ‘Bɛzie Ɛnwomenlelielɛ Kenle ne nwuanzanwuanza, kɛmɔ medame, Ɛdɛnkɛma bɛ Nyamenle meha mehile bɛ la.

Mɛla 5:14

Kenle ne mɔɔ tɔ zolɛ nsuu la le ɛnwomenlelielɛ maa medame, Ɛdɛnkɛma bɛ Nyamenle. Bɛmmayɛ gyima biala wɔ kenle ne anu; ɛdawɔ o, ɛ ra nrenya o, ɛ ra raalɛ o, wɔ sonvolɛ nrenya anzɛɛ raalɛ o, wɔ ɛkpɔnwɔ o, asoaso o, anzɛɛ wɔ nlankɛ ne mɔ anu biala, yɛɛ wɔ ɛyɛvolɛ mɔɔ ɛrazokoɛ wɔ la, amaa wɔ sonvolɛ mrenya nee mraalɛ noko nee wɔ alie bɛ ɛnwomenle.

Kɔlɔ 2:16

Yemɔti bɛmmamaa awie bua bɛ ndɛne wɔ mɔɔ bɛdi nee mɔɔ bɛno, anzɛɛ ɛvoyialilɛ nwo, anzɛɛ Siane Fofolɛ nee Ɛnwomenlelielɛ Kenle nwo.