Edwɛkpa ne kɛmɔ Maake hɛlɛle la 2:26 - BAEBOLO ANZƐƐ BULUKU NWUANZANWUANZA

²⁶ Wɔ Sɛlɛvolɛ Kpanyinli Abayata mekɛ zo, Devidi hɔle Nyamenle sua ne anu na ɔ nee ye menli ne mɔ lile kpanwo ne mɔɔ bɛva bɛbɔ azu bɛmaa Nyamenle la. Yɛ mɛla ne kile kɛ ɔwɔ kɛ sɛlɛvolɛma angome ala a di zɛhae kpanwo ne a. Noko Devidi lile bie, eza ɔvale bie ɔmanle menli mɔɔ ɔ nee bɛ lua la lile. Asoo bɛtɛtele ɛhye?”

Edwɛkpa ne kɛmɔ Maake hɛlɛle la 2:26 ပူးပေါင်းရင်းမြစ်များ

2 Sam 15:24

Abayata rale bie, Zeedɔko nee Livaema mɔɔ zo Nyamenle Ngyekyeleɛ Ɛlɛka ne la noko rale. Bɛzokoɛle bɛziele ye aze hɔkpulale mekɛ mɔɔ menli ne amuala wiele se la.

2 Sam 15:29

Yemɔti Zeedɔko nee Abayata vale Nyamenle Ngyekyeleɛ Ɛlɛka ne ziale hɔle Gyɛlusalɛm na bɛhɔdɛnlanle ɛkɛ.

2 Sam 15:35

Zeedɔko nee Abayata a le sɛlɛvolɛma mɔɔ bɛ nee bɛ wɔ lɔ a. Edwɛkɛ biala mɔɔ bɛkɛha wɔ belemgbunli suakunlu ɛkɛ ne la baha kile bɛ.

2 Sam 20:25

Hyiva le kɔɔto kɛlɛhɛlɛvolɛ. Zeedɔko nee Abayata le sɛlɛvolɛma,

2 Sam 8:17

Ahaetɛbe ara Zeedɔko nee Abayata ara Ahemɛlɛke a le sɛlɛvolɛma a; Sɛlaya le kɔɔto kɛlɛhɛlɛvolɛ;

1 Arl 1:7

Ɔzuzule nwolɛ ɔhilele raalɛ Zɛluaya ara Dwowabe nee sɛlɛvolɛ Abayata. Bɛ mu nwiɔ bɛliele nzuzulɛ ne bɛdole nu na bɛzile ye adua na eza bɛlile ɔ nzi.

1 Arl 2:22

Belemgbunli ne bizale ɔ nli kɛ, “Duzu ati a ɛbiza Abehyage agyalɛ wɔamaa Adonaegya ɛ? Saa zɔhane ɛdeɛ a ɛnee die Yizilayɛ maanle ne amuala noko boka nwo maa Adonaegya ɛ. Yemɔ a ɔle adiema koatee a. Eza yeanga ye zɔhane, sɛlɛvolɛ Abayata nee Dwowabe wɔ ɔ nzi.”

1 Arl 4:4

Gyɛhɔyada ara Bɛnaya le ɛlɔnema ne kpanyinli; Zeedɔko nee Abayata le sɛlɛvolɛma.

1 Edk 24:6

Saa bɛgua Ɛlieza abo zo amra ne mɔ ati nzeleba ko a, bɛgua Yetamaa ɔdaye ɔ bo zo amra ne mɔ ɛdeɛ ko. Livaenli kɛlɛhɛlɛvolɛ Nɛtanɛle ara Hyɛmaya a kɛlɛhɛlɛ bɛ aluma wɔ buluku nu sie a. Belemgbunli Devidi safohyenle mgbanyinli, sɛlɛvolɛ Zeedɔko, Abayata ara Ahemɛlɛke, yɛɛ sɛlɛvolɛ mbusua ekpulike ekpulike ne mɔ mgbanyinli nee Livae mbusua mgbanyinli a nleanle lile nwolɛ daselɛ manle bɛyɛle a.

Edwɛkpa ne kɛmɔ Mateyu hɛlɛle la 12:4

Se Devidi hɔle Nyamenle Sua ne anu na ɔhɔvale azu kpanwo ne bie ɔlile, wɔ mekɛ mɔɔ adenle ɛnla ɛkɛ kɛ awie di bie kyesɛ sɛlɛvolɛma ala la.

Edwɛkpa ne kɛmɔ Maake hɛlɛle la 2:25

Gyisɛse buale bɛ kɛ, “Asoo bɛtɛkengale mɔɔ Devidi yɛle wɔ mekɛ mɔɔ ɛnee ɛhɔne ɛlɛku ye nee menli mɔɔ doa ye, na bɛnlɛ debie biala mɔɔ bɛdi la?

1 Sam 21:1

Devidi hɔle Sɛlɛvolɛ Ahemɛlɛke anwo lɔ wɔ Nɔɔbo. Ahemɛlɛke vale anwowozolɛ ngome rayiale ye adenle na ɔbizale ye kɛ, “Duzu ati a ɛ ngomekye ala a wɔra na awie ɛmboka ɛ nwo ɛ?”

1 Sam 23:6

Mekɛ mɔɔ Ahemɛlɛke ara Abayata nriandi ahɔ Devidi anwo lɔ wɔ Kiayela la, ɔvale sɛlɛvolɛ tɛladeɛ fufule ne mɔɔ bɛfɛlɛ ye Yifɔdo la ko.

1 Sam 23:9

Devidi dele kɛ Sɔɔlo nee ye ɛlɔnema ɛlɛba ɔ nwo zo la, ɔzele sɛlɛvolɛ Abayata kɛ, “Fa yifɔdo ne bɛla.”