Edwɛkpa ne kɛmɔ Maake hɛlɛle la 2:25 - BAEBOLO ANZƐƐ BULUKU NWUANZANWUANZA

²⁵ Gyisɛse buale bɛ kɛ, “Asoo bɛtɛkengale mɔɔ Devidi yɛle wɔ mekɛ mɔɔ ɛnee ɛhɔne ɛlɛku ye nee menli mɔɔ doa ye, na bɛnlɛ debie biala mɔɔ bɛdi la?

Edwɛkpa ne kɛmɔ Maake hɛlɛle la 2:25 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 19:4

Gyisɛse buale kɛ, “Bɛtɛkengale Nyamenle Edwɛkɛ ne mɔɔ se: Mɔlebɛbo ne Nyamenle bɔle bɛ nrenya nee raalɛ

Edwɛkpa ne kɛmɔ Mateyu hɛlɛle la 21:16

Yemɔti bɛbizale Gyisɛse kɛ, “Ɛte mɔɔ ɛhye mɔ ɛlɛkeha la ɔ?” Gyisɛse buale bɛ kɛ, “Nɔhalɛ, mete. Na bɛtɛkengale Nyamenle Edwɛkɛ ne mɔɔ fane ɛhye anwo la ɔ? Ɔse, ‘Bɛtete ngakula ndetendete nee nlɔma kɛ bɛye Nyamenle ayɛlɛ mɔɔ di munli a!’ ”

Edwɛkpa ne kɛmɔ Mateyu hɛlɛle la 21:42

Gyisɛse zele bɛ kɛ, “Asoo bɛtɛkengale Nyamenle Edwɛkɛ ɛhye ɛlɛ? Ɔse, ‘Bolɛ ne mɔɔ suasivoma ne kpole la, ɛrayɛ bolɛ mɔɔ anwo hyia kpole kpalɛ kɛ sua mgbɛne zo sika la. Awulae a yɛle ɛhye a; na ɔyɛ nwanwane kpole!’

Edwɛkpa ne kɛmɔ Mateyu hɛlɛle la 22:31

Bɛtɛkengale mɔɔ Nyamenle ɛha, mɔɔ fane mɔwuamra ɛdwazolɛ nwo la ɛlɛ ɔ? Ɔse,

Edwɛkpa ne kɛmɔ Mateyu hɛlɛle la 4:2

Gyisɛse hyele ɛhɔne alehyenlɛ nee aledwolɛ kenle abulanla na ɛhɔne hunle ye.

Edwɛkpa ne kɛmɔ Maake hɛlɛle la 12:20

Na ɛnee mediema nsuu bie wɔ ɛkɛ. Bɛ nuhua kpanyinli ne gyale raalɛ na ɔ nee ye anwo na yeawu.

Edwɛkpa ne kɛmɔ Maake hɛlɛle la 12:26

Akee mɔɔ fane mɔwuamra ɛdwazolɛ ne, asoo bɛtɛkengale ye Mosisi buluku ne anu kɛ Nyamenle hanle hilele ye wɔ ɛbɔ ne anu kɛ, ‘Mame a mele Ebileham nee Ayezeke nee Gyekɔbo Nyamenle ne a?’

Edwɛkpa ne kɛmɔ Maake hɛlɛle la 2:24

Na Falasiima ne zele Gyisɛse kɛ, “Nea, ɔtia yɛ mɛla ne kɛ wɔ ɛdoavolɛma ne mɔ kɛyɛ zɛhae debie wɔ Ɛnwomenlelielɛ Kenle ye a!”

Edwɛkpa ne kɛmɔ Maake hɛlɛle la 2:26

Wɔ Sɛlɛvolɛ Kpanyinli Abayata mekɛ zo, Devidi hɔle Nyamenle sua ne anu na ɔ nee ye menli ne mɔ lile kpanwo ne mɔɔ bɛva bɛbɔ azu bɛmaa Nyamenle la. Yɛ mɛla ne kile kɛ ɔwɔ kɛ sɛlɛvolɛma angome ala a di zɛhae kpanwo ne a. Noko Devidi lile bie, eza ɔvale bie ɔmanle menli mɔɔ ɔ nee bɛ lua la lile. Asoo bɛtɛtele ɛhye?”

Edwɛkpa ne kɛmɔ Luku hɛlɛle la 10:26

Gyisɛse buale kɛ, “Duzu a bɛhɛlɛ ye wɔ mɛla ne anu a? Kɛ ɛsi ɛkile ɔ bo ɛ?”