Edwɛkpa ne kɛmɔ Maake hɛlɛle la 2:22 - BAEBOLO ANZƐƐ BULUKU NWUANZANWUANZA

²² Zɔhane ala yɛɛ awie ɛnva nwanye ndokuma ɛngua nwoma kodoku dɛba nu a. Saa ɔyɛ ye zɔhane na nwanye ne anu yɛ ɛsesebɛ a, ɔkpuke nwoma ne na nwanye ne nee nwoma ne sɛkye. Nɔhalɛ, bɛfa nwanye ndokuma bɛgua nwoma kodoku fofolɛ nu.”

Edwɛkpa ne kɛmɔ Maake hɛlɛle la 2:22 ပူးပေါင်းရင်းမြစ်များ

Dwobu Buluku ne 32:19

Bɛnlea, me ahonle ɛyɛ kɛ nwanye mɔɔ bɛdua zo wɔ toba nu la, me ahonle le kɛ nwanye nwoma fofolɛ, ɔkpondɛ yeakpuke.

Edwɛndolɛ Buluku ne 119:80

Mmamaa medi fɔlɛ wɔ wɔ mɛla ne mɔ anwo, amaa me nyunlu angua aze.

Edwɛndolɛ Buluku ne 119:83

Ɔluakɛ meyɛ kɛ nwanye nwoma kodoku mɔɔ la senle nu, noko me rɛle ɛtɛfile wɔ mɛla ne mɔ.

Edwɛkpa ne kɛmɔ Mateyu hɛlɛle la 9:17

Ɔvale ɔzɔle zo kɛ, “Awie ɛnva nwanye ndokuma ɛngua nwanye nwoma kodoku dɛba nu. Saa ɔyɛ ye zɔhane na nwanye ne anu yɛ ɛsesebɛ a, nwoma kodoku dɛba ne bakpuke yeamaa nwanye ne agua aze, na nwoma ne noko azɛkye. Mɔɔ bɛyɛ la a le kɛ bɛfa nwanye ndokuma bɛgua nwoma kodoku fofolɛ nu, ɛnee bɛ mu nwiɔ bɛgyinla boɛ.”

Edwɛkpa ne kɛmɔ Maake hɛlɛle la 2:21

Akee ɔhanle ɔzɔle zolɛ kɛ, “Awie ɛnva ɛdanlɛ fofolɛ mɔɔ bɛtɛkpole ye ɛlɛ la ɛnda ɛdanlɛ dɛba nu. Saa ɔyɛ ye zɔhane na ɔwula ye nzule nu a fofolɛ ne nwenwe na ɔtete dɛba ne, na ɔmaa tokule ne yɛ kpole.

Edwɛkpa ne kɛmɔ Maake hɛlɛle la 2:23

Ɛnwomenlelielɛ Kenle ko bie ɛnee Gyisɛse lua abɛlɛ ɛya bie anu; ye ɛdoavolɛma ne mɔ mɔɔ nee ye lua la bubule abɛlɛ ne bie.

Dwɔhyua Buluku ne 9:13

Mɔɔ yɛgua nwanye ne wɔ nwoma ahodoku ɛhye mɔ anu la, ɛnee bɛle fofolɛ, noko nea kɛ bɛzi bɛkpukekpuke bɛmaa yɛteta nu bie a! Adenle ne mɔɔ wale la ati yɛ adɛladeɛ nee yɛ mgbɔlaboa ɛwie yɛ nwo tete.”

Dwɔhyua Buluku ne 9:4

bɛyiale nu bɛbɔle adwenle, bɛwulale aleɛ wɔ ahodoku mɔɔ ɛtete la anu, na bɛvale nza bɛguale nwanye ahodoku mɔɔ ɛyɛ dɛba na bɛteta nu la anu, na bɛvale bɛzoale bɛ asoaso ne mɔ.