Edwɛkpa ne kɛmɔ Maake hɛlɛle la 2:16 - BAEBOLO ANZƐƐ BULUKU NWUANZANWUANZA

¹⁶ Mɛla kilehilevolɛma ne bie mɔ mɔɔ le Falasiima la nwunle kɛ ɔ nee menli zɛhae mɔ ɛlɛdi debie la, bɛbizale ye ɛdoavolɛma ne kɛ, “Duzu ati a ɔ nee menli zɛhae mɔ to bɛ sa ɛyɛba ko anu ɛ?”

Edwɛkpa ne kɛmɔ Maake hɛlɛle la 2:16 ပူးပေါင်းရင်းမြစ်များ

Ayezaya Buluku ne 65:5

Bɛka bɛkile bɛ gɔnwo mɔ kɛ, ‘Bɛhwe bɛ nwo, bɛmmabikye yɛ, ɔluakɛ bɛdu yɛ bɛmaa; ɔnle kɛ bɛ nwo ka yɛ.’ Ɛhye mɔ le kɛ esike wɔ me bonyi nu; bɛle kɛ senle mɔɔ sɔ alehyenlɛ biala la.

Edwɛkpa ne kɛmɔ Mateyu hɛlɛle la 18:17

Saa yeandie bɛ edwɛkɛ a, ka kile asɔnema amuala. Eza saa ɔnrɛdie asɔnema amuala noko edwɛkɛ a, ɛnee fa ye kɛ ɔnze Nyamenle anzɛɛ ɔle kɛ adwuledievolɛ la.

Edwɛkpa ne kɛmɔ Mateyu hɛlɛle la 5:46

Saa bɛkulo menli mɔɔ kulo bɛ la angome a, ɛnee duzu ahatualɛ a bɛnyia ye wɔ Nyamenle ɛkɛ a? Anzɛɛ tɛ mɔɔ adwuledievolɛma yɛ la ala ɛne?

Edwɛkpa ne kɛmɔ Mateyu hɛlɛle la 9:11

Falasiima bie mɔ nwunle ye na bɛzele Gyisɛse ɛdoavolɛma ne kɛ, “Duzu ati a bɛ menle nee adwuledievolɛma nee bɛdabɛ mɔɔ awie ɛmbu bɛ la to bɛ sa ɛyɛba ko anu ɛ?”

Edwɛkpa ne kɛmɔ Maake hɛlɛle la 2:15

Nzinlii Livae dole Gyisɛse ɛkponle. Adwuledievolɛma nee menli mɔɔ bɛdabɛ noko awie ɛmbu bɛ bie la dɔɔnwo mɔɔ ɛnee doa Gyisɛse la anu bie mɔ nee ɛdoavolɛma ne wɔ ɛkponledolɛ ne abo bie.

Edwɛkpa ne kɛmɔ Maake hɛlɛle la 2:7

“Duzu munzule edwɛkɛ a sonla ye ɛlɛka atia Nyamenle la? Nyamenle ala a fa ɛtane kyɛ a!”

Edwɛkpa ne kɛmɔ Luku hɛlɛle la 18:11

“Falasiinli ne gyinlanle nzisi na ɔzɛlɛle kɛ, ‘Nyamenle, meyɛ wɔ mo kɛ membɔ apo, menli nzisi yɛɛ mendo awuvolɛvalɛ mɛla ne kɛ awie biala de la; meyɛ wɔ mo kɛ menle kɛ adwuledievolɛ ɛhye bɔbɔ mɔɔ wɔ lɔ la.

Edwɛkpa ne kɛmɔ Luku hɛlɛle la 19:10

Ɛhye ala ati yɛɛ medame Sonla Ra membale a. Membale kɛ mebakpondɛ bɛdabɛ mɔɔ bɛminli la na mealie bɛ ngoane.”

Edwɛkpa ne kɛmɔ Luku hɛlɛle la 19:7

Menli mɔɔ nwunle ye la amuala dendɛle bɛ nzo abo kɛ, “Akee ɛtanenli ɛhye sua nu a nrenya ye ɛhɔ kazokoɛ a!”

Edwɛkpa ne kɛmɔ Luku hɛlɛle la 5:30

Falasiima bie nee mɛla kilehilevolɛma bie mɔ mɔɔ boka Falasiima fane ne anwo la bizale Gyisɛse ɛdoavolɛma ne kɛ, “Duzu ati a bɛ nee adwuledievolɛma nee menli mɔɔ awie ɛmbu bɛ la to bɛ sa ɛyɛba ko anu ɛ?”

Ɛzoanvolɛma Gyima ne 23:9

Bɛdeanle kpalɛ, na mɛla kilehilevolɛma bie mɔ mɔɔ boka Falasiima fane ne anwo la dwazole hanle kɛ, “Yɛnnwu ɛtane biala wɔ sonla ne anwo! Ɔkɛyɛ zɔhane kɛ Nyamenle soanvolɛ bie anzɛɛ sunsum bie ɛdendɛ ɛhile ye amgba.”

1 Kɔl 2:15

Sonla mɔɔ Nyamenle Sunsum ne wɔ ye nu la kola neɛnlea debie biala anu, na yemɔ awie biala ɛngola ɛnneɛnlea ye nu.

Kɛlata mɔɔ bɛhɛlɛle bɛhɔmanle Hibuluma la 12:3

Bɛdwenle ɛkpɔlɛ mɔɔ Gyisɛse nyianle ye, nee kɛ ɔzile ɔgyinlanle kpundii wɔ ɛkpɔlɛ bebelebe ne anloa, wɔ ɛtanevolɛma asa nu la anwo, na bɛmmamaa bɛ rɛle bɔ anzɛɛ bɛ gyakɛ anzi tuto.