Edwɛkpa ne kɛmɔ Maake hɛlɛle la 2:13 - BAEBOLO ANZƐƐ BULUKU NWUANZANWUANZA

¹³ Gyisɛse ziale hɔle Galeli Tandane ne anloa bieko. Menli dɔɔnwo rale ɔ nwo ɛkɛ ne na ɔhilehilele bɛ.

Edwɛkpa ne kɛmɔ Maake hɛlɛle la 2:13 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 13:1

Kenle ko ne ala Gyisɛse vile sua nu ɛkɛ hɔle tandane ne anloa na ɔdɛnlanle aze kɛ ɔyɛ ngilehilelɛ.

Edwɛkpa ne kɛmɔ Mateyu hɛlɛle la 9:9

Gyisɛse vi ɛkɛ ne na ɔkɔ la, ɔnwunle adwuledievolɛ bie mɔɔ bɛfɛlɛ ye Mateyu la kɛ ɔde adwulelielɛ sua ne anu. Gyisɛse zele ye kɛ, “Bɛla maa yɛhɔ.” Mateyu dwazole na ɔdoale ye.

Edwɛkpa ne kɛmɔ Maake hɛlɛle la 1:45

Noko nrenya ne hɔbɔle mɔɔ zile la nolo wɔ ɛleka biala ɔmanle ɔlua zo Gyisɛse ɛnee akee ɛngola ɔ nyunlu ye wɔ bagua nu. Ɔhwenle ɔ nwo ɔvile sua zo, noko menli vi ɛleka ɛleka rale ɔ nwo.

Edwɛkpa ne kɛmɔ Maake hɛlɛle la 10:1

Gyisɛse vile ɛkɛ ne rale Dwudiya maanzinli nu na ɔpɛle ɔdɔle Azule Dwɔdan ne anzi. Menli dɔɔnwo rayiale ye bieko, na kɛmɔ ɔta ɔyɛ la, ɔhilehilele bɛ.

Edwɛkpa ne kɛmɔ Maake hɛlɛle la 2:2

Yemɔti bɛ dɔɔnwo ne ala rayiale ɛkɛ ne mɔɔ ɛnee bɛnnyia adenle bɔbɔ wɔ anuhɔlɛ ne a. Ɔgua zolɛ ɔlɛka Nyamenle edwɛkɛ ne yeahile bɛ la,

Edwɛkpa ne kɛmɔ Maake hɛlɛle la 4:1

Gyisɛse eza bɔle ɔ bo bieko hilehilele wɔ Galeli Tandane ne anloa. Menli dɔɔnwo rayiale ɔ nwo ɛkɛ. Bɛzonle somaa la ati ɔhɔdɛnlanle ɛlɛne nu wɔ azule ne anye, yɛɛ menli ne noko dede azule ne anloa.

Edwɛkpa ne kɛmɔ Luku hɛlɛle la 19:48

na bɛannyia nwolɛ adenle, ɔboalekɛ ɛnee menli ne amuala kulo kɛ bɛtie ye, amaa ye edwɛkɛ ne kpɔkɛ ko bɔbɔ andɛla bɛ nzo.

Edwɛkpa ne kɛmɔ Luku hɛlɛle la 21:38

Nwonlomɔ biala menli ne amuala yia ye wɔ nyianu sua ne anu kɛ bɛbadie ye edwɛkɛ.