Edwɛkpa ne kɛmɔ Maake hɛlɛle la 16:18 - BAEBOLO ANZƐƐ BULUKU NWUANZANWUANZA

¹⁸ saa bɛsɔ nwɔlɛ nu anzɛɛ bɛno pɔezen a, debie biala ɛnrɛyɛ bɛ. Bɛbava bɛ sa bɛagua wuleravolɛma anwo zo, na bɛ nwo baza.”

Edwɛkpa ne kɛmɔ Maake hɛlɛle la 16:18 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:15

Mebava ɛkpɔlɛ meado wɔ nee raalɛ ne, nee ɛ ra nee raalɛ ne ara avinli. Raalɛ ne ara bagelegele ɛ ti na ɛdawɔ wɔaha ɔ gyakɛ anzi.”

Edwɛndolɛ Buluku ne 91:13

Ɛbatietia awenade nee bɔna nwo zo, ɛbatietia awenade nee nwɔlɛ anwo ɛzulolɛ nwo zo.

Edwɛkpa ne kɛmɔ Maake hɛlɛle la 5:23

na ɔbodole ye kɛ, “Me ra raalɛ ekyi ne ɛlɛdie ewule awu. Mebodo wɔ, bɛla bava ɛ sa to ɔ nwo zo maa ɔde kpɔkɛ na ɔnyia ngoane.”

Edwɛkpa ne kɛmɔ Luku hɛlɛle la 10:19

Na bɛdie! Memaa bɛ tumi wɔ Kpɔvolɛ ne anwo zo. Eza memaa bɛ tumi kɛ bɛtietia nwɔlɛ nee nyamenleakɛlɛ nwo zo na debie biala ɛnrɛyɛ bɛ.

Ɛzoanvolɛma Gyima ne 19:12

Saa bɛfa ye hameteduku anzɛɛ ahedazo bɛkɔgua awuleravolɛ nwo zo a, bɛte kpɔkɛ, na sunsum ɛtane ne mɔ fi bɛ nwo nriandi.

Ɛzoanvolɛma Gyima ne 3:12

Pita nwunle bɛ la ɔzele bɛ kɛ, “Yizilayɛma, duzu ati a ɛhye ɛyɛ bɛ azibɛnwo na bɛ nye ɛha yɛ nwo ɛ? Anzɛɛ bɛdwenle kɛ yɛdayɛ yɛ anwosesebɛ nee yɛ ɛzonlenlɛ kpalɛ zo, yɛɛ yɛlua mɔɔ yɛmaa nrenya ɛhye ɛdia a?

Ɛzoanvolɛma Gyima ne 3:16

Gyisɛse ɛhye duma nu nee ye tumi zo nee diedi wɔ ye duma ne anu yɛɛ nrenya ɛhye ɛnɛ gyi bɛ nyunlu ɛke kɛ yede kpɔkɛ bɔkɔɔ a.

Ɛzoanvolɛma Gyima ne 4:10

ɛnee bɛdie bɛmaa ɔdo Yizilayɛma kɔsɔɔti kɛ, ɔlua Gyisɛse Kelaese mɔɔ vi Nazalɛte, mɔɔ bɛmɛ bɛbɔle ye meanubaka nu bɛhunle ye, na Nyamenle dwazole ye vile ewule nu la duma nu a ɛnɛ nrenya ɛhye gyi bɛ nyunlu ɛke kɛ yede kpɔkɛ bɔkɔɔ a.

Ɛzoanvolɛma Gyima ne 4:22

Nrenya ne mɔɔ ɔlua ɔ nwo zo bɛyɛle nwanwane gyima kpole zɛhae la ɛnee ɛli ɛvolɛ mɔɔ bo abulanla.

Ɛzoanvolɛma Gyima ne 4:30

Kile wɔ tumi wɔ ayileyɛlɛ nu, na boa maa yɛlua wɔ Sonvolɛ Nwuanzanwuanza Gyisɛse duma nu yɛyɛ nwanwane ninyɛne.”

Ɛzoanvolɛma Gyima ne 9:34

Na Pita zele ye kɛ, “Yiniase, Gyisɛse Kelaese ɛyɛ wɔ ayile. Dwazo na nyenya wɔ ɛkpa ne.” Na ɛkɛ ne ala Yiniase dwazole.

Wulo 16:20

Na Nyamenle, anzonudwolɛ maavolɛ ne, ɛnrɛhyɛ biala na yeabɛtɛ Seetan wɔ bɛdabɛ bɛ gyakɛ abo. [Yɛ Awulae ɛlolɛ ne nee bɛ ɛdɛnla.]

1 Kɔl 12:9

Nyamenle Sunsum ko ne ala maa bie diedi nyi yɛɛ ɔmaa bie tumi ɔfa ɔyɛ ayile.