Edwɛkpa ne kɛmɔ Maake hɛlɛle la 16:17 - BAEBOLO ANZƐƐ BULUKU NWUANZANWUANZA

¹⁷ Bɛdabɛ mɔɔ bɛkɛlie bɛkɛli la, bɛbamaa bɛ tumi bɛamaa bɛayɛ nwanwane gyima mgbole: bɛbalua me duma nu bɛadudu mbɔnsam; bɛbahola bɛaha aneɛ ngakyile;

Edwɛkpa ne kɛmɔ Maake hɛlɛle la 16:17 ပူးပေါင်းရင်းမြစ်များ

Edwɛkpa ne kɛmɔ Maake hɛlɛle la 9:38

Dwɔn zele Gyisɛse kɛ, “Kilehilevolɛ, yɛnwunle nrenya bie kɛ ɔlɛ wɔ duma ɔlɛtu mbɔnsam, na yɛduale ye, ɔluakɛ ɔmboka yɛ nwo.”

Edwɛkpa ne kɛmɔ Luku hɛlɛle la 10:17

Abulasuu nee nwiɔ ne vale fɛlɛkolilɛ ziale rahanle hilele Gyisɛse kɛ, “Awulae, saa yɛbɔ wɔ duma yɛtendɛ yɛkile sunsum ɛtane ne mɔ bɔbɔ a bɛbɛlɛ bɛ nwo aze bɛtie yɛ!”

Dw 14:12

Meka nɔhalɛ ne meahile bɛ: Awie mɔɔ kɛlie me kɛli la kɛyɛ gyima mɔɔ meyɛ la bie, yɛɛ ɔbayɛ mɔɔ tɛla ɛhye mɔ la bɔbɔ, ɔluakɛ melɛkɔ Selɛ ne anwo lɔ,

Ɛzoanvolɛma Gyima ne 10:46

Ɔluakɛ bɛdele kɛ ɛnee bɛlɛka ɛdendɛlɛ ngakyile bɛahanvo Nyamenle ye bedevinli mɔɔ ɔde la. Na Pita manle ɔ ne zo zele kɛ,

Ɛzoanvolɛma Gyima ne 16:18

Ɔyɛle ɛhye alehyenlɛ dɔɔnwo ɔmanle akee ɔyɛle Pɔɔlo abodelɛ, na ɔhakyile ɔ nye ɔzele sunsum ɛtane ne mɔɔ wɔ bɛlɛra ne anwo la kɛ, “Ɔlua Gyisɛse Kelaese duma nu, mese wɔ kɛ, ɛvi ɔ nwo tu!” Na sunsum ɛtane ne vi bɛlɛra ne anwo dule ɛkɛ ne ala.

Ɛzoanvolɛma Gyima ne 19:6

Pɔɔlo vale ɔ sa guale bɛ nwo zo, bɛnyianle Sunsum Nwuanzanwuanza ne na bɛhanle ɛdendɛlɛ ngakyile bɛhanle Nyamenle nrɛlaleɛ ne.

Ɛzoanvolɛma Gyima ne 2:33

Bɛmaa ye zo bɛzie Nyamenle asa fema zo, na yenyia Sunsum Nwuanzanwuanza ne, kɛmɔ ɔze vale bɔle ye ɛwɔkɛ la; na mɔɔ bɛnwu ye nee mɔɔ kɛkala bɛte la a le ye ahyɛlɛdeɛ mɔɔ yeva yemaa yɛ la a.

Ɛzoanvolɛma Gyima ne 5:16

Na menli mɔɔ wɔ azua mɔɔ bikye Gyɛlusalɛm la amuala vale bɛ awuleravolɛ nee bɛdabɛ mɔɔ sunsum ɛtane gyegye bɛ la amuala rale manle bɛyɛle bɛ ayile.

Ɛzoanvolɛma Gyima ne 8:7

ɔluakɛ ɔmanle sunsum ɛtane dɔɔnwo deɛdeanle nu na bɛvile menli somaa ne ala anwo. Menli mɔɔ ɛdwidwe nee abuburama dele kpɔkɛ,

1 Kɔl 12:10

Nyamenle Sunsum ne maa bie tumi maa ɔyɛ nwanwane ninyɛne yɛɛ ɔmaa bie ahyɛlɛdeɛ mɔɔ ɔfa ɔbɔ Nyamenle edwɛkɛ ne nolo a; ɔmaa bie ɛnyelɛ mɔɔ ɔkola ɔfa ɔnwu ahyɛlɛdeɛ ne mɔ mɔɔ vi Nyamenle Sunsum ne ɛkɛ ne nee mɔɔ ɛnvi ye ɛkɛ ne la. Nyamenle Sunsum ne maa bie tendɛ aneɛ ngakyile, yɛɛ ɔmaa bie noko tumi mɔɔ ɔkola ɔkile mɔɔ bɛka la abo.

1 Kɔl 12:28

Nyamenle ɛhile awie biala gyinlabelɛ wɔ asɔne ne anu; mɔɔ lumua la a le ɛzoanvolɛma, mɔɔ tɔ zolɛ nwiɔ la a le Nyamenle kpɔmanvolɛma, yɛɛ mɔɔ tɔ zolɛ nsa la a le kilehilevolɛma; akee bɛdabɛ mɔɔ bɛyɛ nwanwane ninyɛne, mɔɔ doa bɛ la a le bɛdabɛ mɔɔ bɛmaa bɛ tumi kɛ bɛyɛ ayile la; yɛɛ akee boavolɛma, amaamuoma, yɛɛ bɛdabɛ mɔɔ bɛtendɛ aneɛ ngakyile la.

1 Kɔl 12:30

anzɛɛ bɛfa bɛyɛ ayile, anzɛɛ bɛfa bɛka aneɛ ngakyile, anzɛɛ bɛfa bɛkile aneɛ ngakyile ne mɔ mɔɔ bɛka la abo a.

1 Kɔl 13:1

Saa mekola menli nee anwuma soanvolɛma aneɛ ngakyile ne mɔ ka, na menlɛ ɛhulolɛ a, me ɛdendɛlɛ le kɛ ɛlawule anzɛɛ awa mɔɔ ɛlɛyɛ alɛra la.

1 Kɔl 14:2

Awie mɔɔ ka aneɛ ngakyile la ɛndendɛ ɛngile menli; ɔtendɛ ɔkile Nyamenle, ɔluakɛ awie biala ɛnde mɔɔ ɔka la abo. Mɔɔ ɔyɛ la a le kɛ ɔdua Nyamenle Sunsum ne tumi zo ɔka fealeranu ninyɛne ne mɔ anwo edwɛkɛ.