Edwɛkpa ne kɛmɔ Maake hɛlɛle la 16:16 - BAEBOLO ANZƐƐ BULUKU NWUANZANWUANZA

¹⁶ Awie biala mɔɔ kɛlie kɛli na bɛkɛzɔne ye la kɛnyia ngoane; na mɔɔ anlie anli la, bɛkɛbu ye ewule fɔlɛ.

Edwɛkpa ne kɛmɔ Maake hɛlɛle la 16:16 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 28:19

Yemɔti bɛhɔ maanle ti nee maanle bo, bɛmaa menli ɛrayɛ me ɛdoavolɛma; bɛzɔne bɛ wɔ Selɛ ne, Ralɛ ne nee Sunsum Nwuanzanwuanza ne duma nu,

Edwɛkpa ne kɛmɔ Maake hɛlɛle la 1:15

“Mekɛ ne ɛdwu, Nyamenle Belemgbunlililɛ ne ɛbikye. Bɛnlu bɛ nwo na bɛlie Edwɛkpa ne bɛli.”

Edwɛkpa ne kɛmɔ Luku hɛlɛle la 8:12

Mɔɔ guale adenle nu la gyi ɛkɛ ne maa bɛdabɛ mɔɔ bɛtie edwɛkɛ ne, na Abɔnsam baye edwɛkɛ ne wɔ bɛ ahonle nu, amaa bɛanlie bɛanli na bɛanyia ngoane la.

Dw 20:31

Mɔɔ bɛhɛlɛ ye wɔ ɛke la, bɛhɛlɛ amaa bɛalie bɛali kɛ Gyisɛse a le Mɛzaya ne mɔɔ le Nyamenle Ara ne la, na ɔlua bɛ diedi mɔɔ bɛlɛ ye wɔ ye nu la azo bɛanyia ngoane.

Dw 3:36

Awie biala mɔɔ die Ralɛ ne di la lɛ ngoane mɔɔ ɛnlɛ awieleɛ, na mɔɔ kɛkpo kɛ ɔnrɛlie Ralɛ ne ɔnrɛli la ɛnrɛnyia ngoane mɔɔ ɛnlɛ awieleɛ la ɛlɛ, Nyamenle ndeanlɛ ne wɔ ɔ nwo zo dahuu.

Dw 3:5

Gyisɛse buale kɛ, “Meka nɔhalɛ ne meahile wɔ: kyesɛ bɛfa nzule nee Sunsum Nwuanzanwuanza ne bɛsɔne sonla anrɛɛ ɔnrɛnwu Nyamenle Belemgbunlililɛ ne ɛlɛ.

Dw 5:24

“Meka nɔhalɛ ne meahile bɛ: Mɔɔ kɛdie me edwɛkɛ na ɔkɛlie mɔɔ zoanle me la kɛli la lɛ ngoane mɔɔ ɛnlɛ awieleɛ. Bɛnrɛbua ye ndɛne, na ɔvi ewule nu yera ngoane nu.

Dw 6:29

Gyisɛse zele bɛ kɛ, “Gyima mɔɔ Nyamenle kpondɛ kɛ bɛyɛ la a le kɛ bɛkɛlie mɔɔ ɔzoanle ye la bɛkɛli.”

Dw 6:35

Gyisɛse buale bɛ kɛ, “Mame a mele ngoane kpanwo ne a. Mɔɔ kɛra me nwo la, ɛhɔne ɛnrɛhu ye ɛlɛ, yɛɛ mɔɔ kɛlie me kɛli la, nzuhɔne ɛnrɛhu ye ɛlɛ.

Dw 6:40

Ɔluakɛ mɔɔ Egya kpondɛ la a le kɛ, bɛdabɛ mɔɔ bɛkɛnwu Ralɛ ne na bɛkɛlie ye bɛkɛli la kɛnyia ngoane mɔɔ ɛnlɛ awieleɛ; na mebadwazo bɛ meara ngoane nu wɔ mekɛ mɔɔ li awieleɛ la.”

Dw 8:24

Ɛhye ati yɛɛ meha mehile bɛ kɛ bɛbawu bɛala bɛ ɛtane ne mɔ anu la. Saa bɛanlie bɛanli kɛ, ‘Medame a le Medame’ a bɛbawu bɛala bɛ ɛtane ne mɔ anu bɔkɔɔ.”

Ɛzoanvolɛma Gyima ne 10:43

Nyamenle kpɔmanvolɛma amuala ka ɔ nwo edwɛkɛ kɛ awie biala mɔɔ kɛlie ye kɛli la, ɔlua ye duma ne tumi zo bɛkɛva ye ɛtane bɛkɛhyɛ ye.”

Ɛzoanvolɛma Gyima ne 13:46

Noko Pɔɔlo nee Baanabase dendɛle akɛnrasesebɛ zo zele bɛ kɛ, “Anrɛɛ ɔhyia kɛ bɛkɛlumua bɛkɛha Nyamenle edwɛkɛ ne bɛkɛhile bɛmɛ Dwuuma. Na saa bɛnyia bɛkpo kɛ bɛnrɛdie na bɛhile kɛ bɛ nwo ɛnfɛta ngoane mɔɔ ɛnlɛ awieleɛ la a, ɛnee ɔwɔ kɛ yɛgyakyi bɛ na yɛkɔka edwɛkɛ ne yɛkile bɛdabɛ mɔɔ bɛnle Dwuuma la.

Ɛzoanvolɛma Gyima ne 2:38

Pita zele bɛ kɛ, “Bɛnlu bɛ nwo na bɛgyakyi ɛtane ɛyɛlɛ, na bɛmaa bɛzɔne bɛ wɔ Gyisɛse Kelaese duma nu, amaa bɛava bɛ ɛtane bɛahyɛ bɛ na bɛanyia Nyamenle ahyɛlɛdeɛ ne, mɔɔ le Sunsum Nwuanzanwuanza ne.

Ɛzoanvolɛma Gyima ne 2:41

Bie mɔ dɔɔnwo liele lile na bɛmanle bɛzɔnenle bɛ. Na kenle ko ne menli kɛyɛ apenle nsa rabokale ekpunli ne anwo.

Ɛzoanvolɛma Gyima ne 22:16

Na duzu ati a akee ɛlɛkendɛ bieko ɛ? Dwazo na sɛlɛ maa bɛzɔne wɔ bɛnrinzi wɔ ɛtane ne mɔ bɛgua.’

Wulo 3:6

Ɔnle nɔhalɛ! Saa Nyamenle ɛnli pɛlepɛle a, ɛnee kɛ ɔkɛzi ɔkɛbua ewiade ndɛne ɛ?

Wulo 4:24

Bɛhɛlɛle bɛmanle yɛdayɛ noko mɔɔ yɛdie mɔɔ dwazole yɛ Awulae Gyisɛse vile ewule nu la yɛdi la.

2 Tɛs 1:8

kɛ ɔbadua bɛdabɛ mɔɔ bɛnze Nyamenle, nee bɛdabɛ mɔɔ bɛnli Edwɛkpa ne mɔɔ fane yɛ Awulae Gyisɛse anwo la azo la kakɛ la.

2 Tɛs 2:12

Ye awieleɛ a le kɛ, bɛbazɛkye bɛdabɛ mɔɔ bɛanlie nɔhalɛ ne bɛanli na bɛ nye die ɛtane nwo la amuala.

1 Pit 1:21

Ɔlua ɔ nwo zo yɛɛ bɛlie Nyamenle ne mɔɔ dwazole ye vile ewule nu na ɔmanle ye anyunlunyia la bɛli, na kɛkala bɛ diedi nee bɛ anyelazo ɛragyinla Nyamenle anwo zo a.

1 Pit 3:21

Ɛzɔnenlɛ le sɛkɛlɛneɛ mɔɔ gyi ɛkɛ maa nzule ne a. Ɔnle sonlabaka nwo evinli ɛnrinzinlɛ, ɔle Nyamenle nyunlu modolɛ kɛ ɔmaa bɛ adwenle mɔɔ anu la ɛkɛ ne wienyi la, amaa ɔlua Awulae Gyisɛse Kelaese ewudwazo ne azo bɛalie bɛ ngoane.

Yekile 20:15

Awie biala mɔɔ bɛangɛlɛ ye duma wɔ teasema buluku ne anu la, bɛvuandinle ye bɛdole senle tandane ne anu.

Yekile 21:8

Na avoanvoanle, menli mɔɔ ɛnlɛ diedi, ngunzima, ahɔdiawu, adwɔmanema, nindavoma, awozonle ɛzonlenlɛma, nee adalɛma amuala, bɛ ɛleka a le tandane ne mɔɔ senle nee sɔlefa ɛlɛsɔ nu la anu. Senle tandane ɛhye a le ewule ne mɔɔ tɔ zolɛ nwiɔ la.”