Edwɛkpa ne kɛmɔ Maake hɛlɛle la 16:14 - BAEBOLO ANZƐƐ BULUKU NWUANZANWUANZA

¹⁴ Ɛhye mɔ amuala anzi, Gyisɛse yele ɔ nwo hilele ye ɛdoavolɛma bulu nee ko ne wɔ mekɛ mɔɔ ɛnee bɛlɛdi debie la, na ɔhwile bɛ nyunlu wɔ diedi mɔɔ bɛnlɛ ye, nee bɛ anzosesebɛ ne mɔɔ yemɔti bɛnlie bɛdabɛ mɔɔ bɛnwu ye kɛ ɔde aze la bɛnli la anwo.

Edwɛkpa ne kɛmɔ Maake hɛlɛle la 16:14 ပူးပေါင်းရင်းမြစ်များ

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:11

Na Ɛdɛnkɛma zele Mosisi kɛ, “Fane nyɛ yɛɛ menli ɛhye mɔ kɛkpo me a? Meyɛ nwanwane ninyɛne dɔɔnwo memaa bɛ, na kenlenzu bɔbɔ yɛɛ bɛkɛlie me bɛkɛli a?

Edwɛkpa ne kɛmɔ Mateyu hɛlɛle la 11:20

Akee Gyisɛse bɔle ɔ bo kɛ ɔtea menli mɔɔ wɔ azua mɔɔ yeyɛ nwanwane gyima dɔɔnwo wɔ zo la azo amra, ɔluakɛ bɛannu bɛ nwo.

Edwɛkpa ne kɛmɔ Mateyu hɛlɛle la 17:20

Gyisɛse buale bɛ kɛ, “Ɔluakɛ bɛ diedi le ekyi la ati ɔ. Nɔhalɛ, meka meahile bɛ kɛ, saa bɛ diedi ne kpole le kɛ ‘mɛsetade’ ma kunlu ma ekyi bie bɔbɔ a, anrɛɛ bɛbahola bɛaze boka ɛhye kɛ, ‘Tudu kɔ nehane!’ na ɔkɛhɔ; eza debie biala ɛyɛlɛ ɛnrɛyɛ se ɛnrɛmaa bɛ. [

Edwɛkpa ne kɛmɔ Mateyu hɛlɛle la 28:17

Na mɔɔ bɛnwunle ye la bɛzonlenle ye; noko ɛnee bɔbɔ nuhua bie mɔ adwenle ɛngya.

Edwɛkpa ne kɛmɔ Maake hɛlɛle la 7:18

Gyisɛse bizale bɛ kɛ, “Yemɔti bɛdabɛ noko bɛnde ɛhye abo? Debie biala mɔɔ wɔ findezo na ɔkɛhɔ sonla kunlu la ɛngua ɔ nwo evinli,

Edwɛkpa ne kɛmɔ Luku hɛlɛle la 24:11

Na ɛzoanvolɛma ne dwenlenle kɛ mɔɔ mraalɛ ne mɔ hanle la le adalɛ, yemɔti bɛanlie bɛ bɛanli. [

Edwɛkpa ne kɛmɔ Luku hɛlɛle la 24:25

Na Gyisɛse zele bɛ kɛ, “Bɛdabɛ, bɛle ahɔnwɔne kpalɛ. Duzu ati a bɛngola bɛnlie mɔɔ Nyamenle kpɔmanvolɛma ɛha nwolɛ edwɛkɛ la amuala bɛnli ɛ?

Dw 20:25

Yemɔti ɛdoavolɛma mɔɔ hale la hanle hilele ye kɛ, “Yɛnwu Awulae!” Tɔmase zele bɛ kɛ, “Saa metɛnwunle ɔ sa nu pɛlɛko ne mɔɔ bɛbɔle ye la abo zo kapenle ne, metɛfale me sa metɛfuale kapenle ne, na metɛfale me sa metɛkanle ɔ nvenle kapenle ne a, menrɛlie menrɛli.”

Dw 20:26

Ɔlile dapɛne ko la ɛdoavolɛma ne mɔ eza huohuanle bɛ nloa na bɛdole bɛ nwo anlenkɛ nu bieko, mekɛ ne anu ɛnee Tɔmase boka bɛ nwo. Bɛtotole nlenkɛ ne mɔ anu ɛdeɛ, noko Gyisɛse ragyinlanle bɛ avinli na ɔzele bɛ kɛ, “Anzonudwolɛ ɛha bɛ.”

Dw 20:27

Akee ɔzele Tɔmase kɛ, “Tɔmase, fa ɛ sa bɛla ɛke na nea me sa nu; tenrɛ ɛ sa fua me nvenle. Gyakyi wɔ kpolerazulɛ ne na die di!”

Dw 21:1

Ɛhye anzi, Gyisɛse eza yele ɔ nwo hilele ɛdoavolɛma ne wɔ Taebilease Tandane ne anloa. Kɛ ɔyɛle la ɛne:

Dw 21:14

Ɛhye a tɔ zolɛ nsa mɔɔ Gyisɛse yele ɔ nwo hilele ye ɛdoavolɛma ne mɔ wɔ mekɛ mɔɔ bɛdwazole ye bɛvile ewule nu la a.

Ɛzoanvolɛma Gyima ne 1:3

Bɛdwazole ye bɛvile ewule nu la, ɔyele ɔ nwo ɔhilele bɛ wɔ ndenle dɔɔnwo anu kenle abulanla ɔmanle bɛnwunle ye wienyi kɛ ɔde aze, na ɔhanle Nyamenle Belemgbunlililɛ ne anwo edwɛkɛ ɔhilele bɛ.

1 Kɔl 15:5

Ɔyele ɔ nwo ɔhilele Pita, na nzinlii ɔyele ɔ nwo ɔhilele ɛzoanvolɛma bulu nee nwiɔ ne.

Yekile 3:19

Bɛdabɛ mɔɔ mekulo bɛ la, metwi bɛ nyunlu na metea bɛ. Zɔhane ati bɔ mɔdenle nu ɛ nwo na yɛ gyima ɛsesebɛ.