Edwɛkpa ne kɛmɔ Maake hɛlɛle la 16:1 - BAEBOLO ANZƐƐ BULUKU NWUANZANWUANZA

¹ Ɛnwomenlelielɛ Kenle ne pɛle nu la, Mɛle mɔɔ vi Magedala, nee Salome, yɛɛ Mɛle mɔɔ le Gyemise ɔ nli ne totɔle nyile ngakyile mɔɔ bɛfa bɛyɛ alufuanlɛ la, kɛ bɛfa bɛahɔwɔza Gyisɛse funli ne.

Edwɛkpa ne kɛmɔ Maake hɛlɛle la 16:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 50:2

Na Dwosefi zele ye ninsinlima kɛ bɛva ayile bɛkpokpa ɔ ze funli ne, amaa yeanzɛkye. Yemɔti ninsinlima ne yɛle Gyekɔbo funli ne zɔhane.

2 Edk 16:14

Bɛwulale ye mrɛlatɛlɛ nu wɔ bolɛ nla bie mɔɔ ɔdaye ɔpɛle ɔmanle ɔ nwo wɔ Devidi Suakpole zo la anu. Bɛdole ye ngɛnlamo funli ɛlɛka bie mɔɔ bɛva alufuanlɛ ngakyile mɔɔ menli mɔɔ ze ɔ nye zo la boɔboale yɛle la anu na bɛhuanle sendɔlɔra kpole bie bɛvale bɛhakyele ye.

Edwɛkpa ne kɛmɔ Maake hɛlɛle la 14:3

Ɛnee Gyisɛse wɔ Saemɔn mɔɔ anrɛɛ le kokobɛvolɛ la sua nu wɔ Bɛtani. Mɔɔ ɛnee Gyisɛse ɛlɛkpula ɔ sa la, raalɛ bie vale anatele evuanlɛ bie mɔɔ ye bolɛ yɛ se kpalɛ na bɛvale “naade” a bɛyɛle la wɔ “alabaseta” bolɛ toba nu rabɔle ye guale Gyisɛse ati zo.

Edwɛkpa ne kɛmɔ Maake hɛlɛle la 14:8

Yeyɛ mɔɔ ɔkɛhola la; yewola anatele ye yegua me sonlabaka ye anwo yeva yeziezie ye kolaa na bɛazie ye.

Edwɛkpa ne kɛmɔ Maake hɛlɛle la 15:40

Ɛnee mraalɛ bie gyi ahane ɛlɛnea mɔɔ ɛlɛkɔ zolɛ la. Bie mɔ a le Mɛle mɔɔ vi Magedala la, Salome, yɛɛ Mɛle mɔɔ le Gyemise Ekyi nee Dwosefi bɛ nli ne.

Edwɛkpa ne kɛmɔ Maake hɛlɛle la 15:42

Aleɛ ne bɔle ɔ nloa aze la, Dwosefi mɔɔ vi Arelematia la rale. Ɔle Ayia mgbanyima ne mɔ ko mɔɔ menli di ye eni kpalɛ a. Ɔ nye la Nyamenle Belemgbunlililɛ ne ɛralɛ adenle. Kɛmɔ kenle ne le Anwoziezielɛ Kenle, na aleɛ kye a ɔkye Ɛnwomenlelielɛ Kenle la ati, Dwosefi zile ye ahonle hɔle Paelɛte ɛkɛ ne na ɔhɔzɛlɛle ye kɛ ɔdie Gyisɛse funli ne.

Edwɛkpa ne kɛmɔ Maake hɛlɛle la 15:47

Ɛnee Mɛle mɔɔ vi Magedala la nee Mɛle, mɔɔ le Dwosefi ɔ nli ne anye dua bɛ, bɛnwunle ɛleka mɔɔ bɛziele Gyisɛse la na bɛyɛle ɛkɛ ne nzonlɛ.

Edwɛkpa ne kɛmɔ Maake hɛlɛle la 16:2

Molɛ nwonlomɔ mangyee ne, mɔɔ ɛnee sɛnzɛne ne ɛdudu la, yɛɛ bɛhɔle sɛka ne azo a.

Edwɛkpa ne kɛmɔ Maake hɛlɛle la 16:8

Mraalɛ ne mɔ vale anwowozolɛ nee azibɛnwo vile nla ne anu vindele na bɛnriandile bɛhɔle. Bɛambɔ zolɛ bɛangile awie biala, ɔluakɛ ɛnee bɛsulo. [

Edwɛkpa ne kɛmɔ Luku hɛlɛle la 23:54

Kenle ne le Yalɛ, na Ɛnwomenlelielɛ Kenle ne ɛbikye.

Edwɛkpa ne kɛmɔ Luku hɛlɛle la 23:56

Akee bɛziale bɛhɔle sua nu bɛhɔkpondɛle alufuanlɛ nee sakyeɛ evuanlɛ mɔɔ bɛfa bɛakpokpa funli ne la. Akee bɛliele bɛ ɛnwomenle wɔ Ɛnwomenlelielɛ Kenle ne, kɛmɔ mɛla ne se la.

Edwɛkpa ne kɛmɔ Luku hɛlɛle la 24:1

Molɛ nwonlomɔ mangyee ne ala mraalɛ ne mɔ vale bɛ alufuanlɛ ne mɔɔ bɛyɛle la hɔle sɛka ne azo.

Dw 19:25

Menli mɔɔ ɛnee gyigyi Gyisɛse meanubaka ne anwo la a le Gyisɛse ɔ nli nee ɔ nli adiema Mɛle, Kulopase aye ne, yɛɛ Mɛle ne mɔɔ vi Magedala la.

Dw 19:31

Akee Dwuu mgbanyima ne zɛlɛle Paelɛte kɛ ɔmaa bɛ adenle ɔmaa bɛhɔbubu menli mɔɔ bɛbɔ bɛ meanubaka nu la agyakɛ bɛmaa bɛwu ndɛndɛ na bɛdwula bɛ aze bɛvi meanubaka ne mɔ azo. Bɛzɛlɛle ɛhye, ɔluakɛ ɛnee kenle ne le Yalɛ na aleɛ kye a ɔle Ɛnwomenlelielɛ Kenle. Ɛnwomenlelielɛ Kenle ɛhye le kenle nwuanzanwuanza kpalɛ kpalɛ maa bɛ la ati, bɛangulo kɛ avunli ne mɔ kɛhendɛhenda meanubaka ne mɔ azo zɔhane kenle ne.