Edwɛkpa ne kɛmɔ Maake hɛlɛle la 15:34 - BAEBOLO ANZƐƐ BULUKU NWUANZANWUANZA

³⁴ Na bɛbɔle ewiazo dɔne nsa la, Gyisɛse deanle nu zele kɛ, “Yilowae, Yilowae, lɛma sabaketani?” Ɔ bo a le, “Me Nyamenle, me Nyamenle, duzu ati a wɔkpo me ɛ?”

Edwɛkpa ne kɛmɔ Maake hɛlɛle la 15:34 ပူးပေါင်းရင်းမြစ်များ

Edwɛndolɛ Buluku ne 22:1

Me Nyamenle, me Nyamenle, duzu ati a wɔkpo me a? Duzu ati a melɛkponle na ɛmbamboa me ɛ?

Edwɛndolɛ Buluku ne 27:9

Mmaye ɛ nye ɛto ɛbɔ nu. Mmafa ɛya ɛfoa wɔ sonvolɛ, wɔmɔ yɛɛ wɔyɛ me boavolɛ a. Mmato me lɔ, mmamaa ɛ rɛle fi me. O me ngoanelielɛ Nyamenle!

Edwɛndolɛ Buluku ne 42:9

Meka mekile Nyamenle, me bodane ne kɛ, “Duzu ati a ɛ rɛle ɛvi me ɛ? Duzu ati a ɔwɔ kɛ medi nyane kɛ me kpɔvolɛma ɛholo me nwo zo a?”

Edwɛndolɛ Buluku ne 71:11

na bɛka kɛ, “Nyamenle ɛkpo ye; bɛvoa ye bɛhye ye, ɔluakɛ awie ɛnle ɛkɛ mɔɔ die ye a.”

Ayezaya Buluku ne 41:17

“Saa ehyianli nee mɔɔ ɛhyia la kpondɛ nzule, na bie ɛnle ɛkɛ, na nzuhɔne maa bɛ kɔmenzia we resee a, medame Ɛdɛnkɛma, mebadie bɛ nzɛlɛlɛ; medame Yizilayɛ Nyamenle, menrɛkpo bɛ.

Gyɛlɛmaya Awolɛyelɛ 1:12

“Asoo ɔnvane bɛ nwo, bɛdabɛ mɔɔ bɛse ɛke la? Bɛdo bɛ nye bɛnlea saa nyane bie nee me ɛdeɛ ye mɔɔ ɛra me nwo zo la sɛ a. Ɛdɛnkɛma a manle anwubɛnyunlu ɛhye rale a wɔ mekɛ mɔɔ ɔvale ɛya kpole la.

Gyɛlɛmaya Awolɛyelɛ 5:20

Duzu ati a wɔkpo yɛ bɔkɔɔ ɛ? Duzu ati a ɛ rɛle ɛvi yɛ bɔkɔɔ ɛ?

Daneɛle Buluku ne 9:21

Geebeleɛle mɔɔ alumua ne menwunle ye wɔ me ɛnyelɛzodeɛnwunlɛ ne anu la, rale me nwo ɛkɛ ne ndɛndɛ wɔ nɔsolɛ nu azubɔlɛ mekɛ ne.

Edwɛkpa ne kɛmɔ Mateyu hɛlɛle la 27:45

Mɔɔ ɔdwule sɛnzɛngyinla la awozinli vale azɛlɛ ye kɔsɔɔti azo toonwo dɔnehwele nsa.

Edwɛkpa ne kɛmɔ Mateyu hɛlɛle la 27:46

Mɔɔ dɔne nsa asɛɛ ɛbɔ la, Gyisɛse deanle nuhua hanle ye Hibulu aneɛ nu kɛ, “Yilae, Yilae, lɛma sabaketani?” Ɔ bo a le, “Me Nyamenle, me Nyamenle, duzu ati a wɔkpo me ɛ?”

Edwɛkpa ne kɛmɔ Maake hɛlɛle la 15:25

Nwonlomɔ dɔne ngɔnla ne anu yɛɛ bɛbɔle ye meanubaka nu a.

Edwɛkpa ne kɛmɔ Maake hɛlɛle la 15:35

Bɛdabɛ mɔɔ bɛwɔ ɛkɛ la dele mɔɔ ɔhanle la na bɛzele kɛ, “Bɛdie, ɔlɛfɛlɛ Yilaegya!”

Edwɛkpa ne kɛmɔ Luku hɛlɛle la 23:44

Kɛyɛ sɛnzɛngyinla yɛɛ ewia ne nlunle a, na awozinli hedale maanle ne amuala azo toonwo ewiazo dɔne nsa. Ɛzonlenlɛ Sua ne anu mgbɛnu ɛdanlɛ ne dele sinli nwiɔ.

Edwɛkpa ne kɛmɔ Luku hɛlɛle la 23:46

Na Gyisɛse deanle nu kpole kɛ, “Egya! Me ɛkɛla wɔ ɛ sa nu!” Ɔhanle ɛhye na ɔwule.

Ɛzoanvolɛma Gyima ne 10:3

Kenle ko ewiazo kɛyɛ dɔne nsa ɔhɔle nzɛlɛlɛ ɛyɛlɛ la ɔnwunle ɛnyelɛzodeɛnwunlɛ. Nyamenle soanvolɛ ragyinlanle ɔ nyunlu ɛkɛ na ɔvɛlɛle ye kɛ, “Kɔnileɛse!”

Kɛlata mɔɔ bɛhɛlɛle bɛhɔmanle Hibuluma la 5:7

Mekɛ mɔɔ Gyisɛse wɔ ewiade ye anu la, ɔvale ɛzunlɛ nee nyane ɔdeɛdeanle nu ɔvale ye nzɛlɛlɛ ɔdole Nyamenle mɔɔ yemɔ ala a kɛhola kɛye ye kɛvi ewule nu la anyunlu. Kɛmɔ ɔhanle ɔ nwo aze na ɔvale ɔ nwo amuala ɔmanle la ati, Nyamenle diele ye.