Edwɛkpa ne kɛmɔ Maake hɛlɛle la 15:19 - BAEBOLO ANZƐƐ BULUKU NWUANZANWUANZA

¹⁹ Bɛvale baka bɛbobɔle ɔ ti avinli, bɛtotole nyɛlɛ ɔ nyunlu, bɛzile ye amgbu na akee bɛahoto ye, bɛabɔ bɛ ti aze bɛamaa ye.

Edwɛkpa ne kɛmɔ Maake hɛlɛle la 15:19 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 24:52

Mɔɔ Ebileham sonvolɛ ne dele bɛ edwɛkɛ ne la, ɔdule ɔdɔle Ɛdɛnkɛma anyunlu ɔyeyɛle ye.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 43:28

Bɛbuale kɛ, “Wɔ sonvolɛ ne, mɔɔ le yɛ ze, te kpɔkɛ; ɔtɛte ngoane nu.” Na bɛbɔle bɛ ti aze na bɛbutubutule ɔ nyunlu ɛkɛ.

1 Arl 19:18

noko mebagyakyi menli apenle nsuu mɔɔ wɔ Yizilayɛ maanle ne anu mɔɔ ɛtɛsonlenle bozonle Beeyale ɛlɛ la.”

Dwobu Buluku ne 13:9

Saa ɔneɛnlea bɛ nuhua a, bɛkɛvi nu ɔ? Asoo bɛkɛhola ye bɛlɛbɛla kɛ bɛbɛlɛbɛla sonla la?

Edwɛndolɛ Buluku ne 69:12

Me nwo edwɛkɛ ala yɛɛ bɛgua a bɛka a, yɛɛ nzabovoma fa me to edwɛne.

Ayezaya Buluku ne 45:23

Meha medame me ngome me nwo mebɔ ɛwɔkɛ, me nloa ɛvula edwɛkɛ mɔɔ le tenlene, menrɛhwe menrɛzia: Awie biala bahoto me, awie biala babɔ ɛwɔkɛ wɔ me nyunlu.

Ayezaya Buluku ne 49:7

Ɛdɛnkɛma, Yizilayɛ Kpɔnevolɛ ne, Yizilayɛ Nwuanzanwuanza Ko ne ɛlɛka ahile sonla ne mɔɔ le arelemgbunli sonvolɛ, mɔɔ maanle maanle ne mɔ ɛkpo ye, na bɛkyi ye kpole kpalɛ la kɛ, “Arelemgbunli banwu wɔ na bɛadwazo; arelemgbunli amra mrenya badu agua ɛ nyunlu, ɔboalekɛ Ɛdɛnkɛma, Yizilayɛ Nwuanzanwuanza Ko ne, mɔɔ ɛkpa nu ɛye wɔ la di nɔhalɛ.”

Ayezaya Buluku ne 50:6

Mengakyile me nzi memanle menli mɔɔ bo me la, menvale me kɛsa memanle bɛdabɛ mɔɔ bɛdudule me kɛsa la; mɔɔ bɛtoto me nyunlu nyɛlɛ, bɛgua me nyunlu aze la, meanva me nyunlu meanvea.

Ayezaya Buluku ne 52:14

Ɔyɛle bɛdabɛ dɔɔnwo mɔɔ bɛnwunle ye la azibɛnwo, ɔhakyile bɔkɔɔ mɔɔ ɛnee ɔnzɔho sonla a, yeanzɔho sonla bɔbɔ.

Maeka Buluku ne 5:1

Gyɛlusalɛm ɛlɔnema, bɛbɛza, na ɛlɔnema ɛbɛnra ɛyia yɛ. Bɛbava baka bɛabɔ Yizilayɛ belemgbunli ne anzo nu.

Edwɛkpa ne kɛmɔ Mateyu hɛlɛle la 27:30

Bɛtotole nyɛlɛ ɔ nyunlu na bɛliele baka ne ɔ sa nu bɛvale bɛbɔle ɔ ti zo.

Edwɛkpa ne kɛmɔ Maake hɛlɛle la 10:34

Menli ɛhye mɔ noko bagolo me nwo, atoto me nwo nyɛlɛ, abila me mbaka na bɛahu me. Na ye kenle nsa ne anzi, mebadwazo meara ngoane nu.”

Edwɛkpa ne kɛmɔ Maake hɛlɛle la 14:65

Sinzavolɛma ne mɔ bobɔle ɔ nzo nu. Bie mɔ totole nyɛlɛ ɔ nyunlu, bɛkyekyele ɔ nye, bɛwulowulale ye ahutuku na bɛbizale ye kɛ, “Nwane a bɔle wɔ a?”

Edwɛkpa ne kɛmɔ Maake hɛlɛle la 15:18

Bɛgolole ɔ nwo bɛhanle kɛ, “Dwuuma Belemgbunli! Nyi kyɛ.”

Edwɛkpa ne kɛmɔ Maake hɛlɛle la 15:20

Bɛwiele ɔ nwo golo la, bɛyele arelemgbunli tɛladeɛ kɔkɔlɛ ne, bɛvale ɔdaye ye adɛladeɛ ɛdeɛ ne mɔ bɛwulowulale ye na bɛvale ye bɛhɔle kɛ bɛkabɔ ye meanubaka nu.

Edwɛkpa ne kɛmɔ Maake hɛlɛle la 9:12

Ɔbuale bɛ kɛ, “Ɔwɔ kɛ amgba Yilaegya dumua ba batoto ninyɛne muala boɛ. Na duzu ati a Nyamenle Edwɛkɛ ne ka kɛ Sonla Ra ne banwu amaneɛ somaa, na menli akpo ye ɛ?

Edwɛkpa ne kɛmɔ Luku hɛlɛle la 22:63

Menli mɔɔ ɛnee ɛlɛsinza Gyisɛse la zile ye amgbu na bɛbole ye.

Edwɛkpa ne kɛmɔ Luku hɛlɛle la 23:11

Hɛlɔdo nee ye ɛlɔnema ne noko golole Gyisɛse anwo na bɛzile ye amgbu. Bɛvale tɛladeɛ kɛnlɛma bie mɔɔ arelemgbunli ala a wula la bie bɛwulale ye, na ɔzianenle ye ɔhɔmanle Paelɛte.

Edwɛkpa ne kɛmɔ Luku hɛlɛle la 23:36

Sogyama ne bɛdabɛ bɛzile ye amgbu; bɛhɔle ɔ nwo ɛkɛ ne na bɛvale nwanye ɛnwonle bie bɛmanle ye,

Wulo 11:4

Duzu mualɛ a Nyamenle vale manle ye a? Ɔse, “Meva menli apenle nsuu mɔɔ ɛtɛbule ndwɛlɛ wɔ bozonle Beeyale anyunlu ɛlɛ la mezie ɛkɛ memaa me nwo.”

Pɔɔlo Kɛlata mɔɔ ɔhɛlɛle ɔhɔmanle Felepaema la 2:10

Ɛhye ati, anwuma nee aze nee ɛbolɔ amra amuala bahoto Gyisɛse na bɛali ye duma ne eni,

Kɛlata mɔɔ bɛhɛlɛle bɛhɔmanle Hibuluma la 13:13

Zɔhane ati, bɛmaa yɛvinde yɛdoa ye wɔ kandiba lɔ, na ye nyiane ne ɛha yɛ muala.