Edwɛkpa ne kɛmɔ Maake hɛlɛle la 15:18 - BAEBOLO ANZƐƐ BULUKU NWUANZANWUANZA

¹⁸ Bɛgolole ɔ nwo bɛhanle kɛ, “Dwuuma Belemgbunli! Nyi kyɛ.”

Edwɛkpa ne kɛmɔ Maake hɛlɛle la 15:18 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:10

Ɔhanle ɛlalɛ ne ɔhilele ɔ ze nee ɔ mediema ne mɔ la, ɔ ze hwile ɔ nyunlu, na ɔzele ye kɛ, “Duzu ɛlalɛ a wɔha la? Ɛkpondɛ wɔaze kɛ medame, ɛ nli, yɛɛ ɛ mediema mrenya ne mɔ yɛbaradu yɛagua ɛ nyunlu yeabɔ yɛ ti aze yɛamaa wɔ ɔ?”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:20

Bɛrɛla bɛmaa yɛhu ye na yɛvuandi ye funli ne yɛdo ahuma ne mɔ ko anu; na yɛhɔha kɛ nanemgbole bie ɛhye ye ɛli; na yɛnlea kɛ ye ɛlalɛ ne mɔɔ ɔka la kɛzi kɛwie ye la.”

Edwɛkpa ne kɛmɔ Mateyu hɛlɛle la 27:29

Bɛvale evileni bɛnwonle abɔtile bɛkpolole ɔ ti, na bɛvale baka bɛwulale ɔ sa fema ne anu; akee bɛhotole ɔ nyunlu ɛkɛ ne na bɛzile ye amgbu bɛhanle kɛ, “Dwuuma Belemgbunli, nyi kyɛ!”

Edwɛkpa ne kɛmɔ Maake hɛlɛle la 15:17

Bɛvale tɛladeɛ kɔkɔlɛ bie mɔɔ arelemgbunli ala a wula la bɛwulale Gyisɛse na bɛvale evileni bɛnwonle abɔtile bɛkpolole ɔ ti.

Edwɛkpa ne kɛmɔ Maake hɛlɛle la 15:19

Bɛvale baka bɛbobɔle ɔ ti avinli, bɛtotole nyɛlɛ ɔ nyunlu, bɛzile ye amgbu na akee bɛahoto ye, bɛabɔ bɛ ti aze bɛamaa ye.

Edwɛkpa ne kɛmɔ Maake hɛlɛle la 15:2

Na Paelɛte bizale ye kɛ, “Wɔmɔ a ɛle Dwuuma belemgbunli ne la ɔ?” Gyisɛse buale kɛ, “Ɔdaye ne ala a wɔha la.”

Dw 19:3

na bɛrahotole ye bɛgolole ɔ nwo bɛzele kɛ, “Dwuuma Belemgbunli, nyi kyɛ!” Bɛka ye zɛhae a ɛnee bɛhɔ ɔ nwo ɛkɛ ne bɛhɔbɔ ɔ nzo nu.