Edwɛkpa ne kɛmɔ Maake hɛlɛle la 14:72 - BAEBOLO ANZƐƐ BULUKU NWUANZANWUANZA

⁷² Ɛkɛ ne ala akɔlɛ bɔle bieko, na Pita hakyele mɔɔ Gyisɛse hanle hilele ye la kɛ, “Ɔ nee mɔɔ akɔlɛ kabɔ fane nwiɔ la, ɛnee wɔha ye fane nsa kɛ ɛnze me.” Na ɔdukuele nu ɔzunle.

Edwɛkpa ne kɛmɔ Maake hɛlɛle la 14:72 ပူးပေါင်းရင်းမြစ်များ

2 Sam 24:10

Mɔɔ Devidi wiele menli ne tia la ye adwenle bule ye fɔlɛ. Na ɔhanle kɛ, “Ɛdɛnkɛma, meyɛ ɛtane kpole wɔ mɔɔ meyɛ la anwo. Mesɛlɛ wɔ, fa wɔ sonvolɛ, me ɛtane kyɛ me, ɔluakɛ meli ngoaseasɛm.”

Yizikeɛle Buluku ne 16:63

Ɛbahakye mɔɔ wɔyɛ la na ɔbayɛ wɔ nyiane, amaa saa mefa wɔ ninyɛndane mɔɔ wɔyɛ la mekyɛ wɔ a, wɔambuke ɛ nloa, ɔboalekɛ nyiane ɛbia wɔ. Medame, Awulae Nyamenle a mese a.”

Yizikeɛle Buluku ne 36:31

Na akee bɛbahakye bɛ ninyɛndane nee bɛ nyɛleɛ ɛtane ɛtane ne mɔ mɔɔ bɛyɛle la, na bɛavu bɛ nwo kɛ bɛyɛle amumuyɛ nee bɛkyi ninyɛne zɔhane mɔ a.

Yizikeɛle Buluku ne 7:16

Saa bie mɔ fi ɛsalɛ a, bɛbanriandi bɛahɔ awoka ne mɔ azo lɔ, bɛbayɛ kɛ mbɔnza nu abubule, na bɛazu bɛ ɛtane.

Edwɛkpa ne kɛmɔ Mateyu hɛlɛle la 26:34

Gyisɛse zele ye kɛ, “Kakye ɛhye, ɛnɛ nɔe, toonwo mɔɔ akɔlɛ kabɔ la, ɛnee wɔha ye fane nsa kɛ ɛnze me!”

Edwɛkpa ne kɛmɔ Maake hɛlɛle la 14:30

Gyisɛse zele Pita kɛ, “Kakye ɛhye, ɔ nee mɔɔ akɔlɛ kabɔ fane nwiɔ la, ɛnee ɛdawɔ, wɔha ye fane nsa ɛnɛ nɔe kɛ ɛnze me.”

Edwɛkpa ne kɛmɔ Maake hɛlɛle la 14:68

Pita zale kɛ, “Menze ye. Mende mɔɔ ɛlɛka bɔbɔ la abo.” Na ɔdwazole ɔbɔle ɔ ti anuhɔlɛ lɔ. Mekɛ ne anu ala yɛɛ akɔlɛ bɔle a.

Edwɛkpa ne kɛmɔ Maake hɛlɛle la 14:71

Pita bɔle ɔ bo kɛ ɔka ndane yeali amonle, na ɔvale ɔzɔle zolɛ kɛ, “Menze nrenya ne mɔɔ bɛlɛka ye edwɛkɛ la!”

Edwɛkpa ne kɛmɔ Luku hɛlɛle la 22:60

Na Pita buale kɛ, “Yɛmenle, menze mɔɔ ɛlɛka la anwo bie fee!” Na ɛkɛ ne ala, mɔɔ ɛnee ɔ nloa wɔ zolɛ ɔlɛtendɛ la, akɔlɛ bɔle.

Edwɛkpa ne kɛmɔ Luku hɛlɛle la 22:62

Na Pita vindele hɔzunle alɔbɔlɛ ɛzunlɛ.

2 Kɔl 7:10

Ɔluakɛ nyanelilɛ mɔɔ Nyamenle ze nuhua la maa sonla nu ɔ nwo na ɔnyia ngoane, ɔmmaa ɔnvu ɔ nwo; ewiade ye anu nyanelilɛ maa ewule.