Edwɛkpa ne kɛmɔ Maake hɛlɛle la 14:68 - BAEBOLO ANZƐƐ BULUKU NWUANZANWUANZA

⁶⁸ Pita zale kɛ, “Menze ye. Mende mɔɔ ɛlɛka bɔbɔ la abo.” Na ɔdwazole ɔbɔle ɔ ti anuhɔlɛ lɔ. Mekɛ ne anu ala yɛɛ akɔlɛ bɔle a.

Edwɛkpa ne kɛmɔ Maake hɛlɛle la 14:68 ပူးပေါင်းရင်းမြစ်များ

Edwɛkpa ne kɛmɔ Maake hɛlɛle la 14:54

Pita doale bɛ nanamogya toonwo ɔhɔle Sɛlɛvolɛ Kpanyinli ne alie ne anwo, na ɔdɛnlanle sinzavolɛma ne mɔ anwo ɛkɛ ɔdele senle.

Edwɛkpa ne kɛmɔ Maake hɛlɛle la 14:69

Sonvolɛ bɛlɛra ne nwunle ye ɛkɛ ne na ɔhanle ɔhilele menli mɔɔ gyigyi ɛkɛ ne la kɛ, “Nrenya ɛhye boka bɛ!”

Edwɛkpa ne kɛmɔ Maake hɛlɛle la 14:70

Na Pita zale bieko. Ɔyɛle ekyii la, menli mɔɔ gyigyi ɛkɛ ne la zele Pita kɛ, “Nɔhalɛ, ɛboka bɛ, ɔluakɛ ɛdawɔ noko ɛvi Galeli.”

Edwɛkpa ne kɛmɔ Maake hɛlɛle la 14:72

Ɛkɛ ne ala akɔlɛ bɔle bieko, na Pita hakyele mɔɔ Gyisɛse hanle hilele ye la kɛ, “Ɔ nee mɔɔ akɔlɛ kabɔ fane nwiɔ la, ɛnee wɔha ye fane nsa kɛ ɛnze me.” Na ɔdukuele nu ɔzunle.