Edwɛkpa ne kɛmɔ Maake hɛlɛle la 14:41 - BAEBOLO ANZƐƐ BULUKU NWUANZANWUANZA

⁴¹ Ɔziale ɔ nzi mɔɔ tɔ zolɛ fane nsa ne la, ɔbizale bɛ kɛ, “Bɛtɛda? Yeyɛ boɛ! Mekɛ ne ɛdwu! Bɛnlea, kɛkala bɛye Sonla Ra ne bɛwula ɛtanevolɛma asa anu.

Edwɛkpa ne kɛmɔ Maake hɛlɛle la 14:41 ပူးပေါင်းရင်းမြစ်များ

1 Arl 18:27

Ɔdwule sɛnzɛngyinla la, Yilaegya golole bɛ nwo kɛ, “Bɛdea bɛvɛlɛ ye kpalɛ! Se ɔle nyamenle o! Ɔkɛyɛ kɛ ɔlɛdwenle anzɛɛ ɔlɛsɔho ɔ gyakɛ, anzɛɛ yedu adenle. Bie noko a ɛnee nafelɛ a ɛva ye kpole a, yemɔti ɔwɔ kɛ bɛtunwue ye.”

1 Arl 22:15

Ɔradwule belemgbunli anyunlu la ɔbizale ye kɛ, “Maekaya, me nee Belemgbunli Gyɛhɔhyafate yɛhɔ Releemɔto yɛhɔdoa bɛ yɛ nee bɛ ɛho anzɛɛ yɛgyakyi bɛ?” Maekaya buale kɛ, “Ɛ nee bɛ ɛhɔho na ɛbali konim. Ɛdɛnkɛma baye bɛ amaa wɔ.”

2 Arl 3:13

Yilaehya bizale Yizilayɛ belemgbunli ne kɛ, “Duzu yɛɛ ɛkpondɛ wɔ me ɛkɛ ne a? Toa ɛ ze nee ɛ nli Nyamenle kpɔmanvolɛma ne mɔ kɔbiza bɛ.” Dwɔlam buale kɛ, “Kyɛkyɛ, Ɛdɛnkɛma yɛɛ ɛye yɛdayɛ arelemgbunli nsa ye ɛmaa Mowabema kɛ bɛhu yɛ a.”

Nolo 11:9

Mgbavolɛ nee mbɛlɛra, bɛlie bɛ nye wɔ bɛ ngakula nu. Bɛli fɛlɛko wɔ mekɛ mɔɔ bɛtɛde mgbavolɛ nee mbɛlɛra la. Bɛli bɛ atiakunluwɔzo nzi, na bɛyɛ mɔɔ bɛkulo la. Noko bɛhakye kɛ Nyamenle babua bɛ debie biala mɔɔ bɛkɛyɛ la anwo ndɛne.

Yizikeɛle Buluku ne 20:39

Na Awulae Nyamenle ne zele kɛ, “Bɛmɛ Yizilayɛma, bɛhɔ zolɛ. Saa bɛnrɛdie me a, ɛnee awie biala ɛbɔ ɔ bo ɛnɛ nee dahuu ɔzonle ye mmonle ne mɔ. Noko bɛmmafa bɛ ahyɛlɛ ninyɛne nee bɛ mmonle ne mɔ bɛsɛkye me duma.

Edwɛkpa ne kɛmɔ Mateyu hɛlɛle la 26:2

“Kɛmɔ bɛdabɛ bɛze la, yeha kenle nwiɔ ɛnee Akpabɛnwo Ɛvoyia ne ɛdwu zo, na bɛbaye medame Sonla Ra bɛamaa bɛabɔ me meanubaka nu.”

Edwɛkpa ne kɛmɔ Maake hɛlɛle la 14:10

Dwudase Yesekaleɔto mɔɔ le ɛdoavolɛma bulu nee nwiɔ ne mɔ anu ko la hɔle sɛlɛvolɛ mgbanyinli ne mɔ ɛkɛ ne kɛ ɔkaye Gyisɛse yeamaa bɛ.

Edwɛkpa ne kɛmɔ Maake hɛlɛle la 14:18

Na mɔɔ bɛde ɛkponle ne anwo bɛlɛdi debie la, Gyisɛse zele bɛ kɛ, “Nɔhalɛ, meka meahile bɛ kɛ, bɛdabɛ mɔɔ bɛ nee me yɛ sa wɔ ɛyɛba ye anu la, bɛ nuhua ko baye me amaa.”

Edwɛkpa ne kɛmɔ Maake hɛlɛle la 14:35

Akee ɔhɔle ɔ nyunlu ekyii, ɔdule ɔdɔle na ɔzɛlɛle kɛ, saa ɔyɛ na ɔkɛyɛ boɛ a, anrɛɛ ɛnee amaneɛnwunlɛ ɛhye akpa ɔ ti.

Edwɛkpa ne kɛmɔ Maake hɛlɛle la 14:40

Ɔziale ɔrale na eza ɔranwunle kɛ ɛdoavolɛma ne ɛdeda; bɛte bɛ nye a ɔnde, yɛɛ bɛnnwu edwɛkɛ mɔɔ bɛka bɛahile ye a.

Edwɛkpa ne kɛmɔ Maake hɛlɛle la 14:42

Bɛdwazo bɛmaa yɛhɔ. Bɛnlea, sonla ne mɔɔ ɛye me ɛmaa la ɛne!”

Edwɛkpa ne kɛmɔ Maake hɛlɛle la 7:9

Gyisɛse vale zɔle zolɛ kɛ, “Bɛmɛ, bɛbɔ nrɛlɛbɛ adenle mɔɔ bɛfa zolɛ bɛtulu Nyamenle mɛla ne mɔ na bɛdi bɛdabɛ bɛ ngilehilelɛ zo a.

Edwɛkpa ne kɛmɔ Maake hɛlɛle la 9:31

ɔboalekɛ ɛnee ɔlɛkilehile ye ɛdoavolɛma ne kɛ, “Bɛbaye Medame Sonla Ra bɛawula menli sa nu bɛamaa bɛahu me, na ye kenle nsa ne anzi mebadwazo meara ngoane nu.”

Dw 12:23

Gyisɛse buale kɛ, “Mekɛ akee ɛdwu kɛ bɛkɛwula medame Sonla Ra anyunlunyia kpole a.

Dw 12:27

“Nyane ɛha me kpole; na duzu edwɛkɛ a menga a? Asoo menga ye kɛ, ‘Egya, mmamaa mekɛ zɔhane to me’ ɔ? Kyɛkyɛ, ɛhye ala ati a membale a; membale kɛ meba mearazɔ nyane sa wɔ zɔhane mekɛ ne anu.

Dw 17:1

Gyisɛse wiele ɛhye ka la, ɔnleanle anwuma na ɔhanle kɛ, “Egya, mekɛ ne ɛdwu. Wula Ɛ Ra anyunlunyia na maa Ralɛ ne ɛwula wɔ anyunlunyia.

Dw 7:30

Yemɔti bɛyɛle kɛ bɛkye ye, noko awie angola anzɔ ye nu, ɔboalekɛ ɛnee ye mekɛ ne ɛtɛdwule.

Dw 8:20

Gyisɛse hanle ɛhye mɔ amuala wɔ mekɛ mɔɔ ɛnee ɔlɛkilehile wɔ Ɛzonlenlɛ Sua ne anu, wɔ ɛleka mɔɔ azubɔlɛ nlɛka ne mɔ gyigyi la. Na awie biala angola ye kye, ɔboalekɛ ɛnee ye mekɛ ɛtɛdwule.

Ɛzoanvolɛma Gyima ne 7:52

Nyamenle kpɔmanvolɛ ko bɔbɔ ɛnle ɛkɛ mɔɔ bɛ mgbanyima andwazo ɔ nwo zo a. Bɛhunle menli mɔɔ Nyamenle zoanle bɛ kɛ bɛrabɔ ye Sonvolɛ Nwuanzanwuanza ne anwo nolo la amuala, na eza bɛye ɔdaye mumua ne bɛmaa bɛhu ye.

Maanlebuvolɛma Buluku ne 10:14

Bɛhɔ na bɛhɔzu bɛvɛlɛ bɛ nyamenle ne mɔ mɔɔ bɛnyia bɛ la na bɛmaa bɛlie bɛ bɛvi bɛ amaneɛnwunlɛ nu.”