Edwɛkpa ne kɛmɔ Maake hɛlɛle la 14:2 - BAEBOLO ANZƐƐ BULUKU NWUANZANWUANZA

² “Ɔnle kɛ yɛyɛ ye zɔhane wɔ ɛvoyialilɛ ne anu, anrɛɛ menli ne kɛli nzaka.”

Edwɛkpa ne kɛmɔ Maake hɛlɛle la 14:2 ပူးပေါင်းရင်းမြစ်များ

Mrɛlɛbulɛ Buluku ne 19:21

Sonla adwenle ngyehyɛlɛ zonle dɔɔnwo, noko mɔɔ Ɛdɛnkɛma kɛhyehyɛ la a bali munli a.

Mrɛlɛbulɛ Buluku ne 21:30

Nrɛlɛbɛ, ndelebɛbo, yɛɛ folɛdulɛ biala ɛnle ɛkɛ mɔɔ kola gyinla Ɛdɛnkɛma anyunlu a.

Gyɛlɛmaya Awolɛyelɛ 3:27

ɔle kpalɛ kɛ sonla kɛgyɛnva ye gyɛnvayile ne ye mgbavolɛ nu.

Edwɛkpa ne kɛmɔ Mateyu hɛlɛle la 26:2

“Kɛmɔ bɛdabɛ bɛze la, yeha kenle nwiɔ ɛnee Akpabɛnwo Ɛvoyia ne ɛdwu zo, na bɛbaye medame Sonla Ra bɛamaa bɛabɔ me meanubaka nu.”

Edwɛkpa ne kɛmɔ Mateyu hɛlɛle la 26:5

Na bɛzele kɛ, “Ɔnle kɛ yɛyɛ ye zɔhane wɔ ɛvoyialilɛ ne anu, anrɛɛ menli ne kɛdo nzaka.”

Edwɛkpa ne kɛmɔ Maake hɛlɛle la 11:18

Sɛlɛvolɛ mgbanyinli nee mɛla kilehilevolɛma ne mɔ dele ɛhye la, bɛbɔle ɔ bo kɛ bɛkpondɛ adenle bɛalua zolɛ bɛahu Gyisɛse. Noko bɛzulole, ɔluakɛ ye ngilehilelɛ ne zinle menli dɔɔnwo ne amuala anwo.

Edwɛkpa ne kɛmɔ Maake hɛlɛle la 11:32

Saa yɛka noko kɛ, ‘Ɔvi sonla a…’ ” (Bɛzulole menli ne mɔ, ɔluakɛ ɛnee awie biala ɛlie ɛdo nu kɛ Dwɔn le Nyamenle kpɔmanvolɛ.)

Edwɛkpa ne kɛmɔ Maake hɛlɛle la 14:1

Mɔɔ ɔhale kenle nwiɔ na Akpabɛnwo nee Angye Ɛvoyia ne adwu la, sɛlɛvolɛ mgbanyinli ne nee mɛla kilehilevolɛma ne mɔ kpondɛle adenle mɔɔ bɛdua zo bɛahye Gyisɛse ahane ɛleka bie bɛahu ye la, ɔluakɛ bɛse,

Edwɛkpa ne kɛmɔ Maake hɛlɛle la 14:3

Ɛnee Gyisɛse wɔ Saemɔn mɔɔ anrɛɛ le kokobɛvolɛ la sua nu wɔ Bɛtani. Mɔɔ ɛnee Gyisɛse ɛlɛkpula ɔ sa la, raalɛ bie vale anatele evuanlɛ bie mɔɔ ye bolɛ yɛ se kpalɛ na bɛvale “naade” a bɛyɛle la wɔ “alabaseta” bolɛ toba nu rabɔle ye guale Gyisɛse ati zo.

Edwɛkpa ne kɛmɔ Luku hɛlɛle la 20:6

Saa yɛka noko kɛ, ‘Ɔvi sonla’ a, menli ɛwolaa ye mɔɔ wɔ ɛke la amuala kɛzi yɛ awolɛ, ɔboalekɛ bɛdie bɛto nu kɛ Dwɔn le Nyamenle kpɔmanvolɛ.”

Edwɛkpa ne kɛmɔ Luku hɛlɛle la 22:1

Mɔɔ Angye Ɛvoyia ne, mɔɔ ye ko ne ala a le Akpabɛnwo Ɛvoyia ne la bikyele la,

Dw 12:19

Na Falasiima ne hanle hilele bɛ nwo kɛ, “Bɛnwu kɛ yɛangola ɛhwee yɛ ɛ! Nea kɛ ewiade amuala ɛdu doa ye ɛ!”

Dw 7:40

Menli mɔɔ wɔ ɛlɔne ne anu la anu dɔɔnwo dele mɔɔ ɔhanle la, na bɛzele kɛ, “Amgba, nrenya ɛhye a le Nyamenle Kpɔmanvolɛ ne!”