Edwɛkpa ne kɛmɔ Maake hɛlɛle la 14:16 - BAEBOLO ANZƐƐ BULUKU NWUANZANWUANZA

¹⁶ Ɛdoavolɛma ne zile nu hɔle suakpole ne azo, na bɛhɔnwunle debie biala, kɛmɔ Gyisɛse hanle hilele bɛ ala la, na bɛdole Akpabɛnwo Ɛvoyia aleɛ ɛkponle ne.

Edwɛkpa ne kɛmɔ Maake hɛlɛle la 14:16 ပူးပေါင်းရင်းမြစ်များ

Yizikeɛle Buluku ne 12:7

Menyɛle mɔɔ Ɛdɛnkɛma zele me la. Alehyenlɛ ne anu, menkyekyele me bɔlɛ kɛ sonla mɔɔ ɛlɛkɔ nlɔnu la; nɔsolɛ nu menvale me sa menvunvunle bane ne anu menfitile mendɔle ɔ nzi, na bɛ nye zo ɛkɛ ne ala, menvale me bɔlɛ mendole me kɔme zo na mendɔle awozinli ne anu mengɔle.

Edwɛkpa ne kɛmɔ Maake hɛlɛle la 14:15

Na ɔbahile bɛ anwuma ekpumgbunli kpole bie mɔɔ bɛziezie nu dɛba la. Bɛdo Akpabɛnwo Ɛvoyia aleɛ ɛkponle ne wɔ ɛkɛ.”

Edwɛkpa ne kɛmɔ Maake hɛlɛle la 14:17

Aleɛ muanle nwolɛ la, Gyisɛse nee ye ɛdoavolɛma bulu nee nwiɔ ne rale.

Edwɛkpa ne kɛmɔ Luku hɛlɛle la 22:13

Na ɛdoavolɛma ne hɔle na bɛhɔnwunle ye, kɛmɔ Gyisɛse hanle hilele bɛ ala la, na bɛzieziele Akpabɛnwo Ɛvoyia aleɛ ne.

Edwɛkpa ne kɛmɔ Luku hɛlɛle la 22:35

Akee Gyisɛse bizale ye ɛdoavolɛma ne kɛ, “Ɛkenle mɔɔ menzoanle bɛ mɔɔ bɛanva ezukoa kodoku, adendulɛ kodoku, anzɛɛ mgbɔlaboa la, asoo bɛhyianle debie nwo?” Bɛbuale kɛ, “Kyɛkyɛ, yeangyia ɛhwee nwo.”

Dw 16:4

Na meha ɛhye mɔ mehile bɛ, amaa saa mekɛ ne dwu na bɛlɛfa bɛayɛ bɛ a, bɛahakye kɛ menganle mengilele bɛ. “Meanga ɛhye mɔ meangile bɛ alumua ne, ɔboalekɛ ɛnee me nee bɛ a de a.