Edwɛkpa ne kɛmɔ Maake hɛlɛle la 14:11 - BAEBOLO ANZƐƐ BULUKU NWUANZANWUANZA

¹¹ Ɛhye yɛle sɛlɛvolɛ mgbanyinli ne mɔ fɛ kpole, na bɛbɔle ye ɛwɔkɛ kɛ bɛkɛmaa ye nwolɛ ezukoa. Na ɔvi mekɛ ne anu Dwudase bɔle ɔ bo kɛ ɔkpondɛ adenle yealua zolɛ yeaye Gyisɛse yeamaa.

Edwɛkpa ne kɛmɔ Maake hɛlɛle la 14:11 ပူးပေါင်းရင်းမြစ်များ

1 Arl 21:20

Ehabe nwunle Yilaegya ala la ɔhanle kɛ, “Hue e! Me kpɔvolɛ ɛvinde me.” Yilaegya buale ye kɛ, “Ɛhɛe, mevinde wɔ! Ɔboalekɛ wɔbɔ kpɔkɛ kɛ wɔmɔ, amumuyɛ ala a ɛyɛ wɔatia Ɛdɛnkɛma a.

2 Arl 5:26

Na Yilaehya zele ye kɛ, “Me sunsum nee wɔ a hɔle a. Mɔɔ nrenya ne vi ye ehwili ne anu dwule aze kɛ ɔbayia wɔ la ɛnee mewɔ ɛkɛ. Ɛnea a ɛnee mekɛ mɔɔ bɛfa bɛdie ezukoa, adɛladeɛ, ɔlivi nee vanye egyinli, mboane nee nlankɛ, yɛɛ sonvolɛ mrenya nee mraalɛ la a le ɛhye ɔ?

Hozia Buluku ne 7:3

Ɛdɛnkɛma se, “Menli fa bɛ maamɔlɛ adwenle ne bɛlɛbɛla belemgbunli nee ye mgbanyima ne mɔ.

Edwɛkpa ne kɛmɔ Mateyu hɛlɛle la 26:14

Ɛdoavolɛma ne anu ko mɔɔ bɛfɛlɛ ye Dwudase Yesekaleɔto la hɔle sɛlɛvolɛ mgbanyinli ne mɔ ɛkɛ

Edwɛkpa ne kɛmɔ Mateyu hɛlɛle la 26:15

hɔbizale bɛ kɛ, “Saa meye Gyisɛse memaa bɛ a, duzu a bɛkɛva bɛkɛmaa me a?” Bɛdianle dwɛtɛ fufule abulasa bɛmanle ye.

Edwɛkpa ne kɛmɔ Maake hɛlɛle la 14:10

Dwudase Yesekaleɔto mɔɔ le ɛdoavolɛma bulu nee nwiɔ ne mɔ anu ko la hɔle sɛlɛvolɛ mgbanyinli ne mɔ ɛkɛ ne kɛ ɔkaye Gyisɛse yeamaa bɛ.

Edwɛkpa ne kɛmɔ Maake hɛlɛle la 14:12

Angye Ɛvoyia kenle ne mɔɔ lumua la yɛɛ bɛku mboane mralɛ bɛto Akpabɛnwo Ɛvoyia aleɛ ne a. Kenle zɔhane dwule la Gyisɛse ɛdoavolɛma ne mɔ bizale ye kɛ, “Nienwu a ɛkulo kɛ yɛkɔsiezie Akpabɛnwo Ɛvoyia aleɛ ne a?”

Edwɛkpa ne kɛmɔ Luku hɛlɛle la 22:3

Seetan wolole Dwudase, mɔɔ eza bɛfɛlɛ ye Yesekaleɔto na ɔle ɛdoavolɛma bulu nee nwiɔ ne anu ko la.

1 Tem 6:10

Ɔluakɛ ezukoa nwo anyebolo le munzule muala abo ndinli; bie mɔ anye ɛbolo ye ɛkpondɛlɛ somaa yemaa bɛvi diedi ne anwo mɔɔ akee nyane ala a bɛdi a.

Dwuudu Kɛlata ne 1:11

Abule ɛbu bɛ! Bɛva Keen agyakɛ. Bɛdoa ezukoa fɛlɛko bɛvo kɛ Beelam la. Bɛde atua kɛ Kɔla dele la, na bɛminli bɛ bo zo.