Edwɛkpa ne kɛmɔ Maake hɛlɛle la 13:9 - BAEBOLO ANZƐƐ BULUKU NWUANZANWUANZA

⁹ “Na bɛmɛ, bɛnlea bɛ nwo boɛ kpalɛ. Bɛbahye bɛ bɛahɔ kɔɔto. Bɛbabo bɛ wɔ nyianu azua ne mɔ anu; ɔlua me ti, bɛbagyinla mgbanyima nee arelemgbunli nyunlu na bɛaha Edwɛkpa ne bɛahile bɛ.

Edwɛkpa ne kɛmɔ Maake hɛlɛle la 13:9 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 5:22

Mame, mese: Awie biala mɔɔ kɛva ɔ diema anwo ɛya la bɛkɛbua ye ewule fɔlɛ. Mɔɔ kɛyɛ ɔ diema aholoba la bɛ nee ye kɛhɔ nyianu sua nu mgbanyima ayia ne anyunlu; na mɔɔ kɛze ɔ diema kɛ, ‘Ɛle koasea!’ la, ɛva ɔ nwo ɛdo ɛbolɔ senle nu.

Edwɛkpa ne kɛmɔ Maake hɛlɛle la 1:44

na ɔzele ye kɛ, “Nea, mmabɔ mɔɔ ɛzi la azo ɛkile awie biala. Maa ɔyɛ ndɛ kɔva ɛ nwo kile sɛlɛvolɛ ne na bɔ anwonzalɛ azu ne mɔɔ Mosisi hyehyɛle dole ɛkɛ ne la fa kile kɛ ɛ nwo ɛza.”

Edwɛkpa ne kɛmɔ Maake hɛlɛle la 13:5

Gyisɛse zele bɛ kɛ, “Bɛnlea boɛ na awie ambɛlɛbɛla bɛ.

Edwɛkpa ne kɛmɔ Maake hɛlɛle la 13:8

Maanle nee maanle baho, na arelemgbunli adwazo atia bɛ nwo. Azɛlɛ bakpusu ɛleka biala, yɛɛ ɛhɔne bara, noko ninyɛne ɛhye mɔ le kɛ awolɛ nyane la.

Edwɛkpa ne kɛmɔ Maake hɛlɛle la 6:11

Saa bɛkɔ sua bie azo noko na menli ne anlie bɛ anzɛɛ ɛnrɛdie bɛ a, bɛvi ɛkɛ ne bɛhɔ na bɛkpɔlɔkpɔla bɛ gyakɛ anwo munlutu bɛgua, bɛva bɛhile kɛ menli ne di ɛzonle.”

Edwɛkpa ne kɛmɔ Luku hɛlɛle la 9:5

na ɛleka biala mɔɔ menli ne anlie bɛ la, bɛvi sua ne azo bɛhɔ na bɛkpokpo bɛ gyakɛ abo anwea ne bɛgua zolɛ bɛmaa ɔyɛ daselɛ ɔtia bɛ.”

Dw 15:20

Bɛhakye mɔɔ meha mehile bɛ la; ‘Akɛlɛ ɛnle kpole ɛndɛla ɔ menle.’ Saa bɛyɛle me kpɔdekpɔde a ɛnee bɛbayɛ bɛdabɛ noko kpɔdekpɔde; saa bɛlile me ngilehilelɛ zo a, ɛnee bɛbali bɛdabɛ noko bɛ ngilehilelɛ zo.

Dw 16:2

Bɛbaye bɛ ali bɛavi bɛ nyianu azua ne mɔ anu. Mekɛ bara mɔɔ awie biala mɔɔ kɛhu bɛ nuhua bie la badwenle kɛ ɔlɛyɛ ye Nyamenle gyima.

Ɛzoanvolɛma Gyima ne 21:11

Ɔrale yɛ nwo ɛkɛ ne na ɔvale Pɔɔlo akyeso ne ɔkyekyele ɔdaye ɔ ngome ɔ sa nee ɔ gyakɛ na ɔhanle kɛ, “Kɛ Sunsum Nwuanzanwuanza ne se la ɛne: Sonla ne mɔɔ lɛ akyeso ɛhye la, Dwuuma bakyekye ye zɛhae wɔ Gyɛlusalɛm, na bɛava ye bɛawula bɛdabɛ mɔɔ bɛnle Dwuuma la asa anu.”

Ɛzoanvolɛma Gyima ne 7:54

Mekɛ mɔɔ ayiama ne ɛlɛtie Sitivin la ɛnee ɛya ɛwie bɛ wolowolo na bɛ nwo ndinli ɛlɛtwehwe bɛ kikilikikili zɛhae.

Ɛzoanvolɛma Gyima ne 9:16

Na medame mebahile ye amaneɛ mɔɔ ɔbanwu ye wɔ me duma nu la.”

Pɔɔlo Kɛlata mɔɔ ɔhɛlɛle ɔhɔmanle Felepaema la 1:29

Nyamenle a ɛmaa adenle kɛ bɛlie Kelaese bɛli na bɛnwu amaneɛ wɔ ɔ ti a.

2 Tɛs 1:5

Ɛhye mɔ amuala kile kɛ Nyamenle ndɛnebualɛ ne le fɔɔnwo, amaa bɛafɛta Nyamenle Belemgbunlililɛ ne, mɔɔ yemɔti bɛlɛnwu amaneɛ la.

2 Dw 1:8

Bɛnlea bɛ nwo boɛ na bɛamminli mɔɔ bɛvɛ nwolɛ bɛnyia ye la, amaa bɛanyia bɛ ahatualɛ ne amuala.

Yekile 1:9

Mame a mele bɛ diema Dwɔn. Kelaese ati yɛ muala yɛle ko na yɛlɛ abotane yɛlɛnwu amaneɛ mɔɔ kile kɛ yɛ nwo fɛta ye Belemgbunlililɛ ne a. Bɛvale me bɛradole bɔra ye mɔɔ bɛfɛlɛ ye Patemɔso la azo, ɔluakɛ membɔle Nyamenle edwɛkɛ ne nee nɔhalɛ ne mɔɔ Gyisɛse yele hilele la nolo.

Yekile 2:10

Mmasulo debie biala mɔɔ bɛbayɛ wɔ la. Tie, Abɔnsam ne bamaa bɛagua bɛ bie mɔ efiade, bɛazɔ bɛ bɛanlea, na bɛanwu amaneɛ dedee kenle bulu. Noko di nɔhalɛ maa me, bɔbɔ kɔdwu ewule nu, na mebabɔ wɔ ngoane abɔtile.

Yekile 2:13

Meze kɛ ɛleka mɔɔ ɛde la, ɛkɛ ne a Seetan ebia ne gyi a. Noko ɛlɛ me duma ne anu ɛsesebɛ na ɛdi nɔhalɛ ɛmaa me, yɛɛ wɔ diedi amkpo aze, bɔbɔ wɔ mekɛ mɔɔ bɛhunle me nɔhalɛ dasevolɛ Antɛpase wɔ Seetan ebia ne abo la.