Edwɛkpa ne kɛmɔ Maake hɛlɛle la 13:8 - BAEBOLO ANZƐƐ BULUKU NWUANZANWUANZA

⁸ Maanle nee maanle baho, na arelemgbunli adwazo atia bɛ nwo. Azɛlɛ bakpusu ɛleka biala, yɛɛ ɛhɔne bara, noko ninyɛne ɛhye mɔ le kɛ awolɛ nyane la.

Edwɛkpa ne kɛmɔ Maake hɛlɛle la 13:8 ပူးပေါင်းရင်းမြစ်များ

2 Edk 15:6

Bɛ nuhua kpakyekpakyele, maanle honle tiale maanle, suakpole honle tiale suakpole, ɔluakɛ ɛnee Nyamenle ɛva ngyegyelɛ ɛrado bɛ avinli.

Edwɛndolɛ Buluku ne 48:6

Bɛ nwo wozowozole bɛ wɔ ɛkɛ, kɛ raalɛ mɔɔ ɛvo awolɛ zo la.

Ayezaya Buluku ne 19:2

Ɛdɛnkɛma se, “Mebamaa Yigyibitima angome adwazo atia bɛ nwo, adiema nee adiema baho, agɔnwolɛ badwazo agɔnwolɛ nwo zo, suakpole nee suakpole baho, na arelemgbunli adwazo arelemgbunli nwo zo.

Ayezaya Buluku ne 29:6

Tumivolɛ Ɛdɛnkɛma bava ɛnelɛ kpole, ɛhululɛ nee azɛlɛkpusulɛ aralie wɔ. Ɔbara kɛ ahumuakyima nee ahumu kpole, yɛɛ sendɔlɔra senle la.

Ayezaya Buluku ne 37:3

Nrɛlaleɛ mɔɔ bɛ nee ye hɔle la a le kɛ, “Belemgbunli Hɛzikaya se yɛraze wɔ kɛ, ‘Ɛnɛ le nyanelilɛ kenle; abule ɛbu yɛ, anyiemgba ɛha yɛ. Yɛyɛ kɛ raalɛ mɔɔ ɛvo awolɛ zo na ɔ nwo ɛbɛlɛ ye, na ɔngola ɔ nwo twe la.

Gyɛlɛmaya Buluku ne 13:21

Saa bɛfa menli mɔɔ bɛmɛ bɛvale bɛ kɛ konle nu agɔnwolɛma la bie bɛsie bɛ kpanyinli a, bɛmɛ Yizilayɛma, duzu edwɛkɛ a bɛkɛha a? Asoo bɛ nwo ɛnrɛfofo bɛ, bɛnrɛde nyane kɛ raalɛ mɔɔ ɛvo awolɛ zo la?

Gyɛlɛmaya Buluku ne 22:23

O Lɛbanɔnoma, mɔɔ bɛde sida azua nu a, nyane to bɛ a ɛkponlenlɛ mɔɔ bɛbakponle la bayɛ kɛ raalɛ mɔɔ ɛhɔ ahonleɛ la.

Gyɛlɛmaya Buluku ne 25:32

Tumivolɛ Ɛdɛnkɛma se munzule ɛlɛkpɔsa vi maanle zo ahɔ maanle zo. Ahumu ɛsesebɛ bie ɛlɛtu vi azɛlɛ ye ati moa moa ara.

Gyɛlɛmaya Buluku ne 4:31

Mendele ɛdeanlɛ kɛ raalɛ mɔɔ ɛvo awolɛ zo, mendele ɛkponlenlɛ kɛ raalɛ mɔɔ ɛlɛwo ye belamunli ralɛ la. Gyɛlusalɛm a ɛzu ɛha nu la, yedɛlɛ ɔ sa nu, ɔse, “Mewu O! Medɔ kɔdiawuma asa anu.”

Gyɛlɛmaya Buluku ne 49:24

Dɛmasekɛse ɛyɛ bɛtɛɛ zɛhae. Ɔyɛle kɛ ɔnriandi na ɔ nye zo danle ye. Nyane nee alɔbɔlɛ ɛkyekye ye kɛ raalɛ mɔɔ ɛvo awolɛ zo la.

Gyɛlɛmaya Buluku ne 50:43

Babelonia belemgbunli ne dele bɛ nganeɛ, ɔ nwo golole ye na ɔ sa nu dole. Nyane wiele ye kyekye, ɔdele nyane kɛ raalɛ mɔɔ ɛvo awolɛ zo.

Gyɛlɛmaya Buluku ne 6:24

Gyɛlusalɛmma se, “Yɛde nrɛlaleɛ ne, yɛ sa nu ɛtuto. Arɛlebɔlɛ nee nyane ɛkyekye yɛ kɛ raalɛ mɔɔ ɛvo awolɛ zo la.

Hagae Buluku ne 2:22

na meabutubutu arelemgbunlililɛ nye aze. Mebazɛkye maanle maanle ne mɔ anwosesebɛ, meazɛkye bɛ konle ehwili ne mɔ nee menli mɔɔ ka la; bɛ mgbɔnwɔ nee menli mɔɔ ka mgbɔnwɔ ne mɔ la amuala badu agua, bɛdabɛ bɛ ngome bɛbapɛ bɛ nwo bɛahuhu bɛ nwo.

Zɛkalaya Buluku ne 14:13

Mekɛ ne anu Ɛdɛnkɛma bamaa sulosulo adɔ bɛ nwo na bɛ nye zo ada bɛ, amaa bɛadwazo bɛdabɛ bɛ ngome bɛ nwo zo ngoko ngoko.

Edwɛkpa ne kɛmɔ Mateyu hɛlɛle la 24:8

Ɛhye mɔ amuala le kɛ awolɛ nyane ɛdelɛ bo ɛbɔlɛ.

Edwɛkpa ne kɛmɔ Maake hɛlɛle la 13:7

Noko saa konle si na ɔbikye bɛ, anzɛɛ bɛte kɛ konle ɛzi moa moa maanle bie anu a, bɛmmamaa bɛ ahonle tu. Ninyɛne ɛhye mɔ bazi, noko ɛnee awieleɛ ne ɛtɛdwule ɛkɛ.

Edwɛkpa ne kɛmɔ Maake hɛlɛle la 13:9

“Na bɛmɛ, bɛnlea bɛ nwo boɛ kpalɛ. Bɛbahye bɛ bɛahɔ kɔɔto. Bɛbabo bɛ wɔ nyianu azua ne mɔ anu; ɔlua me ti, bɛbagyinla mgbanyima nee arelemgbunli nyunlu na bɛaha Edwɛkpa ne bɛahile bɛ.

Ɛzoanvolɛma Gyima ne 11:28

Bɛ nuhua ko mɔɔ bɛfɛlɛ ye Agabɛse la dwazole luale Sunsum ne tumi ne azo hanle dole ɛkɛ kɛ ɛhɔne kpole bie bara ewiade amuala. (Ɛhye yɛle zɔhane wɔ Maanle Maanle Belemgbunli Kolɔdeɛse mekɛ zo.)

1 Tɛs 5:3

Mekɛ mɔɔ menli kɛdwenle kɛ akee “Debie biala ɛla boɛ” la, mekɛ ne anu ala yɛɛ munzule ne bazi a. Biala ɛnrɛvi ɛsalɛ, ɔbayɛ arɛlevilɛ nu kɛ raalɛ mɔɔ ako ɛha ye la.

Yekile 6:4

Na sonla ko mɔɔ bɛmaa ye konle dadeɛ kpole ko la de ɛkpɔnwɔ kɔkɔlɛ mɔɔ bolo kpalɛ la azo rale. Na bɛmanle ye adenle kɛ ɔye anzonudwolɛ ɔvi azɛlɛ ye azo, amaa menli ahu bɛ nwo.