Edwɛkpa ne kɛmɔ Maake hɛlɛle la 13:7 - BAEBOLO ANZƐƐ BULUKU NWUANZANWUANZA

⁷ Noko saa konle si na ɔbikye bɛ, anzɛɛ bɛte kɛ konle ɛzi moa moa maanle bie anu a, bɛmmamaa bɛ ahonle tu. Ninyɛne ɛhye mɔ bazi, noko ɛnee awieleɛ ne ɛtɛdwule ɛkɛ.

Edwɛkpa ne kɛmɔ Maake hɛlɛle la 13:7 ပူးပေါင်းရင်းမြစ်များ

2 Sam 14:14

Ɔwɔ nuhua kɛ yɛ muala yɛbawu. Yɛle kɛ nzule mɔɔ ɛbɔ ɛkponde azɛlɛ nwo la, ɛsa ye bieko a ɔnyɛ boɛ. Nyamenle ɛngu sonla, na ɔfa adenle bie azo ɔmaa sonla mɔɔ ɔdaye Nyamenle yevoa ye la ɛnga ye sonlamgbane nu. Sonla mɔɔ ɛva sulosulo ɛdɔ ɛbɔ nu la noko, belemgbunli kola maa ɔsia ɔba sua nu bieko.

Edwɛndolɛ Buluku ne 112:7

Tenlenenli ɛnzulo amaneɛ ɛtane, ɔgyinla kpundii na ɔfa ɔ rɛle ɔwula Ɛdɛnkɛma anu.

Edwɛndolɛ Buluku ne 27:3

Saa ɛlɔnema bɛnra yia me a, menrɛzulo ɛhwee; saa konle fa me aze a, me ahonle ɛnrɛdu.

Mrɛlɛbulɛ Buluku ne 3:25

Anyezota ba arɛlevilɛ nu a, mmasulo, yɛɛ saa amumuyɛma ɛzɛkyelɛ mekɛ ne dwu a, mmasulo,

Ayezaya Buluku ne 8:12

Ɔse, “Mmafa ɛ nwo ɛdielie bɛ nwule nyɛleɛ ne mɔ anu, mmasulo debie mɔɔ bɛmɛ bɛsulo ye la, yɛɛ mmamaa wɔ ahonle tu.

Gyɛlɛmaya Buluku ne 51:46

Bɛmmamaa bɛ ahonle tu, yɛɛ bɛmmasulo edwɛkɛ mɔɔ bɛde ye azɛlɛ ne azo la anwo. Ɛvolɛ biala bɛte konle nwo edwɛkɛ wɔ azɛlɛ ne azo kɛ belemgbunli nee ɔ gɔnwo belemgbunli ɛnyia konle.

Edwɛkpa ne kɛmɔ Mateyu hɛlɛle la 18:7

Munzule ɛha aleɛabo amra kɛ ninyɛne mɔɔ maa sonla diedi kakyi la dɔɔnwo wɔ ewiade ye anu a! Kɛ ɔkɛyɛ biala la, zɛhae ngyegyelɛ ne mɔ bara, noko sonla ne mɔɔ ɔkɛlua ɔ nwo zo ɔkɛra la, ye gyakɔ!

Edwɛkpa ne kɛmɔ Mateyu hɛlɛle la 2:3

Belemgbunli Hɛlɔdo dele ɛhye la ye adwenle zɛkyele, na Gyɛlusalɛm amra amuala noko atiakunlu zɛkyele.

Edwɛkpa ne kɛmɔ Maake hɛlɛle la 13:6

Menli dɔɔnwo balua me duma nu ara, na bɛaraha kɛ, ‘Mame a mele Mɛzaya ne!’ na bɛabɛlɛbɛla dɔɔnwo ne ala.

Edwɛkpa ne kɛmɔ Maake hɛlɛle la 13:8

Maanle nee maanle baho, na arelemgbunli adwazo atia bɛ nwo. Azɛlɛ bakpusu ɛleka biala, yɛɛ ɛhɔne bara, noko ninyɛne ɛhye mɔ le kɛ awolɛ nyane la.

Dw 14:1

Gyisɛse zele bɛ kɛ, “Bɛmmamaa bɛ rɛle bɔ na bɛdi nyane. Bɛlie Nyamenle bɛli na bɛlie medame noko bɛli.

Dw 14:27

“Anzonudwolɛ a mefa megyakyi bɛ a; medame me anzonudwolɛ a mefa megyakyi bɛ a. Menva memmaa bɛ kɛmɔ ewiade fa maa la. Bɛmmamaa bɛ rɛle bɔ na bɛdi nyane; bɛmmasulo noko.

Ɛzoanvolɛma Gyima ne 17:3

Ɔhilehilele nu ɔmanle bɛnwunle kɛ ɔwɔ kɛ Mɛzaya ne nwu amaneɛ na bɛdwazo ye bɛfi ewule nu, na ɔvale ɔzɔle zolɛ kɛ, “Gyisɛse ɛhye mɔɔ melɛka ɔ nwo edwɛkɛ meahile bɛ la, yemɔ a le Mɛzaya ne.”