Edwɛkpa ne kɛmɔ Maake hɛlɛle la 13:34 - BAEBOLO ANZƐƐ BULUKU NWUANZANWUANZA

³⁴ Ɛhye le kɛ nrenya bie mɔɔ ɛlɛtu adenle na yeva ye awuke yewula ye sonvolɛma asa nu la. Biala nee ye gyima, na ɔse mɔɔ nea anlenkɛ kpole ne la kɛ ɔzinza.

Edwɛkpa ne kɛmɔ Maake hɛlɛle la 13:34 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 16:19

Mebava Anwuma Belemgbunlililɛ ne azanvɛ ne meawula ɛ sa nu; mɔɔ ɛkɛkyekye ye wɔ aze ɛke la, bɛkɛkyekye ye wɔ anwuma lɔ, mɔɔ ɛkɛtulu ye wɔ aze ɛke noko la, bɛkɛtulu ye wɔ anwuma lɔ.”

Dw 10:3

Anlenkɛ sinzavolɛ ne tukue ye anlenkɛ ne; mboane ne mɔ te ɔ ne, ɔfa boane ko biala duma ɔfɛlɛ ye na ɔfa bɛ ɔfinde ɔkɔ adidi.

Wulo 13:6

Zɔhane ati yɛɛ ɔwɔ kɛ bɛtua bɛ maanle adwule noko a, ɔluakɛ saa mgbanyima ne mɔ mɔɔ di zɛhae gyima la yɛ bɛ gyima ne adenle kpalɛ zo a, ɛnee bɛlɛyɛ bɛ Nyamenle gyima.

1 Kɔl 15:58

Zɔhane ati, me mediema kulovolɛma, bɛgyinla kpundii kpalɛ. Bɛmaa bɛ nye ɛbolo Awulae gyima ne ɛyɛlɛ nwo, na bɛnwu ye kɛ Awulae ati bɛ ɛvɛlɛ ɛnrɛyɛ gyɛne.

Kɔlɔ 3:24

Bɛhakye kɛ Awulae a bamaa bɛ nwolɛ ahatualɛ ne mɔɔ yeva yezie ɛkɛ yemaa ye menli la a. Ɔluakɛ Awulae Kelaese a le Menlenlɛ ne mɔɔ bɛsonle ye la.

Kɔlɔ 4:1

Menlenlɛma, bɛnlea bɛ ngɛkɛlɛ ne mɔ boɛ gyɛlɛɛnye. Bɛhakye kɛ bɛdabɛ noko bɛlɛ bɛ Menle wɔ anwuma.

Yekile 3:7

“Kɛlɛ ɛhye kɔmaa Feladɛlefea asɔne ne Nyamenle soanvolɛ ne. “Nrɛlaleɛ ɛhye vi Nwuanzanwuanzanli ne mɔɔ le nɔhalɛnli ne ɛkɛ. Yemɔ yɛɛ ɔlɛ Belemgbunli Devidi sanvɛ ne a. Ɔto nu a, awie ɛmbuke, yɛɛ ɔbuke a, awie ɛndo nu.