Edwɛkpa ne kɛmɔ Maake hɛlɛle la 13:2 - BAEBOLO ANZƐƐ BULUKU NWUANZANWUANZA

² Gyisɛse buale ye kɛ, “Wɔnwu azua mgbole ɛhye mɔ? Bolɛ ko bɔbɔ ɛnrɛla bolɛ zo mɔɔ bɛnrɛdwula ye aze a.”

Edwɛkpa ne kɛmɔ Maake hɛlɛle la 13:2 ပူးပေါင်းရင်းမြစ်များ

Gyɛlɛmaya Buluku ne 26:18

“Wɔ Dwuda Belemgbunli Hɛzikaya mekɛ zo, Nyamenle kpɔmanvolɛ Maeka mɔɔ vi Molɛhyɛte la hanle Nyamenle nrɛlaleɛ hilele menli ne kɔsɔɔti kɛ Tumivolɛ Ɛdɛnkɛma se, ‘Bɛbazo Zayɔn kɛ ɛya la, Gyɛlusalɛm bayɛ kɛ ewula edukue, na boka ne mɔɔ Ɛdɛnkɛma Ɛzonlenlɛ Sua ne gyi zolɛ la bayɛ kpɔkɛmile.’

Daneɛle Buluku ne 9:26

Mekɛ zɔhane anzi bɛbahu sonla ne mɔɔ bɛkpokpa ye nwole la atisesebɛ nu. Na belemgbunli holɛ ko ne mɔɔ bara la ɛlɔnema ne bazɛkye suakpole ne nee ɛleka nwuanzanwuanza ne. Ye awieleɛ bara kɛ azuyilɛ na nzinlii yeawie konle. Ninyɛne dɔɔnwo bazɛkye, kɛmɔ Nyamenle ɛhyehyɛ la.

Maeka Buluku ne 3:12

Yemɔti bɛmɛ ti, bɛbagologolo Gyɛlusalɛm kɛ bɛgolo ɛya la bɛamaa yeayɛ suadu na boka ne mɔɔ Ɛzonlenlɛ Sua ne gyi zo la ahakyi kpɔkɛ.

Edwɛkpa ne kɛmɔ Mateyu hɛlɛle la 24:2

Na ɔbizale bɛ kɛ, “Bɛnwu ninyɛne ɛhye mɔ ɔ? Nɔhalɛ, meka meahile bɛ kɛ bolɛ ko bɔbɔ ɛnrɛla bolɛ zo mɔɔ bɛnrɛdwula ye aze a.”

Edwɛkpa ne kɛmɔ Luku hɛlɛle la 21:6

“Ɛhye mɔ amuala mɔɔ bɛnwu bɛ la, mekɛ bara mɔɔ bolɛ ko bɔbɔ ɛnrɛla bolɛ zo a; bɛbagologolo bɛ muala bɛagua aze.”

Ɛzoanvolɛma Gyima ne 6:14

Yɛdele kɛ ɔlɛka kɛ Gyisɛse ne mɔɔ vi Nazalɛte la barazɛkye Ɛzonlenlɛ Sua ye, na yeahakyi maamɛla biala mɔɔ Mosisi hyehyɛle manle yɛ la!”

Yekile 11:2

Anrɛɛ mmasuzu alie nwo ɛkɛ ne ɛboka nwolɛ, ɔboalekɛ bɛva ɛkɛ ne bɛmaa bɛdabɛ mɔɔ bɛnzonle Nyamenle la. Zɛhae menli barava Suakpole Nwuanzanwuanza ye siane abulanla nee nwiɔ na bɛazie menli mɔɔ wɔ zolɛ la.